شہباز شریف کا مستقبل تین سال کے لیے محفوظ۔ کراچی اسٹاپ رپورٹر
شہباز شریف کا مستقبل ائندہ تین سال کے لیے محفوظ قرار دے دیا گیا اور اس ضمن میں ان کو برسر اقدار رکھنے کے لیے کی حکمت عملی تیار کر لی گئی جس کے تحت پی ٹی ائی کو مذاکرات میں انگیج کیا گیا ہے مسلم لیگ کے اندرونی ذرائع نے یہ دعوی کرتے ہوئے کہا ہے کہ پی ٹی ائی کو تین سال تک مذاکرات میں الجھایا جائے گا پی ٹی ائی کے بعض رہنما بھی اس پلان کا حصہ ہیں
====================
رحیم یار خان: 5 جنوری، 2025.
وزیرِ اعظم محمد شہباز شریف کی متحدہ عرب امارات کے صدر عزت مآب شیخ محمد بن زاید النہیان سے رحیم یار خان میں ملاقات
صدر متحدہ عرب امارات شیخ محمد بن زاید النہیان نے خود گاڑی چلائی جبکہ وزیر اعظم محمد شہباز شریف انکے ساتھ تھے.
گاڑی میں کافی دیر تک دونوں رہنماؤں کی غیر رسمی اور خوشگوار گفتگو ہوئی.
وزیرِاعظم نے صدر متحدہ عرب امارات کو انکے دوسرے گھر پاکستان میں خوش آمدید کہا.
غیر رسمی گفتگو کے دوران دونوں رہنما ہنستے مسکراتے نظر آئے.
==================
رحیم یار خان: جنوری 5، 2025۔
وزیراعظم شہباز شریف کی متحدہ عرب امارات کے صدر عزت مآب شیخ محمد بن زید النہیان سے ملاقات، دوطرفہ تعلقات کو مزید مضبوط بنانے پر اتفاق
وزیر اعظم شہباز شریف نے آج رحیم یار خان میں متحدہ عرب امارات کے صدر عزت مآب شیخ محمد بن زید النہیان سے ملاقات کی۔
ملاقات کے دوران دونوں رہنماؤں نے اقتصادی، سیاسی اور ثقافتی تعلقات کو مزید فروغ دینے کے لیے مشترکہ عزم کا اظہار کیا۔ انہوں نے اقتصادی تعاون، علاقائی استحکام، موسمیاتی تبدیلی اور عالمی سطح پر باہمی مفادات کے فروغ سمیت متعدد امور پر تبادلہ خیال کیا۔
وزیر اعظم شہباز شریف نے پاکستان کی ترقی کے سفر میں متحدہ عرب امارات کے اہم کردار کی تعریف کی۔ انہوں نے قابل تجدید توانائی، ٹیکنالوجی، بنیادی ڈھانچے کی تعمیر و تجدید، نوجوانوں میں صلاحیتوں اور پیشہ ورانہ تربیت کے فروغ اور تجارت جیسے شعبوں میں تعاون کو بڑھانے کے لیے پاکستان کے عزم پر زور دیا۔
عزت مآب شیخ محمد بن زید النہیان نے پاکستان کے ساتھ کان کنی، معدنیات اور زراعت کے شعبوں میں تعاون میں متحدہ عرب امارات کی گہری دلچسپی کو اجاگر کیا۔ انہوں نے پاکستان کی معیشت مستحکم کرنے کے لیے وزیراعظم محمد شہباز شریف کی متحرک قیادت کی تعریف کی۔ انہوں نے اس بات پر زور دیا کہ اس نئی اقتصادی قوت نے دو طرفہ سرمایہ کاری اور تعاون میں اضافے کے امکانات پیدا کیے ہیں۔
متحدہ عرب امارات کے صدر نے پاکستان کے ساتھ اپنی دیرینہ شراکت داری کو بڑھانے کے لیے متحدہ عرب امارات کے عزم کا اعادہ کیا، عوام سے عوام کے روابط اور مشترکہ خوشحالی کی اہمیت پر زور دیا۔
