اٹک۔ مرکزی رہنما پاکستان تحریک انصاف سابق وفاقی وزیر سینٹر اعظم خان سواتی طویل قید کے بعد ڈسٹرکٹ جیل اٹک سے رات گئے رہا۔
اٹک۔اعظم سواتی 2 ماہ سے زائد سےڈسٹرکٹ جیل اٹک میں اسیر رہے۔
اٹک ۔ اعظم سواتی کی سنگجانی جلسہ کیس میں درخواست ضمانت لاہور ہائیکورٹ راولپنڈی بینچ میں جسٹس صداقت علی خان نے29 جنوری کومنظور کی تھی۔
،وکلاء صفائی بابراعوان، سہیل خان، عثمان علی نے درخواست ضمانت پر دلائل دیئے تھے۔
اٹک ۔ اعظم سواتی کے خلاف تھانہ ٹیکسلا میں مقدمہ درج کیاگیاتھا۔
اٹک ۔ اعظم سواتی کو 5 نومبر کو ڈسٹرکٹ جیل اٹک کے باہر سے گرفتار کیاگیاتھا۔
اٹک۔ اعظم سواتی نے عدالت انسداد دہشت گردی راولپنڈی سےدرخواست ضمانت خارج ہونے پر لاہور ہائیکورٹ راولپنڈی بینچ میں اپیل دائر کی تھی
اٹک ۔ مچلکے جمع اور روبکار جاری ہونےپر اعظم سواتی کی رہائی ہوئی۔
==========================
اٹک/احتجاج
اٹک۔آل پاکستان پی ڈبلیو ڈی ورکرز یونین اور ایپکاکی پنجاب حکومت کی ملازم کش پالیسیوں کے خلاف مشترکہ احتجاجی ریلی۔
اٹک۔ریلی پی ڈبلیو ڈی کے دفترزیارت پارک سے شروع ہوکرفوارہ چوک پہنچ کر اختتام پذیر ہوئی۔
اٹک۔ریلی کے شرکاء نے ہاتھوں میں مطالباتی بینرز اٹھا رکھے تھے۔
اٹک۔ریلی کے شرکاء کی حکومت کے خلاف شدید نعرہ بازی۔۔۔
اٹک۔کچہری چوک میں یونین رہنماؤں نے مظاہرین سے خطاب کیا۔
اٹک۔ہماری کیش ان لیو منٹ بحال کی جائے۔مقررین
اٹک۔سرکاری ملازمین کش پالیسیوں کو فوری ختم کیاجائے۔مقررین
اٹک۔30 تک جنوری تک ہمارے مطالبات منظورنہ ہوئےتو ہم اسلام آباد میں دھرنا دیں گے۔مقررین
========================
اٹک(مہتاب منیر خان سے)نرسنگ کالج اٹک میں “نیوٹریشن گالہ” کا انعقاد کیا گیا،جس میں زیر تربیت نرسز اور لیڈی ہیلتھ وزٹرز نے نیوٹریشن کی اہمیت اجاگر کرنے کے لئے ذیا بیطس،بلڈ پریشر،حاملہ خواتین اور گردوں کےلئے متوازن غذا کے حوالہ سے سٹالز لگائے گئے تھے ،ان سٹالز میں مختلف طبقہ فکر سے تعلق رکھنے والے لوگوں نے دلچسپی کا اظہار کیا،ایم ایس ڈسٹرکٹ ہیڈ کوارٹر ہسپتال اٹک ڈاکٹر جواد الہی نے نیوٹریشن گالہ کے سٹالز کا دورہ کیا،انہوں نے پرنسپل نویدہ اقبال اور طالبات کی کاوشوں کو سراہا اور کہا کہ طالبات کی اپنے شعبہ سے لگاو اور اعتماد بے مثال ہے انہوں نے طالبات سے کہا کہ اپنے والدین اور اس ادارے کا نام روشن کرنے کیلئے محنت سے کام جاری رکھیں، پرنسپل نویدہ اقبال نے کہا کہ طالبات کے اعتماد اور اپنے شعبہ میں مہارت دیکھ کر انہیں بہت خوشی اور اطمینان ملا ہے،انہوں نے طالبات پر زور دیا کہ اسی لگن سے محنت جاری رکھیں،ضلعی حکومت کے نمائندہ اور لیڈ انسٹرکٹر حمید اصغر اور صدر یوتھ امپاورمنٹ کمیٹی نعلین عباس،چیف کوآرڈینیٹرز زین العابدین اور سید رضا نے بھی نیوٹریشن گالہ کے انعقاد پر کالج انتظامیہ اور طالبات کو مبارک باد دی۔
اٹک(مہتاب منیرخان سے)وزیر اعلی پنجاب مریم نواز شریف کے ویژن کے مطابق اور آئی جی پنجاب کی ہدایت پر ڈی پی او ڈاکٹر سردارغیاث گل خان تین فروری بروز پیر دن 11 بجے ڈی ایس پی اٹک کے دفتر میں کھلی کچہری لگائیں گے جہاں شہری اپنی شکایات زبانی اور تحریری طور پر پیش کر سکتے ہیں۔
