حقوق سندھ مارچ کے ذریعے کچے اور پکے کے ڈاکوؤں کا احتساب کریں گے۔مرکز ی مسلم لیگ
سندھ بھر میں مارچ کی تیاریاں عروج پر ،عوام کےحقوق پر ڈاکہ ڈالنے والوں کی نیندیں حرام ہوچکی ہیں ۔سیف اللہ خالد،فیصل ندیم ، ندیم اعوان
پریس ریلیز
کراچی ( )پاکستان مرکزی مسلم لیگ کراچی کے تحت حقوق سندھ مارچ کے سلسلے میں گلشن اقبال کے مقامی ہال میں ذمہ داران کنونشن کا انعقاد کیا گیا، جس میں شہر قائد کے تمام سطحوں کے ذمہ داران نے بڑی تعداد میں شرکت کی۔ اس موقع پر شرکاء نے حقوق سندھ مارچ کو بھرپور کامیاب بنانے کا عزم ظاہر کیا ۔کنونشن میں مرکزی مسلم لیگ کے جنرل سیکرٹری سیف اللہ خالد، سندھ کے صدر فیصل ندیم، کراچی کے صدر ندیم اعوان،کراچی کے جنرل سیکرٹری ایڈوکیٹ مدثراقبال چوہدری ، نائب صدرانجینئر نعمان علی ،مہدی اسحاق،شہبازعبدالجبار، مسلم یوتھ لیگ سندھ کے صدربلال حیدر کراچی کے صدرخضر خان اور دیگر ذمہ داران نے خطاب کیا۔ تمام مقررین نے حقوق سندھ مارچ کو ایک تاریخی موقع قرار دیا اور اس کے ذریعے عوامی مسائل کو اجاگر کرنے کی اہمیت پر زور دیا۔جنرل سیکرٹری سیف اللہ خالد نے اپنے خطاب میں کہا کہ حقوق سندھ مارچ ایک سنگ میل ثابت ہوگا جس کے ذریعے سندھ کی عوام کے حقوق کے لیے جدوجہد کی جائے گی۔ اس مارچ میں ہزاروں افراد شرکت کریں گے اور یہ تحریک ظلم و جبر کے خلاف ایک طاقتور آواز بنے گی۔ ان کا کہنا تھا کہ یہ مارچ برائی کو مٹانے کے لیے نیکی اور اچھے لوگوں کی ضرورت کی غمازی کرتا ہے، اور اس کے ذریعے سندھ میں ان ظالم حکمرانوں کو بے نقاب کیا جائے گا جنہوں نے عوام کو مایوسی کی دلدل میں دھکیل دیا ہے۔سندھ کے صدر فیصل ندیم نے اپنے خطاب میں پاکستان کے وسائل کے صحیح استعمال کی اہمیت پر زور دیا اور کہا کہ اگر حکمران اپنی عیاشیوں کو ترک کر کے عوام کی فلاح کے لیے وسائل خرچ کریں تو پاکستان کی تقدیر بدل سکتی ہے۔حقوق سندھ مارچ کے ذریعے کچے اور پکے کے ڈاکوؤں کا احتساب کریں گے۔ حقوق سندھ مارچ کے ذریعے سندھ، خیبر پختونخوا، بلوچستان، پنجاب اور گلگت بلتستان میں ایک نیا انقلاب آئے گا، جہاں عوام اپنے حقوق کے لیے اٹھ کھڑے ہوں گے۔ اس مارچ کا مقصد ایک مضبوط اور فلاحی پاکستان کی بنیاد رکھنا ہے۔ کراچی کے صدر ندیم اعوان نے کہاکہ مرکزی مسلم لیگ نے ہر شعبے میں عوام کی خدمت کی ہے۔ہم عوام کے حقوق کی حفاظت بھی کریں گے۔حقوق سندھ مارچ کی کراچی میں تیاریاں عروج پر اور سندھ کے ڈاکوؤں کی نیندیں حرام ہوچکی ہیں۔مرکزی مسلم لیگ کے عہدیداروں نے اس عزم کا اعادہ کیا کہ ہر ممکن کوشش کی جائے گی تاکہ حقوق سندھ مارچ کامیاب ہو اور اس کے ذریعے عوامی مسائل کو حل کرنے میں مدد ملے۔
