ٹھٹھہ(رپورٹ:علی گوہر قمبرانی)پاکستان پیپلزپارٹی کے بانی اور سابق وزیر اعظم ذوالفقار علی بھٹو کا 97 واں یوم پیدائش پیپلزپارٹی ضلع ٹھٹھ اور سجاول کی طرف سے آج پیپلزپارٹی کے سابق ضلع صدر ٹھٹھ ارباب وزیر احمد میمن کی رهائشگاھ ارباب ھائوس دڑو پر منایا گیا جس میں پیپلزپارٹی نوجواں رہنما عاشق حسین زرداری، پیپلزپارٹی ضلع صدر سجاول صوبائی وزیر محمد علی خان ملکانی، جنرل سیکریٹری ٹھٹھ امتیاز قریشی، چیئرمین ضلع کاؤنسل ٹھٹھ عبدالحمید پنہور،چیئرمین ضلع کاؤنسل سجاول دانش غلام قادر ملکانی، سینیئر سیاستدان غلام قادر پلیجو،اقبال احمد میمن،ارباب رمیز احمد میمن،عبدالطيف میمن،محمود عالم شاہ بخاری،ھیر سوہو،ریحانہ لغاری اور ٹھٹھ، سجاول کے بلدیاتی نمائندے، پارٹی عہدیداران مقامی رہنماؤں عوام نے بڑی تعداد میں شرکت کی عاشق حسین زرداری خطاب کرتے ہوئے کہا
کہ پاکستان پیپلز پارٹی کے بانی ذوالفقار علی بھٹو نے 5 جنوری 1928 کو لاڑکانہ میں آنکھ کھولی، پاکستان کی سیاست پر اپنا اثر رکھنے والے ذوالفقار علی بھٹو کی شخصیت بھلائی نہیں جا سکتی۔ انہوں نے مزید کہا کہ بانی پیپلزپارٹی نے کيلی فورنيا اور آکسفورڈ سے قانون کی تعليم حاصل کی، 1953ء میں سندھ ہائیکورٹ میں وکالت شروع کی۔ذوالفقار علی بھٹو 1963 ميں جنرل ایوب خان کی کابینہ میں وزير مقرر ہوئے، سیاسی اختلافات کی بناء پر حکومت سے الگ ہوکر 30 نومبر 1967 کو پيپلز پارٹی کی بنیاد رکھی،
روٹی کپڑا اور مکان کے نعرے سے عوام کے دلوں میں گھر کر گئے۔ 1970 کے عام انتخابات میں پیپلز پارٹی کو بھرپور کامیابی حاصل ہوئی،1971 سے 1973 تک پاکستان کے صدر رہے انہیں ملک کے پہلے منتخب وزيراعظم ہونے کا اعزاز بھی حاصل ہے، بھٹو نے ملک کو متفقہ آئین بھی دیا۔4 اپریل 1979 کو ذوالفقارعلی بھٹو کو پھانسی کی سزا دی گئی، جمہوریت پسند پیپلزپارٹی کا نظریاتی ورکر آج بھی بھٹو کے فلسفے پر عمل پیرا ہے۔عوام میں بے پناہ پذیرائی حاصل کی
