سانگھڑ میں تاریخی گڑنگ بنگلو کا دورہ ، یہاں سے سوریہ بادشاہ نے انگریزوں کے خلاف حر تحریک کی شروعات کی

گزشتہ دنوں کراچی کے صحافی دوستوں کے ساتھ سانگھڑ کے تاریخی مقام گڑنگ بنگلو کو دیکھنے کا اعزاز حاصل ہوا یہ وہ تاریخی مقام ہے جہاں سے سوریہ بادشاہ نے

انگریزوں کے خلاف حر تحریک کی شروعات کی انگریزوں کو ایسی زبردست مزاحمتی تحریک اور جارحانہ حملوں کی توقع نہیں تھی اور انگریزوں کو بہت نقصان اٹھانا پڑا ۔

جب برٹش انڈیا میں انگریزوں کو حر تحریک کے سامنے کامیابی حاصل نہیں ہو رہی تھی تو پھر آخری حربے کے

طور پر سانگھڑ میں زبردست بمباری کی گئی جس میں بھاری جانی اور مالی نقصان ہوا اور گڑنگ بنگلو بھی مسمار کر دیا گیا

۔اسی مقام پر دوبارہ گڑنگ بنگلو کی یاد میں اسی انداز کی ایک تعمیر کی گئی ہے جہاں بعد میں موجودہ پیر پگارا نے بھی دیدار کرایا اور لاکھوں کی تعداد میں حروں نے ان کا دیدار کیا ۔

کراچی سے سینیئر صحافی شمس کیریو کے ہمراہ کراچی پریس کلب کے سابق صدر اور کراچی یونین اف جرنلسٹ کے موجودہ صدر طاہر حسن خان ، ایڈیٹر جیوے پاکستان ڈاٹ کام سالک مجید ، سینیئر صحافی کفیل الدین فیضان ، اردو پوائنٹ سے ذکی بھائی پر مشتمل صحافیوں کے وفد نے سانگھڑ میں تاریخی گڑنگ بنگلو کا دورہ کیا ۔
اس موقع پر استاد نظامانی نہیں گڑنگ بنگلو اور سانگھڑ میں اور تحریک کے تاریخی پس منظر پر روشنی ڈالی جبکہ فقیر سوالے سنجرانی انچارج گڑن بنگلوں سانگھڑ نے تمام مہمانوں کا گرم جوشی سے استقبال کیا اور انہیں اس تاریخی مقام کے بارے میں تفصیلات سے آگاہی فراہم کی گڑنگ بنگلو کے برابر میں واقعہ ہائر سیکنڈری سکول بنگلو سانگڑ کے ہیڈ ماسٹر محمد سلیم درس نے اپنے دیگر اساتذہ کے ہمراہ کراچی سے آنے والے صحافی وفد کا خیر مقدم کیا اور انہیں اسکول کے بارے میں تفصیلات سے آگاہی دی اس موقع پر تعلیمی نظام سانگھڑ کی صورتحال اور دیگر باہمی دلچسپی کے امور پر تفصیلی اور سیر حاصل گفتگو کی گئی ۔

https://www.youtube.com/watch?v=IQl3H_yfuWQ

حروں کے روحانی پیشوا سوریہ بادشاہ کی حر تحریک واقع ہی اپنی مثال آپ تحریک تھی جس میں لازوال قربانیوں کی داستان ملتی ہے اس تحریک کے بارے میں ہماری نوجوان نسل کو ضرور آگاہی حاصل ہونی چاہیے سانگھڑ میں اج بھی حر شہید منصور فقیروں کا قبرستان موجود ہے جہاں تحریک میں حصہ لینے والے حروں کے مزارات موجود ہیں جو لازوال قربانیوں کی یاد دلاتے ہیں ۔یہ اس سرزمین کے عظیم فرزند اور ہیروز ہیں تاریخ میں ان کا کردار کبھی فراموش نہیں کیا جا سکتا ۔

رپورٹ سالک مجید ایڈیٹر جیوے پاکستان ڈاٹ کام کراچی