لاہور۔2فروری :وزیر اعظم محمد شہباز شریف نے کہا ہے کہ ہمیں ہر قیمت پر پاکستان سے پولیو کے مرض کا خاتمہ کرنا ہوگا،مربوط حکمت عملی اور مشترکہ کاوشوں سے سے پولیو کا خاتمہ یقینی بنایا جا سکتا ہے، انسداد پولیو مہم کے ذریعے بچوں کا مستقبل محفوظ بنایا جا رہا ہے۔ ان خیالات کا اظہار انہوں نے اتوار کو یہاں رواں سال 2025 کی پہلی قومی انسداد پولیو مہم کی افتتاحی تقریب سے خطاب کے دوران کیا۔تقریب سے خطاب کرتے ہوئے وزیر اعظم نے کہا کہ انسداد پولیو تعاون پر عالمی ادارہ صحت، یونیسف، سعودی عرب سمیت دیگر عالمی شراکتداروں کی معاونت پر مشکور ہیں۔ انہوں نے کہا کہ اللہ تعالی کے فضل و کرم سے 2025 کی پولیو مہم کا آغاز کیا جا رہا ہے ، اس طرح پاکستان کے کروڑوں بچوں اور بچیوں کو پولیو کے قطرے پلا کر اس مرض سے قوم کے بچوں کو محفوظ کریں گے ۔ انہوں نے کہا کہ انسداد پولیو ٹیم شبانہ روز محنت کر رہی ہے اور حالیہ مہم کے دوران پولیو ورکر ز ملک کے دور دراز علاقوں اور دیہاتوں میں ہر جگہ پہنچ کر
ایک اہم قومی فریضہ سر انجام دیں گے۔ وزیر اعظم نے کہا کہ گزشتہ سال ملک میں پولیو کے تقریبا 77 کیسز سامنے آئے جو ایک بہت بڑا چیلنج اور پولیو کے حوالہ سے ایک بڑا سیٹ بیک تھا، اس سال ابھی تک جنوری میں ایک کیس ریکارڈ ہوا ہے، کاش یہ کیس بھی نہ آتا لیکن ہمیں ہر قیمت پر ان شاء اللہ پولیو کا پاکستان سے خاتمہ کرنا ہے۔ وزیر اعظم شہباز شریف نے کہا کہ اس حوالے سے ہمسایہ ملک افغانستان کے ساتھ رابطے میں ہیں ۔ انہوں نے اس امید کا اظہار بھی کیا کہ باہمی تعاون کے ذریعے افغانستان سے بھی پولیو کا خاتمہ ہوگا۔ وزیر اعظم شہباز شریف نے انسداد پولیو کے لئے معاونت پر عالمی ادارہ صحت، یونیسف، سعودی عرب، بل گیٹس فاؤنڈیشن سمیت دیگر شراکتداروں سے اظہار تشکر کرتے ہوئے کہا کہ مشترکہ کوششوں کی
بدولت ہی پولیو کا خاتمہ ممکن ہے ۔ انہوں نے کہا کہ مربوط حکمت عملی اور مشترکہ کوششوں سے ہم پاکستان سے پولیو کے مرض کا کا خاتمہ کر سکیں گے ۔ انسداد پولیو مہم کے ذریعے بچوں کا مستقبل محفوظ بنایا جا رہا ہے ۔ وزیر اعظم نے اس عزم کا اعادہ بھی کیا کہ ملک سے پولیو کے مکمل خاتمہ کے لیے اقدامات جاری رکھیں گے ،ہمیں ہر قیمت پر پاکستان سے پولیو کے مرض کا خاتمہ کرنا ہوگا۔ انہوں نے کہا کہ رواں سال کی پہلی انسداد پولیو مہم شروع کی جا رہی ہے ، جس میں پانچ سال سے کم عمر کے کروڑوں بچوں کو پولیو کے قطرے پلائے جائیں گے ، بچوں کو انسداد پولیو کے قطرے پلا کر ان کو اس مرض سے محفوظ کریں گے اور مہم کے دوران پولیو ورکرز ملک کے دور دراز اور دشوار گزار علاقوں، قصبوں اور شہروں میں بچوں کو قطرے پلا کر قومی ذمہ داری نبھائیں گے
====================
لاہور : 2 فروری, 2025
وزیر اعظم محمد شہباز شریف کی اسپیکر قومی اسمبلی سردار ایاز صادق کی لاہور میں رہائش گاہ آمد
وزیراعظم کی اسپیکر قومی اسمبلی سردار ایاز صادق سے ملاقات
اس موقع پر ڈپٹی اسپیکر قومی اسمبلی جناب غلام مصطفیٰ شاہ، اراکین قومی اسمبلی خورشید شاہ اور شازیہ مری بھی موجود تھے
وزیراعظم نے ڈپٹی اسپیکر کو بیٹے کی شادی پر مبارکباد دی
ملک کی مجموعی و سیاسی صورت حال پر تبادلہء خیال
بہتر ہوتے ہوئے معاشی اعشاریے، بین الاقوامی سرمایہ کاروں اور عالمی اقتصادی اداروں کا پاکستان پر بڑھتا ہوا اعتماد خوش آئند ہے : وزیراعظم
عوامی فلاح و بہبود کے لیے وفاق اور صوبے مل کر کام کر رہے ہیں : وزیراعظم
دیگر اراکین قومی اسمبلی بھی موجود تھے۔
====================
لاہور: یکم فروری، 2025.
وزیرِ اعظم محمد شہباز شریف نے عبوری مرحلے کے دوران احمد الشرع کے شام کی صدارت سنبھالنے کو خوش آئند قرار دے دیا.
امید کرتے ہیں کہ نئی قیادت، شام کے برادر عوام کے لیے امن، ترقی اور خوشحالی لانے میں کامیاب ہوگی۔ وزیرِ اعظم
==============
