صوبائی وزیر صحت خواجہ عمران نذیر مریم نواز ہیلتھ کلینک کے لئے منتخب ڈاکٹرز کے ٹریننگ سیشن سے خطاب کررہے ہیں، لاہور، 7 جنوری۔
مریم نواز ہیلتھ کلینک سے متعلق نوجوان ڈاکٹرز کے لئے مقامی ہوٹل میں ٹریننگ سیشن کا انعقاد کیا گیا۔منتخب شدہ ڈاکٹرز کو آؤٹ سورس ماڈل کے تحت عوام کو طبی سہولیات کے حوالہ سے مکمل طریقہ کار سے آگاہ کیا گیا۔صوبائی وزیر صحت خواجہ عمران نذیر نے ٹریننگ سیشن سے خطاب کرتے ہوئے کہا ہے کہ وزیر اعلی مریم نواز شریف نے تمام بنیادی و دیہی مراکز صحت کی ریویمپنگ کے لئے خطیر بجٹ فراہم کیا ہے.
2500 بنیادی مراکز صحت اور 300 دیہی مراکز صحت دو مرحلوں میں ریویمپ کئے جارہے ہیں۔خواجہ عمران نذیر کا کہنا ہے کہ ہماری حکومت سے پہلے ان مراکز صحت کی حالت انتہائی خستہ تھی۔تمام بنیادی و دیہی مراکز صحت کی ریویمپنگ تیزی سے مکمل کی جارہی ہے۔انہوں نے کہا کہ آؤٹ سورس ہونیوالے مریم نواز ہیلتھ کلینک کے لئے 3000 سے زائد امیدوار ڈاکٹروں نے اپلائی کیا جن میں سے 1000 ڈاکٹرز کو انٹرویو کے لئے بلایا گیا۔ان میں 150 ڈاکٹرز کو منتخب کرکے آج مریم نواز ہیلتھ کلینک انکے سپرد کررہے ہیں۔ صوبائی وزیر صحت نے کہا کہ مریم نواز ہیلتھ کلینک انسانیت کی خدمت سے سرشار ڈاکٹرز کو آؤٹ سورس کیئے جارہے ہیں۔مقامی ڈاکٹرز کو مریم نواز ہیلتھ کلینک کے لئے ترجیحی دی گئی ہے۔وزیر صحت پنجاب نے واضح کیا کہ کسی ڈاکٹر کو بے روزگار نہیں کیا گیا انہیں نزدیکی ہسپتالوں میں تعینات کیا گیا ہے۔ خوجہ عمران نذیر نے ڈاکٹرز پر زور دیکر کہا کہ منتخب ہونے والے ڈاکٹرز مریم نواز ہیلتھ کلینک کو اپنا کلینک سمجھ کر عوام کی خدمت کریں۔ہم اس نئے ماڈل کو کامیاب بنانے کے لئے دن رات کوشاں ہیں۔وزیر صحت نے کہا کہ مریم نواز ہیلتھ کلینک گیم چینجر ثابت ہوگا۔ہیلتھ سسٹم میں موجود خامیوں سے پاک کریں گے۔محکمہ صحت میں کرپشن کلچر کا خاتمہ میری اولین ترجیح ہے۔انہوں نے کہا کہ 1250 بنیادی مراکز صحت کی ریویمپنگ جلد مکمل کی جارہی ہے جبکہ بقیہ رواں سال میں مکمل کر لئے جائیں گے۔ ہیلتھ فیسلیٹیز کی ریویمپنگ کے بعد عوام کو معیاری طبی سہولیات نئے جذبے سے سرشار نوجوان ڈاکٹرز کے ذریعے بہتر انداز میں دستیاب ہوسکیں گی۔ٹریننگ سیشن سے سیکرٹری صحت نادیہ ثاقب نے خطاب کے دوران منتخب ہونیوالے ڈاکٹرز کو مبارکباد دی اور نیک تمناؤں کا اظہار کیا۔ اس موقع پر پراجیکٹ ڈائریکٹر آئی آر ایم این سی ایچ ڈاکٹر خلیل اور 36 اضلاع سے آئے ہوئے سی ای اوز ہیلتھ بھی موجود تھے۔
