Report Sabih Salik
یاسر حسین نے اپنی انسٹا اسٹوری پر ویڈیو شیئرنگ پلیٹ فارم یوٹیوب پر پھیلی اپنی موت کی خبر کا اسکرین شاٹ شیئر کیا ہے۔
یہ اسکرین شاٹ ایک یوٹیوب ویڈیو پر ویوز حاصل کرنے کے لیے بنائے گئے تھمب نیل کا ہے جس پر لکھا ہے کہ اقراء عزیز کے شوہر اچانک انتقال کر گئے۔
اُنہوں نے اپنی انسٹا اسٹوری کے کیپشن میں طنز کرتے ہوئے لکھا ہے کہ یہ خبر جس نے لگائی ہے اسے اگلی خبر اپنی والدہ کے بیوہ ہونے کی بھی لگانی چاہیے۔
کچھ ہی لمحوں میں یاسر حسین کی انسٹا اسٹوری سوشل میڈیا پر وائرل ہو گئی اور صارفین کی جانب سے یوٹیوبر اور اداکار دونوں پر ہی تنقید کی جا رہی ہے۔
صارفین کا کہنا ہے کہ یوٹیوبرز کو ویوز حاصل کرنے کے لیے اس طرح تھمب نیل نہیں بنانے چاہئیں اور یاسر حسین کو بھی اپنے بارے میں پھیلی ایسی جھوٹی خبر پر ردِعمل دیتے ہوئے اخلاقیات نہیں بھولنی چاہئیں۔
