لاہور کالج فار ویمن یونیورسٹی میں ویمن ایمپاورمنٹ اور منٹورشپ پروگرام لانچ کر دیا گیا۔ وائس چانسلر پروفیسر ڈاکٹر عظمیٰ قریشی نے بتایا کہ پروگرام کا مقصد خواتین کو زندگی کے مختلف شعبوں میں کامیابی سے آگے بڑھنے کیلئے آگاہی دینا ہے۔ پروفیسر ڈاکٹر فرزانہ راشد پروگرام کی صدارت میں پروگرام کی ورکشاپ منعقد ہوئی جس میں سینئر فیکلٹی ارکان ڈاکٹر عفیفہ خانم، ڈاکٹر طاہرہ کلثوم و دیگر نے شرکت کی۔ ورکشاپ میں منٹورشپ کی اہمیت پر تبادلہ خیال کیا گیا اور اس ضمن میں خواتین کو درپیش چیلنجز کا جائزہ لیا گیا۔ ڈاکٹر فرزانہ راشد کا کہنا تھا کہ تربیت اور رہنمائی سے خواتین کی ترقی ممکن بنائی جا سکتی ہے۔ انہوں نے کہا کہ لاہور کالج فار ویمن یونیورسٹی میں ایک جامع اور مربوط نیٹ ورک تشکیل دیا جائے گا جس میں ویمن ایمپاورمنٹ کے اہداف حاصل کرنے کی بھرہور صلاحیت ہوگی۔
