میرے خلاف جاری سندھ اسمبلی اشتہار کا معاملہ اور میرا جوابی لیگل نوٹس ؟؟
اسد اللہ ولد مشتاق
کرپٹ مافیا کو چاہیے کہ میرے خلاف کوئی ثبوت ہیں تو اسکا بھی اشتہار شائع کروادیں۔ میں ان کی کرپشن بے نقاب کرتا رہوں گا۔
سندھ اسمبلی کے اسسٹنٹ سیکریٹری ایڈمن منور راہو کی جانب سے میرے خلاف اخبارات میں شائع ہونے والا اشتہار بلکل بے بنیاد، جھوٹا اور من گھڑت ہے جس کے خلاف میں نے قانونی کارروائی کرتے ہوئے اپنے وکیل کے ذریعے انہیں لیگل نوٹس آج بھیج دیا ہے،مزید انکے خلاف قانونی جنگ لڑوں گا۔
میرا صحافتی کیریئر سب کے سامنے ہے۔ اس سارے معاملے کے پیچھے محکمہ اطلاعات سندھ کے نیب زدہ افسران ، کرپٹ مافیا اور انکے ٹائوٹ کا ہاتھ ہے جو کہ اوچھے ہتھکنڈوں کے ذریعے مجھے بدنام کرکے جھوٹے مقدمات میں پھنسانا چاہتے ہیں اور میری کرپشن کے خلاف اٹھائی ہوئی آواز کو دبانا چاہتے ہیں۔
25سالوں سے میڈیا سے وابستہ ہوں اور ابھی میں ایک صحافتی ادارے کا منیجنگ ایڈیٹر بھی ہوں ۔محکمہ اطلاعات سندھ سے جاری کردہ ”ایکریڈیشن کارڈ” ہولڈر بھی ہوں
ڈائریکٹر اشتہارات یوسف کابورو کی بہت مہربانی جو کہ اربوں روپے کے ترقیاتی کاموں کے اشتہارات تو ایسی اخبارات میں شائع کرواتے ہیں جو کہ کہیں نظر نہیں آتی لیکن میرے خلاف جھوٹا اور بے بنیاد اشتہار جنگ ، کاوش ، ڈان ود یگر اخبارات میں لاکھوں روپے بجٹ خرچ کرکے شائع کروایا ہے ۔
میں نے رائٹ ٹو انفارمیشن قانون کے تحت محکمہ اطلاعات سندھ سے گذشتہ چار سالوں کا ریکارڈ طلب کررکھا ہے جسے یہ دینے کیلئے تیار نہیں ہیں؟ ریکارڈ دینگے تو ان کی اربوں روپے کرپشن بے نقاب ہو گی ۔
اسد اللہ ولد مشتاق
