ہینڈ آﺅٹ نمبر: 10644
01 فروری :- وزیر اعلیٰ پنجاب مریم نواز شریف ، چیف سیکرٹری پنجاب اور کمشنر لاہور کی خصوصی ہدایت پر ضلع شیخوپوره کی پانچوں تحصیلوں میں ریونیو عوامی خدمت کھلی کچہریوں کا انعقاد کیا گیا ۔ ڈپٹی کمشنر شاہد عمران مارتھ نے ضلع کونسل ہال میں منعقدہ ریونیو عوامی خدمت کھلی کچہری کی صدارت کی جبکہ تحصیل لیول پر منعقدہ کچہریوں کی صدارت اسسٹنٹ کمشنرز نے کی ۔ ڈپٹی کمشنر شاہد عمران مارتھ اور اسسٹنٹ کمشنرز نے کھلی کچہریوں کی صدارت کرتے ہوۓ سائلین کے ریونیو سے متعلقہ مسائل سن کر موقع پر حل کرنے کے احکامات جاری کیے ۔ ایڈیشنل ڈپٹی کمشنر ریونیو عثمان جلیس ، اسسٹنٹ کمشنر شیخوپوره بلاول علی ، تحصیلدار ، ریونیو افسران ، اراضی ریکارڈ سنٹر سمیت شہریوں نے کھلی کچہریوں میں شرکت کی ۔ ریونیو سے متعلقہ مسائل حل ہونے پر مرد و خواتین سائلین نے ضلعی انتظامیہ اور پنجاب حکومت شکریہ ادا کرتے ہوۓ کہا کہ عوامی خدمت کے لئے کھلی کچہریوں کا انعقاد وزیر اعلیٰ پنجاب مریم نواز شریف کا نہایت احسن اقدام ہے ۔ ڈپٹی کمشنر شیخوپوره شاہد عمران مارتھ نے ضلع بھر میں منعقدہ ریونیو عوامی خدمت کھلی کچہریوں کے حوالے سے گفتگو کرتے ہوئے کہا کہ سائلین کے ریونیو سے متعلقہ مسائل کا حل ضلعی انتظامیہ کی اولین ترجیح ہے ، کھلی کچہریوں کے ذریعے شہریوں کو متعدد سروسز کی فوری فراہمی کو یقینی بنایا جا رہا ہے ۔ ڈپٹی کمشنر شیخوپورہ نے کہا کہ ریونیو عوامی خدمت کچہریوں میں میرٹ پر عوام الناس کے مسائل بلا تاخیر حل کیے جا رہے ہیں ، ریونیو سے متعلقہ سائلین کے مسائل کے حل میں کسی قسم کی رکاوٹ ناقابل برداشت ہوگی ۔ ڈپٹی کمشنر شیخوپورہ نے مزید کہا کہ کسی بھی سائل کو کسی قسم کی بھی دشواری پیش آتی ہے تو وہ فوری میرے آفس میں اطلاع کرے ۔
شیخوپوره
ہینڈ آؤٹ نمبر : 10645
مورخہ: 01 فروری 2025
وزیراعلیٰ پنجاب مریم نواز شریف کے پنجاب دھی رانی پروگرام کی تقریب کا انعقاد
صوبائی وزیر سوشل ویلفیئر و بیت المال سہیل شوکت بٹ کی سربراہی میں شیخوپورہ اور ننکانہ صاحب کے جوڑوں کا اجتماعی نکاح
پروگرام کا آغاز تلاوت قرآن پاک اور نعت رسول مقبول صلی اللہ علیہ وسلم سے کیا گیا
وفاقی وزیر صنعت و پیداوار رانا تنویر حسین کی تقریب میں بطور مہمان خصوصی شرکت
ممبر صوبائی اسمبلی رانا طاہر اقبال ، کمشنر لاہور زید بن مقصود ، ڈپٹی کمشنر شاہد عمران مارتھ اور دولہا دلہن کے عزیز اقارب کی تقریب میں شرکت
تقریب میں 47 جوڑوں کی اجتماعی شادیوں کا اہتمام کیا گیا
ضلع شیخوپوره سے تعلق رکھنے والے 31 اور ننکانہ کے 16 نوبیاہتے جوڑوں کی تقریب میں شرکت
تقریب میں 4 مسیحی نوبیاہتے جوڑوں کی بھی خصوصی شرکت
وفاقی وزیر صنعت و پیداوار رانا تنویر حسین و دیگر صوبائی وزراء نے نوبیاہتے جوڑوں کو وزیر اعلیٰ پنجاب مریم نواز شریف کی طرف سے مبارکباد دی اور نیک خواہشات کا اظہار کیا
پنجاب دھی رانی پروگرام وزیراعلیٰ پنجاب مریم نواز شریف کا ایک تاریخی اقدام ہے۔ سہیل شوکت بٹ
اس پروگرام کو تاریخ میں ہمیشہ یاد رکھا جائے گا ۔ صوبائی وزیر سوشل ویلفیئر اینڈ بیت المال پنجاب سہیل شوکت بٹ
