احتجاج احتجاج احتجاج …احتجاج
پیکا ترمیم ایکٹ نامنظور
پیکا ترمیم ایکٹ کے خلاف پی
ایف یو جے کا ملک گیر احتجاج
…………………………………
صدر پاکستان فیڈرل یونین آفس جرنلسٹس افضل بٹ سیکرٹری جنرل ارشد انصاری کی کال پر ملک بھر کی طرح کراچی یونین آف جرنلسٹس کے زیر اہتمام 28 جنوری بروز منگل شام تین بجے کراچی پریس کلب کے باہر احتجاج ہوگا احتجاجی مظاہرے سے سول سوسائٹی لیبر وکلاء تنظیموں اور مختلف سیاسی مذہبی جماعتوں کو شرکت کی دعوت دی گئی ہے احتجاج میں بھرپورشرکت کو یقینی بنایا جائے اور کالے پیکا قانون کو مسترد کیا جائے۔
منجانب۔
طاہر حسن خان صدر
سردار لیاقت جنرل سیکرٹری
کراچی یونین آف جرنلسٹس
===================
سندھ ہائیکورٹ کے جسٹس صلاح الدین پہنور نے پولیس افسر کیخلاف شہری کے اغوا برائے تاوان کے مقدمے میں سابق ایس ایچ او شیخ محمد شعیب عرف شوٹر کی درخواست ضمانت کی سماعت سے انکار کردیا۔ جسٹس صلاح الدین پہنور کی دربراہی میں دو رکنی بینچ کے روبرو پولیس افسر کیخلاف شہری کے اغوا برائے تاوان کے مقدمے میں سابق ایس ایچ او شیخ محمد شعیب عرف شوٹر کی درخواست ضمانت کی سماعت ہوئی۔ مغوی شہری کی والدہ آہ و زاری کرتے ہوئے کمرہ عدالت میں بے ہوش ہو کر گر گئیں۔ اہلخانہ نے کہا کہ ہمیں انصاف کی توقع نہیں۔ 2014 سے محمد شریف کو لاپتا کردیا گیا۔ 10 برسوں سے کیس چل رہا ہے، ہمیں کہیں سے انصاف نہیں ملا۔ جسٹس صلاح الدین پنہور نے شعیب شوٹر کی درخواست ضمانت کی سماعت سننے سے انکار کردیا۔ ملزم شعیب شوٹر کے خلاف اغوا برائے تاوان کا مقدمہ تھانہ مبینہ ٹاؤن میں درج ہے۔ مدعی کے وکیل نے موقف دیا تھا کہ پولیس افسر نے شہری کی رہائی کے لیے 5 لاکھ روپے مانگے۔ مغوی شریف تاحال بازیاب نہیں ہوسکا ہے۔
===============
سندھ ہائیکورٹ کی آئینی بینچ نے پانی کی پائپ لائن پر تعمیرات کرنے اور رہائشیوں کو ہراساں کرنے کی درخواست پر ایس ایس پی غربی کے ذریعے ایس ایچ او ڈاکس تھانہ سے رپورٹ طلب کرلی۔ ہائیکورٹ میں آئینی بینچ کے روبرو پانی کی پائپ لائن پر تعمیرات کرنے اور رہائشیوں کو ہراساں کرنے سے متعلق محمدی کالونی یو سی 42 کے رہائشیوں کی درخواست کی سماعت ہوئی۔ درخواستگزار کے وکیل نے موقف دیا کہ ایس ایچ او ڈاکس تھانہ ہمیں ہراساں کر رہا ہے۔ بلڈرز سے ملر کر پولیس رہائشیوں کو تنگ کر رہی ہے۔ ہم نے محمدی کالونی کیلئے پانی کی پائپ لگائی ہے۔ اس میں ہم نے 37 لاکھ کا چالان بھی جمع کرایا تھا۔ پانی سپلائی کرنے کیلئے موٹر لگائے اور کے الیکٹرک کو بل بھی دیتے ہیں۔ اب اس پائپ کے اوپر غیر قانونی تعمیرات کی جا رہی ہے۔ اگر اس پر تعمیرات ہوئیں تو پورے محلے کا پانی بند ہو جائے گا۔ عدالت نے ایس ایس پی غربی کے ذریعے ایس ایچ او ڈاکس تھانہ سے رپورٹ طلب کرلی۔