وزیراعظم شہباز شریف نے مشکل وقت میں خاص طور پر اقتصادی تعاون کے ضمن میں متحدہ عرب امارات کی غیر متزلزل حمایت پر عزت مآب شیخ زید محمد بن النہیان کا شکریہ ادا کیا۔ دونوں رہنماؤں نے خطے میں امن اور ترقی کے لیے اپنے عزم کا اعادہ کرتے ہوئے باہمی دلچسپی کے امور پر مل کر کام کرنے پر زور دیا۔
میٹنگ کا اختتام دونوں ممالک کے روشن مستقبل کو یقینی بنانے کے لیے خصوصی طور پر ترجیحی شعبوں میں وسیع تر تعاون کو فروغ دینے کے مشترکہ عزم کے ساتھ ہوا۔
اسلام آباد: 6 جنوری 2024
وزیراعظم محمد شہباز شریف کا شہید اعتزاز کی برسی کے موقع پر بیان
آج ہم خیبرپختونخوا کے ضلع ہنگو سے تعلق رکھنے والے پاک مٹی کے فرزند شہید اعتزاز حسن کی شہادت کو یاد کرکے افسردہ ہیں جن کی غیر معمولی جرات ہمارے لئے امید کی کرن ہے : وزیراعظم
صرف 15 سال کی عمر میں، اعتزاز نے بے مثال بہادری کا مظاہرہ کیا، اپنے اسکول اور ہم جماعتوں کو دہشت گرد حملے سے بچاتے ہوئے اپنی جان قربان کی : وزیراعظم
اعتزاز کا بے لوث اور غیر متزلزل عزم ہمیں یاد دلاتا ہے کہ ہمت اور بہادری کا ایک عمل کئی زندگیوں بچا سکتا ہے : وزیراعظم
اعتزاز کی میراث آنے والی نسلوں کے لئے مشعل راہ ہے : وزیراعظم
================
رہائی کے جشن پر حکومت سخت ناراض۔
فوجی عدالتوں سے مزید کارکنوں کو ریلیف نہ دینے کا فیصلہ
جشن کی پاداش میں عمران خان کو سزا سنا دی جائے گی
پی ٹی ائی کا سلطان راہی اسٹائل حکومت کو پسند نہیں ایا
کراچی اسٹاف رپورٹر
فوجی عدالتوں سے رہائی کا جشن پی ٹی ائی کو بہت مہنگا پڑ گیا سسٹم نے جشن کا بہت برا منایا ہے خاص طور پر مسلم لیگ نون میدان میں اگئی اور مسلم لیگ نے پی ٹی ائی کے کارکنوں کی رہائی کا فیصلہ واپس لینے کا مطالبہ کر دیا جس کے بعد اس بات کا امکان ہے کہ پی ٹی ائی کی مزید کارکنوں کے ساتھ رعایت نہیں کی جائے گی اور ان کو رہا نہیں کیا جائے گا اس کے ساتھ عمران خان کو سزا دینے کے امکانات بھی بڑھ گئے ہیں ذرائع نے بتایا ہے کہ عمران خان کو دو مختلف مقدمات میں سزائیں سنائی جائیں گی جن میں القادر یونیورسٹی کیس اور توشہ خانہ کیس بھی شامل ہے حکومت اور پی ٹی ائی کے مذاکرات بھی سوالیہ نشان بن گئے ہیں
===================
لاہور: 5 جنوری 2025
جموں و کشمیر کے عوام کے یوم حق خود ارادیت پر وزیر اعظم محمد شہباز شریف کا پیغام (5 جنوری 2025)