وزیر اعلٰی پنجاب کی جانب سے جوڑوں کو ایک لاکھ روپے کا سلامی کارڈ دیا جا رہا ہے۔ سہیل شوکت بٹ
وزیراعلیٰ پنجاب مریم نواز نے آپ سب کو سلام اور مبارک باد دی ہے. صوبائی وزیر سوشل ویلفیئر و بیت المال پنجاب
اللہ تعالیٰ نے احساس کا رشتہ وزیراعلیٰ مریم نواز شریف کو دیا ہے ۔صوبائی وزیر سوشل ویلفیئر و بیت المال پنجاب سہیل شوکت بٹ
وزیراعلیٰ پنجاب مریم نواز شریف کی طرف دھی رانی سلامی کارڈ کے ذریعے نوبیاہتا جوڑوں کو ایک لاکھ روپے سلامی دی گئی ۔ صوبائی وزیر سہیل شوکت بٹ
وزیر اعلیٰ پنجاب مریم نواز کی طرف سے اجتماعی شادی کے تمام جوڑوں کو تحائف دئیے جا رہے ہیں۔ صوبائی وزیر سوشل ویلفیئر اینڈ بیت المال پنجاب سہیل شوکت بٹ
وزیراعلیٰ مریم نواز شریف پنجاب کی بیٹیوں کے لیے شفیق ماں کا کردار ادا کر رہی ہیں ۔ صوبائی وزیر سوشل ویلفیئر اینڈ بیت المال پنجاب
وزیراعلیٰ پنجاب مریم نواز شریف کا وژن عوام کی خدمت کرنا ہے ۔ وفاقی وزیر صنعت و پیداوار رانا تنویر حسین
پنجاب دھی رانی پروگرام وزیراعلیٰ پنجاب مریم نواز کے عوامی خدمت کے جزبہ کی عکاسی ہے ۔ رانا تنویر حسین
خون کے رشتوں سے احساس کے رشتے بڑے ہوتے ہیں ۔ وفاقی وزیر صنعت و پیداوار رانا تنویر حسین
وزیراعلیٰ پنجاب مریم نواز شریف ہر کام اللہ تعالیٰ کی رضا اور میرٹ پر کر رہی ہیں ۔ رانا تنویر حسین
والدین اپنی بیٹیوں کا شرعی فریضہ پورا کر رہے ہیں وزیراعلیٰ پنجاب ان بیٹیوں کے ساتھ شفیق ماں کی طرح کھڑی ہیں ۔ وفاقی وزیر صنعت و پیداوار
تقریب کے اختتام پر دولہا دلہن اور تقریب کے شرکاء کے لئے ظہرانہ اور خصوصی دعا کا اہتمام بھی کیا گیا۔
شیخوپورہ
ہینڈ آﺅٹ نمبر : 10643
01 فروری :- وزیر اعلی پنجاب مریم نواز شریف ، ڈائریکٹر جنرل فوڈ اتھارٹی پنجاب محمد عاصم جاوید اور ڈپٹی کمشنر شیخوپورہ شاہد عمران مارتھ کی ہدایات پر پنجاب فوڈ اتھارٹی شیخوپورہ کی فوڈ سیفٹی ٹیمیں معیاری خوراک کی فراہمی کو یقینی بنانے کے لئے فیلڈ میں مکمل متحرک ، ضلع بھر میں خوراک سے منسلک 117 کاروباروں کا معائنہ کیا گیا ، حفظان صحت کے اصولوں کی خلاف ورزی اور صفائی کے ناقص انتظامات پر 1لاکھ 97 ہزار روپے سے زائد کا جرمانہ عائد کیا گیا، معیاری دودھ کی فراہمی کو یقینی بنانے کے لئے ضلع شیخوپورہ کے مختلف علاقوں میں چیکنگ کے دوران 55 ہزار 900 لٹر دودھ کو چیک کیا گیا ۔ مضر صحت غیر معیاری اور ممنوع اشیاء جن میں 5 لیٹر مشروبات ،1.3 کلو چائنہ نمک،اور 4.3 کلو زائد المیعاد اشیاء خورد نوش سمیت دیگر بیکری آئٹمز کو موقع پر تلف کیا گیا جبکہ متعدد فوڈ پوائنٹس کو اصلاحی نوٹس بھی جاری کیے گئے ۔ ڈپٹی کمشنر شیخوپورہ شاہد عمران مارتھ نے پنجاب فوڈ اتھارٹی کی ٹیموں کی مضر صحت اشیاء کی خریدوفروخت کرنے والوں کے خلاف کاروائیوں بارے گفتگو کرتے ہوئے کہا کہ عوام الناس کو صاف ستھری خوراک کی فراہمی پنجاب فوڈ اتھارٹی کی اولین ترجیح ہونی چاہیے، پنجاب فوڈ اتھارٹی ہمیشہ کی طرح لوگوں کو صاف ستھری اور معیاری خوراک کی فراہمی کے لیے دن رات کوشاں ہے ۔
۔۔۔۔۔۔۔۔
