راولپنڈی
ممبر قومی اسمبلی محمد حنیف عباسی نے کہا کہ پاکستان مسلم لیگ ن کی سیاست کا محور عوام کی خدمت ہے۔ہم نے کبھی انتشار کی سیاست نہیں کی ۔ نہ ہی نوجوان نسل کو گمراہ کرنے اور انھیں ملک کے خلاف اکسانے کے حوالے سے منفی پراپیگنڈہ کیا۔
گزشتہ روز آل پاکستان پرائیویٹ سکولز مینجمنٹ ایسوسی ایشن (ایپسما) شمالی پنجاب کے صدر ابرار احمد خان کی قیادت میں بیس رکنی وفد نے ممبر قومی اسمبلی محمد حنیف عباسی سے ان کی رہائش گاہ پر اہم ملاقات کی ۔وفد میں عامر انور، ابرار احمد ایڈووکیٹ ، کامران سیف قریشی ، راجہ ثناء اللہ ،ریحان سعید، راجہ ثناء اللہ ، عدنان نثار ,راجہ آصف محمود ، شیراز مغل، ڈاکٹر اعجاز محمود ، راجہ نعمان قمر ، عبید الرحمن ہزاروی, سہراب خان، شیخ ندیم، شاہد جمیل منہاس ، افتخار احمد و دیگر ان کے ہمراہ شریک ہوئے۔ وفد نے نجی تعلیمی اداروں کے مسائل اور پاکستان مسلم لیگ ن کے دور کے عوام دوست فلاحی منصوبہ جات بارے تذکرہ کیا۔اس موقع پر حنیف عباسی نے کہا کہ راولپنڈی انسٹیٹیوٹ آف کارڈیالوجی اور میٹرو بس سروس خالصتاً عوامی منصوبے ہیں۔جن سے بلاتفریق سب لوگ استفادہ حاصل کر رہے ہیں۔ہماری سیاست کا محور عوام کی خدمت ہے۔ہم نے کبھی انتشار کی سیاست نہیں کی ۔ نہ ہی نوجوان نسل کو گمراہ کرنے اور انھیں ملک کے خلاف اکسانے کے حوالے سے منفی پراپیگنڈہ کیا۔اس موقع پر محمد حنیف عباسی نے میونسپل کارپوریشن کی جانب سے ای بلاک میں ایک نجی تعلیمی ادارہ کوسییل کرنے کانوٹس لیا اور فوری طور پر چیف ایگزیکٹو آفیسر ٹی ایم اے کو تعلیمی ادارہ کو ڈی سییل کرنے کا حکم دیا ۔اس موقع پر ابرار احمد خان نے کہا کہ جب بھی نجی تعلیمی اداروں کو مسائل کا سامنا کرنا پڑا ،محمد حنیف عباسی نے اپنا مثبت کردار ادا کیا اور علم دوست ہونے کا بھرپور ثبوت دیا ۔انھوں نے کہا کہ ہم تمام اساتذہ کرام اور طلباء اس ملک کی تعمیر وترقی میں حکومت کے شانہ بشانہ کھڑے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
