05 فروری 2025
راولپنڈی
ریسٹورنٹس کیٹرز سویٹس اینڈ بیکرز ایسوسی ایشن کے صدر محمد فاروق چوہدری نے ای او بی آئی کے منتظمین سے مطالبہ کیا کہ اولڈ ایج بینیفٹ انسٹی ٹیوشن کے بورڈ آف ڈائریکٹرز میں راولپنڈی چیمبر کو ممبر بنایا جائے تاکہ تاجروں کے مسائل سنے جا سکیں۔
راولپنڈی چیمبر آف کامرس اینڈ انڈسٹری میں EOBI اور تاجران کا ایک مشترکہ اہم اجلاس منعقد ہوا۔ جس میں EOBI کے ڈپٹی ڈائریکٹر جنرل بینی فٹس اینڈ کنٹری بیوشن(B& C III) اسلام آباد محمد امین اور ریجنل ہیڈ راولپنڈی احمد فراز قیصرانی نے اپنی آپریشنل ٹیم کے ساتھ شرکت کی۔جب کہ ایسوسی ایشن کی جانب سے سینئر نائب صدر ملک فضل الرحمان، نائب صدر حذیفہ عنصر، نائب صدر سردار محمود حسین نکو، نائب صدر سردار سلیم شیرزمان، انفارمیشن سیکرٹری طارق خان، چوہدری محمد حفیظ، نوید احمد عباسی، چوہدری شرافت علی، چوہدری عبدالواحد، شیخ نئیر فیروز و دیگر ممبران نے شرکت کی۔اس موقع پر صدر ایسوسی ایشن محمد فاروق چوہدری نے کہا کہ مہنگائی کا طوفان برپا ہے۔ملازمین مشکلات میں زندگی گزار رہے ہیں،تاجر برادری اپنے ملازمین کے تحفظات کے لیے ہر پلیٹ فارم پر آواز بلند کرتی ہے۔سب کو مساوی حقوق فراہم کرنا حکومت کی ذمہ داری ہے۔بورڈ آف ڈائریکٹرز میں چیمبر کو ممبر بنایا جائے، تاکہ تاجروں کے مسائل سنے جا سکیں۔چیئرمین ایسوسی ایشن ممتاز احمد نے کہا کہ ہمارا تعاون ای او بی آئی کے ساتھ ہے۔رجسٹرڈ افراد کا ریکارڈ ای او بی آئی کے عملہ کر بروقت چیک کرنا چاہیے۔ریکارڈ کی مینٹیننس پر ادارے کا چیک اینڈ بیلنس ہونا چاہیے۔ لوگوں کی زیادہ تعداد ای او بی آئی بارے معلومات نہیں رکھتے۔لہذا آی او بی آئی کے پلیٹ فارم سے ایک سوشل میڈیا ایپ کا اجراء کیا جائے ۔جس کی مدد سے لوگوں کو آگہی میسر ہوسکے۔مسائل کا حل تبھی ممکن ہوگا، جب ادارے عوام کو ساتھ لے کر چلیں گے۔راولپنڈی چیمبر آف کامرس اینڈ انڈسٹری کے گروپ لیڈر سہیل الطاف نے کہا کہ ای او بی آئی بہت اہم ادارہ ہے،ہمیں امید ہے کہ جو تجاویز ای او بی آئی کو پیش کی گئیں ان پر باہمی اتفاق سے عمل درآمد کیا جائے گا۔راولپنڈی چیمبر آف کامرس اینڈ انڈسٹری کے صدر عثمان شوکت نے رجسٹرڈ ملازمین اور ان کے لواحقین کے لئے محکمہ EOBI کی جانب سے مالی کفالت فراہم کرنے کے مثالی کردار کی تعریف کی ۔اجلاس میں محمد امین ڈپٹی ڈائریکٹر جنرل آپریشنز اسلام آباد نے فلاحی ادارہ EOBI کی خدمات اور کارکردگی سے متعلق آگاہ کیا۔انہوں نے بتایا کہ ای او بی آئی قانون کے دائرہ اختیار میں آنے والے تمام صنعتی، کاروباری اور دیگر اداروں کو رجسٹرڈ کرتا ہے۔انھوں نے ایسوسی ایشن کی کارکردگی کو سراہا اور ہر جائز تعاون کی یقین دہانی کروائی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
