کوئٹہ، 01 فروری
وزیر اعلیٰ بلوچستان میر سرفراز بگٹی نے قلات اور ہرنائی میں دہشت گردوں کے خلاف سیکیورٹی فورسز کی کامیاب کارروائیوں کو سراہتے ہوئے قلات کے علاقے منگچر میں دہشت گردی کے حالیہ واقعے کی شدید مذمت کی ہے یہاں جاری ایک بیان میں وزیر اعلٰی بلوچستان نے کہا کہ سیکیورٹی فورسز نے بروقت اور مؤثر ردعمل دیتے ہوئے ملک دشمن عناصر کے مذموم عزائم کو ناکام بنایا، گزشتہ چوبیس گھنٹوں میں 23 دہشت گردوں کو جہنم واصل کیا گیا جو سیکیورٹی فورسز کی بہادری اور پیشہ وارانہ کارکردگی کا مظہر ہے وزیر اعلیٰ بلوچستان نے شہداء کو خراج عقیدت پیش کرتے ہوئے کہا کہ ہمارے بہادر جوانوں نے اپنی جانوں کا نذرانہ دے کر مادر وطن کا دفاع کیا ان کی قربانیاں ہمیشہ یاد رکھی جائیں گی میر سرفراز بگٹی نے شہداء کے اہل خانہ سے اظہار تعزیت کرتے ہوئے یقین دلایا کہ حکومت انہیں کسی صورت تنہا نہیں چھوڑے گی حکومت شہداء کے بچوں اور لواحقین کی کفالت کرے گی وزیر اعلیٰ نے واضح کیا کہ ہرنائی، قلات اور بلوچستان کے دیگر علاقوں میں سیکیورٹی فورسز کا کلیئرنس آپریشن پوری قوت سے جاری ہے اور جب تک آخری دہشت گرد کا مکمل خاتمہ نہیں ہو جاتا یہ کارروائیاں جاری رہیں گی انہوں نے کہا کہ بلوچستان میں دہشت گردوں اور ان کے سہولت کاروں کے لیے کوئی جگہ نہیں، دشمن قوتیں بلوچستان کی ترقی اور خوشحالی کو سبوتاژ کرنا چاہتی ہیں مگر ہماری بہادر فورسز اور عوام ان کے ناپاک عزائم کو کبھی کامیاب نہیں ہونے دیں گےاور ہم کسی بھی قیمت پر دہشت گردی کے مکمل خاتمے تک پیچھے نہیں ہٹیں گے وزیر اعلیٰ بلوچستان میر سرفراز بگٹی نے اس عزم کا اظہار کیا کہ بلوچستان کی سرزمین کو دہشت گردوں کے وجود سے مکمل پاک کر کے اسے ترقی اور خوشحالی کی راہ پر گامزن کیا جائے گا
================
دکی۔ناناصاحب زیارت کے قریب گمبذ کے علاقے میں مسلح افراد کا ویٹس گاڑی پر فائرنگ
فائرنگ سے ایک شخص جانبحق ایک زخمی.
گاڑئ میں پانچ افراد سوار تھے
نوجوانان فٹبال میچ دیکھنے کے بعد واپس جارہے تھے
جانبحق شخص کی شناخت مرحبا خان ولد عبدالمالک جعفر جبکہ زخمی کی شناخت ادریس خان ولد ملا واحد جفعر کے نام سے ہوئی ہے
لاش اور زخمی کو سول ہسپتال دکی منتقل کردئیے گئے
زخمی کو ابتدائی طبی امداد کے بعد کویٹہ منتقل کردیا گیا لیویز ذرائع
================
کوئٹہ میں ٹریفک کے نظام کو مزید بہتر بنانے کے تناظر میں جناح روڈ کو نو پارکنگ زون قرار دے دیا گیاوزیراعلی بلوچستان سرفراز احمد بگٹی کے ٹریفک نظام کو بہتر بنانے کے حوالے سے احکامات کے تناظر میں کمشنر کوئٹہ ڈیویژن/ایڈمنسٹریٹر میٹروپولیٹن کارپوریشن کوئٹہ اور ایس ایس پی ٹریفک بہرام مندوخیل نے جناح روڈ کو نو پارکنگ زون قرار دینے کے بعد جناح روڈ کا رودہ کیا اور سڑک پر پارک گاڑیاں اور موٹر سائیکلوں کو ہٹانے کے آپریشن کا جائزہ لیا اور اس امر کو یقینی بنایا کہ نو پارکنگ کے قانون کو پوری طرح سے لاگو کیا جائےمیٹروپولیٹن کارپوریشن کوئٹہ اور ٹریفک پولیس کوئٹہ کی جانب سے نو پارکنگ کونز اور نو پارکنگ سائن بورڈ بھی جناح روڈ پر آویزاں کر دئیے گئے ہیں، جناح روڈ پر سورج گنج بازار سے لے ریگل چوک تک پارکنگ اب ممنوع ہو گی جبکہ شہری متبادل پارکنگ کے لئے ٹیکسی اسٹینڈ پارکنگ، سرکلر پارکنگ پلازہ کو بروئے کار لائیں اور بطور شہری ٹریفک کے نظام میں بہتری کے لئے ہمارا ساتھ دیں۔
==============
