پریس ریلیز
( )پاکستان مرکزی مسلم لیگ کراچی نے 5 فروری کو یومِ یکجہتی کشمیر کے موقع پر عظیم الشان یکجہتی کشمیر واک کے انعقاد کا اعلان کیا ہے۔ اس موقع پر 4 فروری کو شہر کے تمام ٹاؤنز میں خصوصی کیمپس لگائے جائیں گے، جہاں بھارتی ظلم و ستم کو بے نقاب کرنے کے لیے تصویری نمائش کا اہتمام کیا جائے گا۔ 5 فروری کو یکجہتی کشمیر واک آرٹس کونسل سے پریس کلب تک نکالی جائے گی، جس میں شہریوں کی بڑی تعداد شریک ہو کر مظلوم کشمیری عوام کے ساتھ اظہارِ یکجہتی کرے گی۔ اس واک کا مقصد عالمی برادری کو یہ پیغام دینا ہے کہ پاکستانی عوام ہر حال میں کشمیریوں کی جدوجہدِ آزادی کے ساتھ کھڑی ہے۔ یہ فیصلہ مرکزی مسلم لیگ ہاؤس میں ہونے والے اجلاس میں کیا گیا، جس کی صدارت سندھ کے صدر فیصل ندیم نے کی، جبکہ کراچی کے صدر احمد ندیم اعوان، نائب صدر نعمان علی، شہباز عبدالجبار، مہدی اسحاق سمیت دیگر عہدیداران بھی اجلاس میں شریک تھے۔ اجلاس میں پارٹی قیادت نے اس عزم کا اعادہ کیا کہ کشمیری عوام کو کسی صورت تنہا نہیں چھوڑا جائے گا اور ان کی آزادی کی جدوجہد میں ہر ممکن حمایت جاری رکھی جائے گی۔ اجلاس میں حال ہی میں منعقدہ حقوق سندھ مارچ کی ۔ کامیابی پر ذمہ داران کے اعزاز میں تقریبِ تشکر کا بھی انعقاد کیا گیا، جہاں شرکاء نے اپنے تجربات شیئر کیے اور قیادت نے مارچ کی کامیابی کو ایک اہم سنگِ میل قرار دیا۔ اس موقع پر مرکزی مسلم لیگ سندھ کے صدر فیصل ندیم نے خطاب کرتے ہوئے کہا مرکزی مسلم لیگ ہر میدان میں متحرک ہے اور کشمیری عوام کی آزادی کی جدوجہد میں ان کے شانہ بشانہ کھڑی ہے۔ کشمیر پاکستان کی شہ رگ ہے، اور اس کی آزادی ہمارا قومی فریضہ ہے۔ ہم کشمیری عوام کی سیاسی، سفارتی اور اخلاقی حمایت جاری رکھیں گے اور ہر فورم پر ان کے حقوق کے لیے آواز بلند کرتے رہیں گے۔
مرکزی مسلم لیگ کا روزگار سہولت پروگرام کے 8ویں مرحلے کا اعلان
پریس ریلیز
کراچی ( )پاکستان مرکزی مسلم لیگ کراچی کا روزگار سہولت پروگرام کے 8ویں مرحلے کا اعلان ۔ شہری 7 فروری تک اپنی درخواستیں شاہراہ فیصل پر واقع مرکزی مسلم لیگ ہاؤس میں جمع کروا سکتے ہیں۔اس موقع پر مرکزی مسلم لیگ کے رہنما احمد ندیم اعوان نے کہا کہ روزگار ہر شہری کا بنیادی حق ہے، لیکن بدقسمتی سے حکمران عوام کو ان کے حقوق فراہم کرنے میں ناکام رہے ہیں۔ مرکزی مسلم لیگ نے ہمیشہ مشکل وقت میں اپنے ہم وطنوں کا ساتھ دیا ہے اور عوامی خدمت کے جذبے کے تحت عملی اقدامات کیے ہیں۔ انہوں نے مزید کہا کہ ہم نہ صرف عوام کے حقوق کی جنگ لڑ رہے ہیں بلکہ اپنی مدد آپ کے تحت انہیں سہولیات بھی فراہم کر رہے ہیں۔ اس سے قبل روزگار سہولت پروگرام کے سات کامیاب مراحل میں سینکڑوں خاندانوں کو روزگار فراہم کیا جا چکا ہے، جو اب باعزت طریقے سے اپنی روزی کما رہے ہیں۔ مرکزی مسلم لیگ عوام کی خدمت کے مشن پر گامزن ہے اور آئندہ بھی اس طرح کے فلاحی اقدامات جاری رکھے گی
