کراچی 10جنوری ۔سندھ حکومت نےنقصان کےازالہ کیلئے فصلوں کا بیمہ پروگرام شروع کرنے کا فیصلہ کرلیا ہے.اس سلسلے میں وزیر زراعت سندھ سردار محمد بخش مہر کی صدارت میں اہم اجلاس منعقد ہوا، اجلاس میں سیکریٹری زراعت سہیل احمد قریشی، ڈپٹی سیکریٹری احمد علی شیخ، انشورنس کمپنی پولا ایڈوائزرز کے کنٹری ہیڈ وداد درانی اور دیگر شریک ہوئے. جس میں سیکریٹری زراعت اور دیگر کی وزیر زراعت کو فصلوں کی انشورنس پروگرام شروع کرنے سے متعلق منصوبے کی آگاہی دی.وزیر زراعت سندھ سردار محمد بخش خان مہر نے اجلاس کی صدارت کرتے ہوئے کہا کہ سندھ میں ممکنہ سیلاب، بارشوں، بیماری، گرمی، کیڑہ لگنے اور موسمیاتی تبدیلی سےفصلوں کو ہونے والے نقصان کی کراپ انشورنس ہونا ضروری ہے،حکومت سندھ نے کسانوں کی مدد کے لیے بینظیر ہاری کارڈ لاؤنچ کیا ہے،ہماری کوشش ہے کہ بینظیر ہاری کارڈ کے مد میں کسانوں کو کراپ انشورنس کی سہولت بھی فراہم کریں، انشورنس کے ماڈل کو چلانے کے لیے پولا ایڈوائزرز سندھ کے کسانوں کی سپورٹ کرے گا. وزیر زراعت سندھ کا مزید بتانا تھا 
کہ سندھ حکومت چاہتی ہے کہ پولارڈ ایڈوائزرز چاول، کپاس اور گندم کی فصلوں کو انشورڈ کرے، محکمہ زراعت سندھ نے کراپ انشورنس کے ایک سال کیلئے پائلٹ پروجیکٹ منظوری دے دی، جو کہ رواں سال خریف 2025 سے شروع ہوگا، انشورنس کے ماڈل کو چلانے کے لئے پولار ایڈوائزرز سندھ کے کسانوں کو ایریا ییلڈ انڈیکس انشورنس کے تحت سپورٹ کریگا.سردار محمد بخش مہر کا کہنا تھا کہ اگر کراپ انشورنس کا پائلٹ پروجیکٹ کامیاب ہوا تو مزید دیگر 27 اضلاع میں بھی شروع کرائیں گے، پائلٹ پروجیکٹ کامیاب ہونے کے بعد گنے اور دیگر فصلوں کو بھی کراپ انشورنس پروجیکٹ میں شامل کیا جائے گا، پہلے مرحلے میں دو اضلاع لاڑکانہ اور گھوٹکی میں آزمائشی بنیادوں پر بیمہ پروگرام شروع کرایا جا رہا ہے.سیکریٹری زراعت سہیل احمد قریشی کا بریفنگ دیتے ہوئے اجلاس میں کہنا تھا کہ رقم سندھ حکومت انشورنس کمپنی کو فراہم کریگی،جس کو ٹیکنیکلی سپورٹ پولا ایڈوائزرز کریگا. پولا ایڈوائزرز کے کنٹری ہیڈ وداد نے بریفنگ دیتے ہوئے کہا کہ کپاس،چاول اور گندم سمیت دیگر فصلوں کے نقصان کے ازالہ کیلئے کراپ انشورنس دیں گے.
