کراچی( )ایم ڈی واٹر کارپوریشن انجینئر اسداللہ خان نے اسماعیلی برادری کے روحانی پیشوا پرنس کریم آغا خان کے انتقال پر گہرے دکھ اور افسوس کا اظہار کرتے ہوئے اسماعیلی برادری سمیت پوری دنیا میں انکے چاہنے والوں سے تعزیت کا اظہار کیا انہوں نے پرنس کریم آغا خان کو خراج تحسین پیش کرتے ہوئے انکی جانب سے تعلیم صحت و فلاح و بہبود کے شعبوں میں سماجی خدمات اور انسانیت سے محبت کی نمایاں خدمات کا اعتراف کیا اور کہا کہ انکی کاوشیں ناقابل فراموش ہیں انکا کہنا تھا پرنس کریم آغا خان ایک عظیم مدبر اور انسانیت کے خدمت گار تھے جنہوں پاکستان سمیت پوری دنیا میں فلاح و بہبود کی بے شمار خدمات سر انجام دیں انکا مزید کہنا تھا پرنس کریم آغا خان کے انتقال پر دلی صدمہ پہنچا ہے کیونکہ دنیا آج ایک انمول شخصیت سے محروم ہوگئی ہے اللہ تعالیٰ مرحوم پرنس کریم آغا خان کو جوارِ رحمت میں جگہ عطا فرمائے اور تمام لواحقین سمیت اسماعیلی برادری اور پوری دنیا میں انکے چاہنے والوں صبرِ جمیل دے۔
