کراچی( )ایم ڈی واٹر کارپوریشن انجینئر اسداللہ خان نے یومِ کشمیر کے موقع پر بھارتی فوج کے ظلم و بربریت کے خلاف کشمیری عوام کے ساتھ مکمل یکجہتی کا اظہار کرتے ہوئے کہا کہ یومِ یکجہتی منانے کا مقصد کشمیر کے مظلوم عوام کی قربانیوں کو پوری دنیا کے سامنے اجاگر کرنا ہے اور 5 فروری بھارتی ظلم و استبداد اور ہٹ دھرمی کے خلاف کشمیری عوام کی لازوال جہدوجہد کی حمایت کرنے کا دن ہے انہوں نے مقبوضہ کشمیر میں بھارتی افواج کے ظلم و بربریت کی سخت الفاظوں میں مذمت کرتے ہوئے کہا کہ آزادی کی جدوجہد میں کشمیری عوام تنہا نہیں بلکہ پوری پاکستانی قوم ان کے ساتھ کھڑی ہے جبکہ حق خودارادیت کشمیری عوام کا بنیادی حق ہے جو انہیں ہر صورت میں ملنا چاہیے انکا کہنا تھا کشمیر کے مسئلے پر پاکستانی قوم کا ایک ہی اُصولی اور تاریخی مؤقف ہے جس پر قائد اعظم محمد علی جناح سے لے کر آج تک ہر پاکستانی قائم ہے انہوں نے اقوامِ متحدہ سے پُرزور مطالبہ کرتے ہوئے کہا کہ وہ سلامتی کونسل کی قراردادوں کے مطابق کشمیریوں کو اپنے مستقبل کا فیصلہ خود کرنے اور انہیں جلد آزادی دلوانے میں مثبت کردار ادا کرے کیونکہ اب وہ وقت آگیا ہے کہ مسئلہ کشمیر کو کشمیری عوام کی امنگوں اور خواہشات کے مطابق حل کرکے انہیں مکمل آزادی دی جائے انہوں نے کہا کشمیری عوام نے اپنی قربانیوں سے مسئلہ کشمیر کو 78 سال سے زندہ رکھا ہوا ہے جس پر ہم انہیں سلام پیش کرتے ہیں کیونکہ بھارتی فوج کا ظلم و جبر کشمیریوں کے جذبۂ مزاحمت کو 78 سال گزرنے جانے بعد بھی ختم نہیں کرسکا انکا مزید کہنا تھا کہ انشاء اللہ کشمیر کے تمام بہادر شہداء کا خون رائیگاں نہیں جائے گا اور بہت جلد کشمیری عوام کو بھارتی ظلم و بربریت سے نجات حاصل ہوگی۔