==================
انسداد دہشتگردی کی خصوصی عدالت نے 12 مئی کے کیس سے سابق میئر کراچی وسیم اختر، عمیر صدیقی اور اعجاز کو بری کردیا۔ انسداد دہشتگردی کی خصوصی عدالت نے سانحہ 12 مئی کے مقدمے کا فیصلہ سنادیا۔ عدالت نے ایم کیو ایم رہنما وسیم اختر، کارکنوں اعجاز اور عمیر صدیقی کو بھی بری کردیا۔ مشتاق اعوان ایڈوکیٹ نے موقف دیا کہ وسیم اختر اور دیگر کیخلاف کو ٹھوس ثبوت پیش نہیں کیا گیا۔ ملزمان بے گناہ ہیں بری کیا جائے۔ کوئی ثبوت نہیں کہ وسیم اختر نے میٹنگ کرکے ہنگامہ کرنے کا کہا ہو۔ ملزمان کیخلاف ائیر پورٹ پولیس نے 2007 میں مقدمہ درج کیا تھا۔ استغاثہ کے مطابق وسیم اخترنے ایم کیو ایم کے مرکز پرمیٹنگ کرکے روڈ بندکرنے کا کہا تھا۔ وسیم اختر نے دیگر ملزمان کو جلاؤ گھیراؤ کرنے کی ہدایت کی۔
==================
سینٹ کی قائمہ کمیٹی برائے داخلہ کا اجلاس
جوائنٹ ایکشن کمیٹی کا خط چئیرمین فیصل سلیم الرحمن سمیت ارکان میں تقسیم کیا گیا_
خط میں قانون منظور کرنے سے پہلے سٹیک ہولڈرز کے ساتھ مشاورت کی درخواست کی گئی3 تھی_
خط میں کہا گیا تھا کہ مجوزہ قانون میڈیا کے لیے ڈریکونین قانون ہے_
پیپلز پارٹی کی رکن کمیٹی پلوشہ خان نے خاموش رہ کر بل کی حمایت کی_
ڈبل ریزولیوشن نہیں ہو سکتی پیمرا کے چینلز کو اس دائرے میں لانا درست نہیں_ اینکرز ایسوسی ایشن آف پاکستان کے رکن شہزاد اقبال کا کمیٹی میں اظہار خیال
اتھارٹی تریبیونل اور کونسل کے ممبران حکومت نامزد کرے گی جس سے ان کے آزادانہ کام کرنا متاثر ہو گا_شہزاد اقبال
قانون پر شدید تحفظات ہیں تمام سٹیک ہولڈرز پر مشتمل جوائنٹ ایکشن کمیٹی کو سنا جائے_ رکن جوائنٹ ایکشن کمیٹی آصف بشیر چودھری کا کمیٹی میں اظہار خیال
مجوزہ قانون فیئر ٹرائل کے اصولوں کے خلاف ہے شق وار اعتراضات کرنا چاہتے ہیں_ آصف بشیر چودھری
قانون کو کریمنلائز نہیں ہونا چاہیے یہ غلط پریکٹس ہو گی_آصف بشیر چودھری
بل میں انسانی حقوق کی سنگین خلاف ورزیاں ہیں منظوری سے قبل مشورت کی جائے_ منیزے جہانگیر وائس چیئرمین انسانی حقوق کمیشن آف پاکستان
