جوڈیشل مجسٹریٹ وسطی نے 10 سالہ لڑکی سے جنسی زیادتی کے مقدمے میں گرفتار ہونیوالے مفرور ملزم کو 2 روزہ جسمانی ریمانڈ پر پولیس کے حوالے کردیا۔ کراچی میں جوڈیشل مجسٹریٹ وسطی کی عدالت کے روبرو 10 سالہ لڑکی سے جنسی زیادتی کے مقدمے کی سماعت ہوئی۔ پولیس نے مفرور ملزم عدنان کو گرفتار کرکے عدالت میں پیش کیا۔ عدالت نے ملزم کو 2 روزہ جسمانی ریمانڈ پر پولیس کی تحویل میں دیدیا۔ پولیس کے مطابق ملزم نے اکتوبر 2024 کو بچی سے زیادتی کی تھی۔ ملزم بچی کا رشتہ دار ہے۔ ملزم ضمانت قبل از گرفتاری مسترد ہونے پر فرار ہوگیا تھا۔ ملزم کیخلاف گلبرگ تھانے میں بچی کی والدہ کی مدعیت میں مقدمہ درج کیا گیا تھا۔
=============
سندھ ہائیکورٹ نے پاکستانی کمپنی کا کمرشل کنسائنمنٹ بھارتی پورٹ پر ضبط کئے جانے سے متعلق کوسموس انجینیئرنگ نے شپنگ کمپنی اور فریٹ سروس کمپنی کیخلاف ہرجانے کا دعوی سماعت کے لیے مقرر کردیا۔ عثمان فاروق ایڈوکیٹ کے توسط سے دائر دعوی میں موقف اپنایا گیا ہے کہ چین سے درآمد کمرشل کنسائنمنٹ شپنگ کمپنی کی نااہلی کے باعث ممبئی پورٹ پر بھارتی حکام نے ضبط کیا۔ بھارتی حکام نے نیوکلیر اور میزائل پروگرام میں استعمال کا الزام عائد کرتے ہوئے کنسائنمنٹ ضبط کی۔ وزارت خارجہ نے بھی وضاحت جاری کی کہ کنسائنمٹ کمرشل استعمال کے لئے ہے۔ درآمد کی گئی مشینری کمرشل استعمال کے لئے ہے۔ شپنگ کمپنی نے بھارتی حکام کے ساتھ ملی بھگت کرکے کنسائنمنٹ ضبط کروایا۔ شپنگ کمپنی اور فریٹ کمپنی نے مدعی کی شہرت کو عالمی سطح پر نقصان پہنچایا۔ فریقین کو 20 کروڑ 91 لاکھ روپے سے زائد بطور ہرجانہ ادا کرنے کا حکم دیا جائے۔ سندھ ہائیکورٹ نے سماعت مقرر کرتے ہوئے فریقین کو 18 مارچ کے لیئے نوٹس جاری کردیئے۔ دعوی کی سماعت جسٹس عدنان اقبال چوہدری پر مشتمل سنگل بینچ کریگا۔
=============
انسداد دہشتگردی کی خصوصی عدالت نے چائنیز قونصلیٹ بم دھماکہ کیس میں گواہ پولیس افسر خرم وارث کو پیش ہونے کا حکم دیدیا۔ کراچی سینٹرل جیل انسداد دہشتگردی کمپلیکس میں خصوصی عدالت کے روبرو چائنیز قونصلیٹ بم دھماکہ کیس کی سماعت ہوئی۔ کالعدم بی ایل اے کے کارندے علی حسنین اور عبد الطیف اور دیگر پیش ہوئے۔ مقدمے کے گواہ پولیس افسر خرم وارث عدالت میں پیش نہیں ہوا۔ پولیس افسر خرم وارث کی عدم پیشی پر عدالت نے شدید اظہار برہمی کیا۔ وکیل صفائی عابد زمان ایڈوکیٹ نے موقف دیا کہ ہم مقدمہ چلانا چاہتے ہیں، لیکن استغاثہ کا رویہ ٹھیک نہیں،ل۔ عدالت نے ریمارکس دیئے کہ جب پولیس افسر ہی گواہی کے لئے پیش نہیں ہونگ لے تو مقدمہ آگے کیسے بڑے گا۔ آئندہ سماعت پر گواہ پیش نہ ہوا تو کارروائی کی جائے گی۔ عدالت نے مقدمے کے گواہ پولیس افسر خرم وارث کو پیش ہونے کا حکم دیدیا۔ مقدمے کالعدم بی ایل اے کے سربراہ حربیار مری سمیت 16 ملزم اشتہاری ہیں۔ چائینز قونصلیٹ پر نومبر 2018 کو حملہ ہوا تھا۔ حملے میں 3 دہشتگردوں سمیت 7 افراد جاں بحق ہوگئے تھے۔ دہشتگردوں کیخلاف سول لائن پولیس نے مقدمہ درج کیا تھا۔
============
جوڈیشل مجسٹریٹ جنوبی نے جعلی اسناد و دستاویزات پر امریکا جانے کے مقدمے میں 12 ملزمان کو جسمانی ریمانڈ پر ایف آئی اے کے حوالے کردیا۔ کراچی میں جوڈیشل مجسٹریٹ جنوبی کی عدالت کے روبرو ایف آئی اے نے جعلی اسناد و دستاویزات پر امریکا جانے کے مقدمے میں 12 ملزمان کو پیش کیا۔ گرفتار ملزمان نثار خان، ملک محمد اسفندیار، حذیفہ ملک، عمر حیات، ذیشان علی، سید وسیع احمد، قرۃ العین فاطمہ، شہروز بابر، عاقب آفریدی، اسامہ امتیاز، عبد الباسط اور فرقان احمد شامل ہیں۔ تفتیشی افسر نے بتایا کہ ملزمان کو امریکی قونصلیٹ کی شکایت پر گرفتار کیا گیا ہے۔ ملزمان نے ویزے کے لیئے جعلی دستاویزات جمع کروائی تھیں۔ عدالت نے ملزموں کو 5 روزہ جسمانی ریمانڈ پر ایف آئی اے کے حوالے کردیا۔ عدالت نے تفتیشی افسر سے آئندہ سماعت پر پیش رفت رپورٹ طلب کرلی۔
