خضدار/ 13/ جنوری
تفصیلات کے مطابق پاکستان پیپلز پارٹی کے مرکزی رہنماء و چیئرمین میونسپل کارپوریشن خضدار میر محمد آصف جمالدینی میونسپل کارپوریشن خضدار کے ڈپٹی میئر جمیل قادر زہری آل پارٹیز شہری ایکشن کمیٹی خضدار کے جنرل سیکرٹری قدیر احمد زہری پیپلز پارٹی قلات ڈویژن کے ڈپٹی جنرل سیکریٹری ماما عبدالرحیم خدرانی میر عرفان گنگو انور راجہ نادر شیخ محمد حنیف مینگل ریاض احمد زنگیجو و دیگر پارٹی رہنماؤں نے کمشنر قلات ڈویژن محمد نعیم بازئی سے ملاقات کیا۔
ملاقات میں ضلع خضدار کے سکیورٹی امن و امان اور این ایچ اے کے خضدار ٹو کچلاک قومی شاہراہ کے کام میں سست روی اور ناقص میٹریل کے استعمال اور سی پیک ایم 8 شاہراہ فیروزآباد ٹو نال کے متاثرین کو معاوضہ کے مسائل سیمت و دیگر معاملات اور علاقائی صورتحال پر تبادلہ خیال کیا گیا۔
آخر میں کمشنر قلات ڈویژن محمد نعیم بازئی نے میئر خضدار میر محمد آصف جمالدینی ڈپٹی میئر جمیل قادر زہری اور دیگر پارٹی رہنماؤں کو اپنے جانب سے مکمل یقین دہانی کروائی کہ تمام مسائل کو ترجیحی بنیادوں پر حل کیا جائے گا۔
