گوادر یونیورسٹی میں یومِ یکجہتی کشمیر کے موقع پر ایک خصوصی واک کا انعقاد کیا گیا، جس میں طلبہ نے جوش و جذبے کے ساتھ شرکت کی۔ یونیورسٹی کے کوریڈور میں ہونے والی اس واک میں طلبہ نے ہاتھوں میں کشمیر کے جھنڈے اٹھا رکھے تھے اور مظلوم کشمیری عوام کے حق میں نعرے بلند کیے۔
اس موقع پر مقررین نے خطاب کرتے ہوئے کہا کہ کشمیری عوام سات دہائیوں سے اپنے بنیادی حقوق کے لیے جدوجہد کر رہے ہیں، اور عالمی برادری کو اس مسئلے کے منصفانہ حل کے لیے عملی اقدامات کرنے چاہئیں۔
گوادر یونیورسٹی کی انتظامیہ نے بھی طلبہ کے اس جذبے کو سراہا اور اس عزم کا اعادہ کیا کہ تعلیمی ادارے کشمیری عوام کی حمایت میں اپنی آواز بلند کرتے رہیں گے۔