اٹک(مہتاب منیر خان سے) ماہر موٹر سائیکل چور گرفتار، چوری شدہ 4 موٹر سائیکل برآمد، تفصیلات کے مطابق تھانہ فتح جنگ کی حدود میں موٹر سائیکل چوری کی وارداتوں پر ڈی پی او سردار غیاث گل خان نے ایس ایچ او فتح جنگ سب انسپکٹر نیاز احمد کے زیر نگرانی خصوصی ٹیم تشکیل دے کر ملزمان کی گرفتاری کے احکامات دئیے جس پر تھانہ فتح جنگ پولیس نے جدید ٹیکنالوجی کو بروئے کار لا کرماہر موٹر سائیکل چور احمد علی ولد غلام محمد سکنہ رحیم یار خان حال فتح جنگ کو گرفتار کر کے دوران تفتیش ملزم کے انکشاف پر4 چوری شدہ موٹر سائیکل برآمد کر لیے گئے۔
اٹک(مہتاپ منیرخان سے)پٹھان کو بے دردی سے قتل کر کے اس کی نعش کو جلا کر ٹھکانے لگانے کی کوشش کرنے والے 2 قاتل پٹھان گرفتار، آلہ قتل پسٹل بھی برآمد، تفصیلات کے مطابق مشتاق احمد ولد محمد اقبال سکنہ کوہیلہ حسن ابدال نےتھانہ صدر حسن ابدال میں ایف آئی آر درج کرائی ہے کہ اس نے مال مویشی رکھے ہوئے ہیں اور کاشتکاری بھی کرتا ہے ، 13اگست 2024 کو مال مویشی چرانے کے لیے آیا تو کوہلیہ بفاہد روڈ کے ساتھ ملحقہ گڑھے میں سے دھواں اٹھ رہا تھا گڑھے کے قریب جا کر دیکھا تو انسانی نعش جو جلی ہوئی تھی جس کے ساتھ لپٹے ہوئے کمبل کپڑے وغیرہ بھی جلے ہوئے تھے جو ناقابل شناخت حالت میں تھی جس پر تھانہ صدر حسن ابدال پولیس کی ٹیم نے موقع پر پہنچ کر نعش کو تحویل میں لے کر نعش کو پوسٹ مارٹم کے لیے ہسپتال ٹرانسفر کیا اور موقع پر شواہد اکھٹے کیے جو ایک عدد جوڑا چپل مردانہ اور ایک عدد موبائل فون موقع سے برآمد کر کے قبضہ میں لے کر تفتیش کا آغاز کیا، دوران تفتیش نعش کی شناخت اختر علی ولد وارث خان سکنہ مردان حال محلہ شہید آباد حسن ابدال ہوئی، مزید تفتیش عمل میں لاتے ہوئے شہری کو بے دردی سے قتل کر کے نعش کو ٹھکانے لگانے کے لیے نعش کو جلانے والے ملزمان عمر رحمان ولد خان شیر اور جنگریز ولد سمن خان سکنائے بٹ گرام کو ٹریس کر کے گرفتار کر لیا جن کا ریمانڈ جسمانی لے کر ملزمان کے قبضہ سے آلہ قتل اسلحہ آتشیں پسٹل، ایک عدد ٹوکہ اور نعش کو منتقل کرنے کے لیے استعمال ہونے والا رکشہ بھی برآمد کیا گیا، ڈی پی او ڈاکٹر سردار غیاث گل خان نے کہا ہے کہ مجرم چاہے کتنا ہی شاطر کیوں نہ ہو قانون کی گرفت سے نہیں بچ سکتا ہے، گرفتار ملزمان کو ٹھوس شواہد کے ساتھ چالان عدالت کر کے قرار واقعی سزا دلوائی جائے گی۔
اٹک(مہتاب منیر خان سے)وفاقی وزارت پانی وبجلی حکومت پاکستان کی ہدایت اور سی ای او آئیسکو اسلام آباد ڈاکٹر محمد امجد خان کی نگرانی میں بجلی کےمتعلق تمام مسائل اور شکایات کے بروقت ازالہ کے لیے ایس ڈی او آئیسکو ہٹیاں سب ڈویژن امجد خان صبح 11 سے دن ایک بجے تک آئیسکو ہٹیاں سب ڈویژن میں روزانہ کھلی کچہری کا انعقاد کریں گے جہاں پر بجلی کے بل،بجلی کی بندش اور ٹراسفارمر میٹر کی خرابی، میٹر لگانے اور تبدیل کرنے وغیرہ جیسے کام کا ازالہ موقع پر کیا جائے گا،یہ بات ایس ڈی او امجدخان نے میڈیا کو بتائی اس موقع پر ایکسین خالد گل خان،لائن مین کاشف خان،ظفر اقبال،سجاد بابو،ہمایوں شاہ،سمیع اللہ، محمد اعجاز،سیدمحمد ،جنید خان،ذاکرخان،جلال خان،محمد عاطف بھی موجود تھے ۔