ہر سال پانچ جنوری، کشمیریوں کے ’یومِ حق خود ارادیت‘ کے طور پر منایا جاتا ہے۔1949 میں آج کے دن اقوام متحدہ کے کمیشن برائے ہندوستان اور پاکستان (UNCIP) نے تاریخی قرارداد منظور کی، جو جموں و کشمیر میں آزادانہ اور منصفانہ استصواب رائے کی ضمانت دیتی ہے، تاکہ کشمیری عوام کے لیے ان کے ناقابل تنسیخ حق خودارادیت دیا جا سکے۔ حق خود ارادیت، اقوام متحدہ کے چارٹر اور بین الاقوامی قانون کا بنیادی اصول ہے۔
ہر سال، اقوام متحدہ کی جنرل اسمبلی ایک قرارداد منظور کرتی ہے جو لوگوں کو اپنی تقدیر خود طے کرنے کے قانونی حق کی وکالت کرتی ہے۔ یہ قرارداد غیر ملکی قبضے کے تحت لوگوں کے حق خود ارادیت کے حصول کے لیے واضح حمایت کا اظہار کرتی ہے۔
یہ انتہائی قابل افسوس امر ہے کہ کشمیری عوام سات دہائیوں سے اس ناقابل تنسیخ حق کو استعمال نہیں کر سکی۔ آج وقت ہے کہ اقوام متحدہ سمیت عالمی برادری اپنے وعدوں پر عمل کرے اور ایسے بامعنی اقدامات اٹھائے، جن کی بدولت جموں و کشمیر کے عوام اپنے ناقابل تنسیخ حق خود ارادیت کا استعمال کرسکیں۔ عالمی برادری کو انسانی حقوق کی خلاف ورزیوں کو فوری بند کرنے، سیاسی قیدیوں کی رہائی اور کشمیری عوام کے بنیادی حقوق اور آزادیوں کی بحالی کا بھی مطالبہ کرنا چاہیے۔
بھارت، غیر قانونی طور پر مقبوضہ جموں و کشمیر پر اپنے قبضے کو مستحکم کرنے کے لیے ایسے متعدد اقدامات اٹھا رہا ہے، جن سے اس علاقے کی بین الاقوامی سطح پر تسلیم شدہ متنازعہ نوعیت کو نقصان پہنچے ۔ 5 اگست 2019 کے بعد سے کیے گئے غیر قانونی اور یکطرفہ اقدامات کے ایک سلسلے کے ذریعے، بھارت، متنازع علاقے کی آبادی کی نوعیت اور سیاسی ڈھانچے کو تبدیل کرنے کی کوشش کر رہا ہے، جس کا مقصد اکثریتی کشمیری عوام کو ان کے اپنے ہی وطن میں ایک بے اختیار اقلیتی برادری میں تبدیل کرنا ہے۔ بھارت کشمیریوں کے حق خود ارادیت اور آزادی کی جائز جدوجہد کو کچلتے ہوئے کشمیری عوام کو وسیع پیمانے پر منظم طریقے سے انسانی حقوق کی خلاف ورزیوں کا نشانہ بنا رہا ہے۔
پاکستان کشمیری عوام کے حق خودارادیت، جو کہ اقوام متحدہ کے چارٹر اور متعلقہ قراردادوں کے عین مطابق ہے، کے حصول کے لیے ان کی منصفانہ جدوجہد میں، ان کی مکمل اخلاقی، سیاسی اور سفارتی حمایت جاری رکھنے کے اپنے پختہ عزم کا اعادہ کرتا ہے۔
==================
لاہور: 4 جنوری 2025
وزیراعظم محمد شہباز شریف کی تربت میں بس میں ریموٹ کنٹرول کے ذریعے بم دھماکے کی شدید مذمت
وزیراعظم کی بم دھماکے میں شہید ھونے والے افراد کے لئے درجات کی بلندی کی دعا اور لواحقین سے اظہار تعزیت
وزیر اعظم کی زخمیوں کے لیے صحتیابی کی دعا
دہشت گرد اپنے مذموم مقاصد میں کامیاب نہیں ہونگے : وزیر اعظم
حکومت اور سیکیورٹی فورسز دہشتگردوں کے خلاف سرگرم عمل ہیں : وزیر اعظم
دہشت گردی کو پاکستان سے ختم کرنے کے لئے پر عزم ہیں : وزیراعظم
