چیئرمین ناظم آباد ٹاون سید محمد مظفر کی زیر صدارت افسران کا اجلاس
شب برات سے قبل ٹا ؤن انتظامیہ کی جانب سے کئے جانے والے انتظامات کا جائزہ
قبرستانوں اور ان کے اطراف صفائی ستھرائی اور روشنی کا خصوصی انتظام کیا جائے گا: سید محمد مظفر
ٹاون انتظامیہ کی جانب سے قبرستان آنے والے زائرین کو ہر ممکنہ سہولیات فراہم کریں گے: سید محمد مظفر
مورخہ:06 /فروری 2025 ء
کراچی ( ) چیئرمین ناظم آباد ٹاون سید محمد مظفر کی زیر صدارت افسران کا اجلاس۔ اجلاس میں شب برات کے موقع پر ٹاون انتظامیہ ناظم آباد کی جانب سے زائرین قبرستان کو دی جانے والی بلدیاتی سہولیات کا جائزہ لیا گیا۔اس موقع پر وائس چیئر مین نعمان صدیقی،میونسپل کمشنر اظہر سعید،ڈائریکٹر سینی ٹیشن ظہیر احمد،ڈائریکٹر پارکس آ صف حسین،ڈائریکٹرٹیکسز آ صف بیگ،ڈائریکٹر انفارمیشن فہیم مصطفی،ڈپٹی ڈائریکٹر کونسل عبید عالم سمیت دیگر افسران بھی موجو د تھے۔تفصیلات کے مطابق چیئر مین ناظم آ با د ٹاؤن سید محمد مظفر کی سربراہی میں ناظم آباد کے تمام محکمے کے افسران کے ساتھ اجلاس ہوا جس میں آنے والے مذہبی تہوار شب برات اور رمضان کی آمد کے سلسلے میں ناظم آباد میں واقع کھجی گراؤنڈ قبرستان،خاموش کالونی قبرستان اور پاپوش نگر قبرستان کی صفائی ستھرائی و لائٹوں کی تنصیب اور شربت و پانی کی سبیل لگانے کے ساتھ ساتھ مساجد، امام بارگاہوں، قبرستانوں اور روحانی محافل کے اجتماعات کی جگہوں پر صفائی ستھرائی اور روشنی کے خصوصی انتظامات کے حوالے سے ہدایت جاری کیں۔ جبکہ 21 فروری تا 25 فروری تک آئی اون پارک میں ناظم اباد ٹاؤن کی جانب سے ناظم اباد کے عوام کی تفریح کے لیے پھولوں کی نمائش کا اہتمام بھی کیا جائے گا بعد ازاں چیئرمین نے
تمام محکموں کے سربراہوں سے ان کے محکموں کی کارکردگی کی رپورٹ لی اور کارکردگی کو مزید بہتر بنانے کی ہدایت جاری کیں۔
فہیم مصطفی
ڈائریکٹر انفارمیشن
