نوابشاہ (پریس رلیز) چئیرمین سندھ ہیومن رائٹس کمیشن، اقبال احمد ڈیتھو نے ایڈیشنل کمشنر عمارحسين کے ہمرا اور این ڈی ایف ریہیبلیٹیشن سینٹر نوابشاہ کا دورہ کیا، جہاں انہوں نے معذور بچوں کے لیے فراہم کی جانے والی مختلف سہولتوں کا جائزہ لیا۔ اس موقعے پر پروگرام مینیجر این ڈی ایف، طارق حسین چنڑ نے سینٹر میں فراہم کی جانے والی خدمات فزیو تھراپی، سائیکو تھراپی، آکوپیشنل تھراپی، اسپیچ تھراپی، اور ای سی ای ایجوکیشن کے بارے میں تفصیل سے آگاہ کیا۔اقبال احمد ڈیتھو نے کہا کہ سندھ میں معذور بچوں کی بحالی ایک بڑا چیلنج ہے، اور سندھ حکومت کے ڈی ای پی ڈی ڈپارٹمنٹ اور این ڈی ایف کی مشترکہ محنت قابل ستائش ہے۔ انہوں نے مزید کہا کہ معذور افراد مختلف نہیں، بلکہ ہمارے معاشرے میں برابر کے
حصیدار ہیں۔ معذوری کا مکمل علاج ممکن نہیں لیکن مستقل بحالی کی کوشش کے ذریعے اسے موثر طریقے سے منظم کیا جا سکتا ہے۔ ذہنی معذوری کی بحالی صرف تھراپی نہیں ہے، بلکہ ان بچوں کو ایک باوقار زندگی گزارنے کا موقع فراہم کرنا ہے، اور یہ کام این ڈی ایف بخوبی کر رہا ہے۔انہوں نے حکومت اور نجی شعبہ جات سے اپیل کی کہ وہ عملی جامع منصوبہ بندی کے ذریعے ذہنی معذوری کے شکار بچوں اور ان کے خاندانوں کو درپیش رکاوٹوں کو دور کرنے کے لیے مل کر کام کریں۔ اس طرح ہی ہم آگے بڑھ سکتے ہیں۔ چئیرمین سندھ ہیومن رائٹس کمیشن نے سینٹر کا دورہ کرنے اور خصوصی بچوں سے ملاقات کرنے پر خوشی کا اظہار کیا۔ اس موقع پر، این ڈی ایف کی جانب سے آنے والے مہمانوں کو اعزازی شیلڈ اور دیگر تحائف بھی پیش کیے گئے۔