بل پر مشاورت کے لیے وقت نہیں ہے آج ہی اسے پاس کروانا ہے_ چیئرمین کمیٹی فیصل سلیم
بل پاس کیا گیا تو یہ بنیادی انسانی حقوق کی سنگین خلاف ورزی ہو گی_ کامران مرتضی
بل میڈیا پر سنگین قدغنیں عائد کرتا ہے_ بل پاس ہونے کے بعد میڈیا کی آزادی ختم ہو جائے گی_ کامران مرتصی
سینیٹر کامران مرتضی کی سفارشات پر بھی بحث نہیں کی جا سکتی_ چیئرمین کمیٹی
یقین دلاتا ہوں کی بل میڈیا کے خلاف نہیں ہے_ عرفان صدیقی
بل آج ہی پاس کرنا ہے بہتر ہوتا کہ میڈیا کے ساتھ مشاورت کر کے بل لایا جاتا لیکن اب وقت نہیں ہے_ چیئرمین کمیٹی
پیکا ترمیم بل 2025 کمیتی سے منظور کر لیا گیا_
بل میڈیا کے خلاف نہیں سوشل میڈیا کے غلط استعمال کرنے والوں کے خلاف ہے_ عرفان صدیقی
اس ملک میں کسی کو گرفتار کرنے کے لیے قانون کرایہ داری ہی کافی ہے_عرفان صدیقی
سوشل میڈیا کے گند کا لاوا پھٹ کر ہمارے گھروں میں آ چکا ہے_ عرفان صدیقی
قانون صحافیوں پر لاگو ہوا تو میں صحافیوں کے ساتھ ہوں گا_ عرفان صدیقی
سینٹ کی قائمہ کمیٹی برائے داخلہ کا اجلاس پندرہ منٹ میں بل منظور کرنے کے بعد ختم
جے یو آئی اے رکن کامران مرتضی کی ترامیم ووٹنگ کے بغیر مسترد
پیکا بل آج ہی سینٹ سے بھی منظور کروائے جانے کا امکان
حکومتی بل ہے میں اس کی مخالفت نہیں کر سکتا_ عرفان صدیقی کی صحافیوں سے گفتگو
ہمیں کہا گیا تھا کہ آج بل کمیٹی سے لازمی پاس کروانا ہے_ پیپلز پارٹی کی رکن پلوشہ خان کی صحافیوں سے گفتگو
====================
کروڑوں روپے کی منی لانڈرنگ اور جعلی اکاؤنٹ کے ذریعے رقم منتقلی کے مقدمے میں فریال تالپورسمیت 14 ملزمان کو بے گناہ قرار، بینکنگ عدالت نے ایف آئی اے کا چالان منظور کرلیا۔ کراچی میں بینکنگ عدالت کے روبرو کروڑوں روپے کی منی لانڈرنگ اور جعلی اکاؤنٹ کے ذریعے رقم منتقلی کے مقدمے کی سماعت ہوئی۔ ایف آئی اے نے چالان جمع کروادیا۔ ایف آئی اے نے فریال تالپورسمیت 14 ملزمان کو بے گناہ قرار دے دیا۔ بے گناہ قرار دئیے جانے والوں سینٹر اشرف جتوئی، شہزاد جتوئی، بلال شیخ مرحوم، اسلم مسعود، نورین سلطان، کرن آمنہ، شیر محمد مغیری، سید حسین حسن شاہ، نصیر عبد اللہ، محمد اقبال نور اور دیگر شامل ہیں۔ چالان میں ایف آئی اے کا کہنا ہے کہ ملزمان کیخلاف کوئی ٹھوس ثبوت نہیں ملے۔ مقدمے میں صدر مملکت آصف علی زرداری حسین لوائی انور مجید سمیت بیس ملزمان کے نام شامل ہیں۔ عدالت نے چالان منظور کرتے ہوئے بے گناہ قرار پانے والوں کے نام مقدمے سے نکال دئیے۔
