پنجاب نئے دور میں داخل……ماحولیاتی آلودگی اورشور کا خاتمہ،کرایوں میں کمی

ہینڈ آؤٹ نمبر91
پنجاب نئے دور میں داخل……ماحولیاتی آلودگی اورشور کا خاتمہ،کرایوں میں کمی
وزیراعلیٰ مریم نواز شریف نے پاکستان کی پہلی مکمل الیکٹرک بس سروس کا افتتاح کر دیا
وزیراعلیٰ مریم نوازشریف کی الیکٹرک بس میں سواری،تفصیلی معائنہ،وزیرٹرانسپورٹ بلال اکبر نے الیکٹر ک وہیکل کے بارے میں تفصیلی بریفنگ دی
الیکٹرک بس لاہور کے سب سے بڑے 21کلومیٹر طویل ریلوے سٹیشن تا گرین ٹاؤن براستہ کوینز روڈ،مزنگ،اچھرہ،کیمپس پل چلائی جائے گی
ریلوے سٹیشن تا گرین ٹاؤن روٹ پر42 جدید ترین بس شیلٹر قائم، گرین ٹاؤن ڈپو میں 9مخصوص چارجنگ سٹیشن بھی قائم

فروری کے وسط میں ریلوے سٹیشن تا گرین ٹاؤن روٹ پرنئی اورجدید ترین 27الیکٹرک بسوں سے پائلٹ پراجیکٹ کا آغاز ہوگا
نئی الیکٹرک بس میں 30نشستیں،80مسافروں کی گنجائش، سپیشل افرادکوسواری میں آسانی کیلئے ریمپ اور نشستیں مخصوص ہونگی
الیکٹرک بس سروس کے پائلٹ پراجیکٹ پرلاہورسٹیشن سے گرین ٹاؤن روٹ پر17ہزار مسافر روزانہ سفر کر سکیں گے،

مسافروں کے تحفظ کیلئے الیکٹرک بس کے فرش پر اینٹی سلپ شیٹ کا استعمال،ای بس ہرچارج پر250 کلومیٹر فاصلہ طے کر سکے گی
الیکٹرک بس میں خواتین کیلئے الگ فی میل سیکشن،ہراسانی کے واقعات کے سد باب کیلئے کیمرے بھی نصب ہوں گے
الیکٹرک بس کیلئے مخصوص ایپ سے ٹریکنگ ممکن ہو گی، کرایہ کی ادائیگی ڈیجیٹل والٹ،ڈیجیٹل کارڈسے یورنیورسل ٹرانسپورٹ کارڈ بھی بنیں گے
وزیراعلیٰ مریم نوازشریف کی الیکٹرک بس سروس کیلئے مخصوص بس سٹینڈ پر مسافروں کیلئے سولر فین، واٹر کولر اورسیف سٹی کیمروں کی تنصیب کا جائزہ لینے کی ہدایت
70 ڈرائیور کی سپیشل ٹریننگ کا آغاز،وزیراعلیٰ مریم نوازشریف کی زیر صدارت اجلاس میں ای ٹیکسی کی پنجاب میں اسمبلنگ کا جائزہ لیاگیا
لاہور31جنوری:…… وزیر اعلیٰ پنجاب مریم نواز شریف نے پاکستان کی پہلی مکمل ای وی بس سروس کا باقاعدہ افتتاح کر دیا ہے۔ وزیراعلیٰ مریم نواز شریف نے الیکٹرک بس میں سواری کی اور تفصیلی معائنہ بھی کیا۔لاہور میں الیکٹرک وہیکل بس سروس پائلٹ پراجیکٹ کے بارے میں صوبائی وزیر ٹرانسپورٹ بلال اکبر نے تفصیلی بریفنگ دی۔بریفنگ میں بتایاگیا کہ الیکٹرک بس میں جی پی ایس لوکیشن ریکارڈر،وائی فائی، یو ایس بی پورٹ اور دیگر سہولیات موجود ہیں۔ الیکٹرک بس میں 30نشستیں،80مسافروں کی گنجائش ہو گی۔ الیکٹرک بس میں سپیشل افراد کے لئے ریمپ اور نشستیں مخصوص ہو گی۔ پہلی بار میں الیکٹرک بس میں مسافروں کے تحفظ کے لئے فرش پر اینٹی سلپ شیٹ کا استعمال کیا گیا ہے۔پاکستان کی مکمل الیکٹرک بس کے لئے گرین ٹاؤن ہمدرد چوک ڈپو میں 9 مخصوص چارجنگ سٹیشن قائم کیے گئے،ہرچارجنگ کے بعد 250 کلومیٹر فاصلہ طے کر سکے گی اورچار مرتبہ روٹ مکمل کرسکے گی۔ بس میں مسافروں کی سہولت کے لئے روٹ ڈسپلے بھی نظر آئے گا۔ الیکٹرک بس میں خواتین کے لئے الگ فی میل سیکشن ہو گااوراس کے ساتھ ساتھ ہراسانی کے واقعات کے سد باب کے لئے کیمرے بھی نصب ہوں گے۔بریفنگ میں بتایاگیاکہ لاہورکے سب سے بڑے طویل ترین 21کلو میٹر روٹ پر 27الیکٹرک بسیں چلائی جائیں گی۔ ریلوے سٹیشن تا گرین ٹاؤن براستہ کوئینز روڈ، مزنگ، فیروز پور روڈ،کیمپس پل اور اچھر ہ نہرسے ای بس سروس شروع ہوگی۔ لاہور کی پہلی ای بس سروس پر 17ہزار مسافر روزانہ سفر کر سکیں گے۔ ریلوے سٹیشن تا گرین ٹاؤن روٹ ای وی بس سروس کا باقاعدہ آغاز فروری کے وسط میں ہوگا۔ ریلوے سٹیشن تا گرین ٹاؤن روٹ پر42 جدید ترین بس شیلٹر قائم ہونگے اورہر9منٹ کے بعد بس آئے گی۔ الیکٹرک بس کے لئے مخصوص ایپ بھی متعارف کرائی جائے گی اوربس کی ٹریکنگ ممکن ہو گی۔ الیکٹرک بس کا کرایہ ڈیجیٹل والٹ،ڈیجیٹل کارڈ کے ذریعے ادا کیا جا سکے گا۔ یورنیورسل ٹرانسپورٹ کارڈ بھی ایشو کئے جائیں گے۔ الیکٹرک بس کے لئے70 ڈرائیور کی سپیشل ٹریننگ کا آغاز ہو گیا ہے۔دریں اثناء وزیراعلی مریم نواز شریف کی زیر صدارت اجلاس میں ای ٹیکسی پراجیکٹ کابھی جائزہ لیا گیا۔وزیراعلیٰ مریم نواز شریف نے بس سٹینڈ پر سولر فین اور واٹر کولر کی تنصیب کا جائزہ لینے کی ہدایت کی اورہر بس سٹینڈ پرسیف سٹی کیمرے نصب کرنے کا حکم دیا۔ وزیراعلی مریم نواز شریف کی ای ٹیکسی کی پنجاب میں اسمبلنگ کا جائزہ لینے اور نجی اشتراک سے الیکٹرک چارجنگ اسٹیشن قائم کرنے کے اقدامات کی ہدایت کی۔
***