ساکنان شہر قائد کے سر پرست اعلیٰ ڈاکٹر پیرزادہ قاسم رضا صدیقی ہیں،عالمی مشاعرہ کمیٹی ختم کردی گئی
31 واں عالمی مشاعرہ 8 فروری کو ہوگا، محمود احمد خان اور رفیق پردیسی کی گونر سندھ کے ہمراہ پریس کانفرنس
کراچی ()ساکنانِ شہر قائد کی عالمی مشاعرہ کمیٹی کچھ غلط فہمیوں کی بنیاد پر وجود میں آئی جواب ختم کی جا رہی ہے۔آئندہ تمام مشاعرے ساکنان شہر قائد کے زیر اہتمام ہی ہوں گے ، جس کے سر پرست اعلیٰ ڈاکٹر پیرزادہ قاسم رضا صدیقی ہیں۔ ان خیالات کا اظہار محمود احمد خان اور حاجی رفیق پردیسی نے گونر سندھ کامران ٹیسوری کے ہمراہ گورنرہائوس میں منعقدہ ایک پریس کانفرنس میں کیا۔ انہوں نے کہا کہ اہلِ کراچی کیلئے ایک اور اچھا مشاعرہ ساکنانِ شہر قائدکے تحت 8 فروری 2025 کو منعقد کیا جا رہا ہے۔ ہم اہلیانِ کراچی سے درخواست کرتے ہیں کہ آپ اپنے اہلِ خانہ اور احباب کے ساتھ تشریف لائیں اور مشاعروں کی تہذیبی روایت کو برقرار رکھتے ہوئے اس مشاعرے میں ضرور شرکت کریں۔واضح رہے کہ ساکنانِ شہر قائد 1989 میں وجود میں آئی جس کے بانیان اظہر عباس ہاشمی، سید صفوان اللہ، مسعود نقوی اور ڈاکٹر پیر زادہ قاسم رضا صدیقی نے مشاعروں کی بنیاد ڈالی،اس کے بعد یہ سلسلہ چلتا رہا، اور کامیاب مشاعرے ہوتے رہے، ساکنانِ شہر قائد کے سر پرست اعلیٰ ڈاکٹر پیرزادہ قاسم رضا صدیقی کی زیر سر پرستی میں مشاعروں کا سلسلہ جاری ہے۔ ساکنانِ شہر قائد کا 30 واں عالمی مشاعرہ 4 جنوری 2025 کو ایکسپوسینٹر کراچی میں منعقد ہوا اور اب ساکنانِ شہر قائد کا 31 واں عالمی مشاعرہ 8 فروری 2025 کو منعقد ہونے جا رہا ہے۔
