کم قیمت گرین سمنٹ، تعمیراتی صنعت کے لیے خوش آئند ہے، ڈاکٹر خالد مقبول صدیقی
سمنٹ سے کاربن ڈائی آکسائیڈ کی تخفیف، ماحول دوستی کا اعلان ہے، ڈاکٹر سروش لودھی
جامعہ این ای ڈی دو روزہ گرین کنسٹرکشن میٹریل اینڈ پریکٹس گلوبل کانفرنس کا انعقاد کیا گیا
کراچی () ماحولیاتی تبدیلی ہم سب کو متاثر کررہی ہے، جو ہوسکا وہ ماحول کی بہتری کے لیے کریں گے، انڈسٹری، اکیڈمیا، حکومت سب کو مل کر کام کرنا ہوگا، ان خیالات کا اظہار وفاقی وزیر سائنس و ٹیکنالوجی ڈاکٹر خالد مقبول صدیقی نے جامعہ این ای ڈی میں دو روزہ گلوبل گرین کانفرنس کے انعقاد پر کیا۔ انہوں نے اپنے مختصر خطاب میں اس کم قیمت “گرین تعمیراتی سمنٹ(ایل سی تھری)” کو ماحول دوست قرار دیا جب کہ اس کے کم قیمت ہونے کو تعمیراتی صنعت کے لیے خوش آئند بھی قرار دیا۔ ان کا کہنا۔تھا کہ اپنی آئندہ نسلوں کے لیے جو ہوسکا وہ کریں گے۔ انہوں نے زور دیا کہ تعمیراتی بہتری پاکستان کی بہتری ہے۔ مزید کہا کہ انڈسٹری، اکیڈمیا، حکومت سب کو مل کر کام کرنا ہوگا۔ سوئزر لینڈ سے آئے کی نوٹ اسپیکرز ڈاکٹر کیرن اور ماہر تعمیراتی صنعت لارینٹ ڈومینک نے گرین سمنٹ کی افادیت پر زُور دیا۔ انسٹی ٹیوٹ آف انجینئرز پاکستان کے چیئرمین انجینئر سہیل بشیر، پروائس چانسلر ڈاکٹر محمد طفیل، ڈین ڈاکٹر نعمان احمد، ڈاکٹر عبدالجبار سانگی، کانفرنس سیکریٹری ڈاکٹر طارق جمیل نے بھی استقبالیہ سے 
خطاب کیا۔ کانفرنس سے خطاب کرتے ہوۓ شیخ الجامعہ ڈاکٹر سروش حشمت لودھی کا کہنا تھا کہ گرین سمنٹ سے کاربن ڈائی آکسائیڈ کی تخفیف ممکن ہے جو دنیا بھر کے لیے ماحول دوستی کا اعلان قرار دیا رہا ہے۔ ہر شعبہ ہاۓ زندگی کی بہتری اس گرین سمنٹ کے استعمال میں ہے۔ انہوں نے زُور دیا کہ پاکستان کی تعمیراتی صنعت کی بہتری کے لیے جدید بنیادوں پر یہ گرین سمنٹ بنانا ہوگا۔ انہوں نے کہا کہ میں سمجھتا ہوں کہ ڈاکٹر طارق جمیل اور ٹیم نے پاکستان کی تعمیراتی دنیا میں سنگ میل سر کیا ہے۔ کانفرنس کے اختتامیہ سے کی نوٹ اسپیکرز سمیت سی او او پاور سمنٹ احسن انیس، ڈین ڈاکٹر اسد ارحمان، چیئرمین سول ڈاکٹر عبدالجبار سانگی، سینئر سائنٹسٹ محمد امجد سمیت سیکریٹری کانفرنس ڈاکٹر تہمینہ ایوب نے بھی خطاب کیا۔
