لباس ایک مکمل سائنس ہے جو لوگوں کی زندگی کو انقلاب آفرین بنانے کا باعث بن رہا ہے،عاصم شمیم
کراچی (اسٹاف رپورٹر) ملک کی معروف ماڈل اورادا کارہ نادیہ حسین نے کہا ہے کہ مشرقی لباس اور مغربی تہذبیوں کے امتزاج سے ڈیزائن کیے گئے ملبوسات فیشن انڈسٹری میں نیا اضافہ ہیں غالب امکان ہے کہ یہ رجحان فروغ پائے گا ان خیالات کا اظہار انہوں نے پانچ ستارہ ہوٹل میں منعقدہ آئی کے فیشن شو اور ماہی اسٹور مین این وومین فیشن کی سوفٹ لانچنگ کے موقع پر میڈیا سے بات کرتے ہوئے کیااس موقع پر ماہی اسٹور کے سربراہ عاصم شمیم نے کہا کہ لباس انسانی تہذیب میں موسم کے سرد و گرم سے محفوظ رکھنے سے کہیں آگے کا درجہ حاصل کر چکا ہے۔ لباس ایک مکمل سائنس ہے جو لوگوں کی زندگی کو انقلاب آفرین بنانے کا باعث بن رہا ہے، یہ باقاعدہ ایک انڈسٹری کا درجہ اختیار کر چکا ہے جس سے دنیا میں لاکھوں کروڑوں لوگوں کا روزگار وابستہ ہے۔
فیشن ڈیزائننگ آج اپنی اہمیت دنیا سے منوا چکی ہے انہوں نے کہا کہ مشرقی و مغربی لباس کے امتزاج سے تخلیق کیے گئے نئے ملبوسات کی نمائش ”فیشن شو 2025“ کا انعقاد پاکستان میں فیشن کی دنیا میں ایک سنگ میل ثابت ہوگا قبل ازیں فیل میل ماڈلزمریم شاہ، اقرا اخلاق، ماریہ ملک، عبیرہ عباسی، فروزہ محمود، زہرہ رضا، لائبہ خان، علیناخان، عائشہ کریم، رمشاء خان، ملکہ، پلوشہ خان، انا گیلانی، کائنات سیال، مریم حسین میل ماڈلز آصف رحمن، دانیال، آفاق، خالد حنیف، اکمل خان،
دانیال احتشام،اسد بٹ، امین، باسط، زوہیب، غلام نبی، عبداللہ،بلوچ مسعود، زرخ خان اور عمرنے ریمپ پر واک کرکے فیشن شو کا سماں باندھ دیا۔مختلف ماڈلز نے میڈیا سے بات چیت کرتے ہوئے کہا کہ موجودہ دور میں لباس کی مختلف اصطلاحات وجود میں آچکی ہیں، ان سب کی اہمیت اپنی اپنی جگہ مسلمہ ہے۔ جو لباس شخصیت میں نکھار نہیں لاتا، اسے زیب تن کرنے کا کوئی فائدہ نہیں۔ لباس تو اتنا خوبصورت، باوقار، زبردست اور لاجواب ہونا چاہئے کہ جو شخصیت کے رعب و دبدبے کو مثالی بنا دے
ماڈلز کا مزید کہنا تھا کہ لباس انسان کی شخصیت کا وہ پہلو ہے جو اُس کی شخصیت اور ذات کے مختلف پہلوؤں کو معاشرے کے سامنے عیاں کرتا ہے۔ لباس وہ میڈیم ہے جس کے ذریعے آپ اپنے بارے
میں کچھ کہے بغیر بہت کچھ کہہ دیتے ہیں۔ لباس انسان کی شخصیت کا وہ نمایاں پہلو ہے جسے وہ کبھی بھی کسی سے بھی نہیں چھپا سکتا۔تقریب میں دنیا بھر سے میل فی میل ماڈلز شریک ہوئے جبکہ ملک بھر سے مختلف اہم شخصیات نے بھی شرکت کی
تقریب کے آخر میں ”ماہی اسٹور” کی سوفٹ لانچنگ بھی کی گئی۔