پاکستان لائر فورم کی جانب سےمرکزی مسلم لیگ ہاؤس میں نومتخب وکلاء کیلئے تقریب کا اہتمام
پریس ریلیز
کراچی ( ) مرکزی مسلم لیگ ہاؤس میں پاکستان لائرز فورم کی جانب سے سندھ ہائی کورٹ بار ایسوسی ایشن اور کراچی بار ایسوسی ایشن کے نومنتخب عہدیداران کے اعزاز میں تقریب کا انعقاد کیا گیا جس میں مرکزی مسلم لیگ کراچی کے صدر احمد ندیم اعوان جبکہ نو منتخب ہونے والے سندھ ہائیکورٹ بار کے صدر بیرسٹر سرفراز میتھلو، کراچی بار ایسوسی ایشن کےجنرل سیکریٹری رحمان کورائی، عمران عزیز جوائنٹ سیکریٹری کراچی بار اور صدر پاک لائرز فورم ظفر اقبال نے شرکت کی۔ تقریب سے خطاب کرتے ہوئے احمد ندیم اعوان نے کہا کسی ظالم کے ظلم کو روکنا ہی اصل کامیابی ہے اور یہ کام وکلاء کرتے ہیں۔ انہوں نے کہا مرکزی مسلم لیگ عوام کی فلاح کیلئے تعلیم، روزگاراور خواتین سمیت ہر شعبہ ہائے زندگی میں کام کر رہی ہے۔ احمد ندیم اعوان نے کہا کہ ہم نوجوانوں کے حوالے سے کام کر رہے ہیں۔ گل زمین فٹبال ٹورنامنٹ نوجوانوں کیلیے کروایا ۔پاکستان کا پرچم ہی سب ٹیموں کا پرچم تھا۔ مقصد انہیں پلیٹ فارم اور پاکستان کی اہمیت کو اجاگر کرنا اور حب الوطنی کا جذبہ بیدار کرنا تھا۔ انہوں نے مزید کہا ہم یونیورسٹی اور اسپتال بنارہے ہیں تاکہ عوام کی خدمت کر سکیں کیونکہ سیاست انبیاء کا شیوہ رہا اور اسکا اصل مقصد خدمت کے کام ہیں۔ صدر سندھ ہائی کورٹ بار بیرسٹر سرفراز میتھلو نے وکلاء برادری کو مدعو کرنے پر پاک لائرز فورم کا شکریہ ادا کیا۔ انہوں نے کہا کہ مرکزی مسلم لیگ اور ہمارا مقصد ایک ہی ہے اور وہ فلاح کے کام ہیں اور ہم ملکر انسانی خدمت کے کام کریں گے، انہوں نے کہا کہ ہمیں تفریق سے دور رہنا چاہیے اور ایک دوسرے کا خیال رکھنا چاہیے اسی سے انسان آپس میں جڑتے ہیں۔ صدر کراچی احمد ندیم اعوان نے وکلاء سے اپنے خطاب میں کہا اگر کوئی شعبہ ہمیں اس معاملے میں پشت پناہی کر سکتاہے تو وہ آپ کا شعبہ یعنی انصاف ہے۔ انہوں نے کہا ہم 25 سے 28 جنوری تک حقوق سندھ مارچ کررہے ہیں جسمیں کراچی کے مسائل سمیت چھ کینالز کا ایشو بھی ہمارے اس مارچ کا اہم حصہ ہے، احمد ندیم اعوان نے وکلاء برادری کو بھی اس مارچ میں شرکت کی دعوت دی۔
