متروکہ وقف املاک بورڈ کے ایڈیشنل سیکرٹری شرائئنز سیف اللہ کھوکھر ہندو یاتریوں کے استقبال کے بعد میڈیا کے نمائندے سے گفتگو کر رہے ہیں ڈپٹی سیکرٹری عمر جاوید اعوان ہندو رہنما امیت شادانی ہمراہ موجود ہیں۔
متروکہ وقف املاک بورڈ
05-01-2025
لاہور( ) ہندو مذہب کے قدیمی شادانی دربار حیات پتافی(سندھ )کی یاترا اور شو اوتاری ست گورو سوامی شادارام کے یوم پیدائش کی تقریبات کے لیے سائیں یوڈھشٹر لال کی سربراہی میں بھارت سے 84ہندو یاتری واہگہ بارڈر کے راستے پاکستان پہنچ گئے۔جہاں پر متروکہ وقف املاک بورڈ کے ایڈیشنل سیکرٹری شرائنز سیف اللہ کھوکھر نے استقبال کیا اورچیئرمین بورڈ سید عطاء الرحمٰن کی طرف سے ہندو یاتریوں کی پاکستان آمد پر پھولوں کے گلدستے پیش کیے ۔ ڈپٹی سیکرٹری عمر جاوید اعوان،سیکیورٹی آ فیسر عاصم چوہدری بھی اس موقع پر موجود تھے۔واہگہ بارڈر پر میڈیا کے نمائندوں سے گفتگو کرتے ہوئے ایڈیشنل سیکرٹری سیف اللہ کھوکھر نے کہا کہ متروکہ وقف املاک بورڈ کے زیر انتظام فول پروف سیکورٹی ،میڈیکل سمیت تمام انتظامات مکمل کر لئے گئے ہیں۔
ہندو یاتری واہگہ بارڈر سے براہ راست شادانی دربار حیات پتافی روانہ ہو گئے۔جہاں پر مرکزی تقریبات منعقد ہوں گے اور مذہبی رسومات ادا کی جائیں گی۔ ہندو یاتری صوبہ سندھ میں واقع دربار حیات پتافی ،میر پور میتھلو،یوگ ماتا مندر عاقل پور ، گھوٹکی،پنو عاقل ، اور سکھر میں موجودقدیمی سادھو بیلہ مندر اور دیگر مذہبی مقامات کا دورہ کریں گےجبکہ 14جنوری کو ایک روز ننکانہ صاحب میں قیام کریں گے ۔یاتری دورہ پاکستان مکمل ہونے 15جنوری کو واپس بھارت روانہ ہوں گے ۔
=================
لاہور (جنرل رپورٹر)طالبہ کو ہراساں و مبینہ زیادتی کی کوشش پر وفاقی محکمہ آئی بی سی سی کے کلرک کے خلاف مقدمہ درج، ملزم محمد ناصر کو اپنے بڑے بھائی ایگزیکٹو ڈائریکٹر آئی بی سی سی غلام علی مل کی آشیر باد حاصل، اس سے قبل بھی ملزم کے خلاف متعدد شکایات سامنے آ چکی ہیں ،طالبہ کی وزیراعظم پاکستان شہبازشریف، وزیراعلی پنجاب مریم نوازشریف سے فوری نوٹس لینے اورملزم کوگرفتارکرنے کی اپیل،
بتایا گیا ہے کہ پولیس نے طالبہ کو ہراساں و مبینہ زیادتی کی کوشش پر وفاقی محکمہ آئی بی سی سی کے کلرک کے خلاف مقدمہ درج کر لیا – پولیس کے مطابق کوٹ سمابہ ضلع رحیم یارخان کی طالبہ مریم اشرف نے تھانہ کینٹ بہاولپورکودی گئی درخواست میں موقف اختیار کیا کہ وہ اپنے تصدیق شدہ کاغذات اسناد وغیرہ لینے کے لئے آئی بی سی سی آفس ماڈل ٹائون اے بہاولپور آئی تو آئی بی سی سی کے کلرک محمد ناصر نے مجھے کہا کہ پہلے آپ میرے ساتھ اوپرکمرے میں چلیں اورمیرے ساتھ اکیلے وقت گزاریں توپھرمیں آپ کے کاغذات دوں گا، میں نے جب ملزم محمد ناصر کے ساتھ کمرے میں جانے سے انکار کیا تواس نے مجھ سے بدتمیزی شروع کردی اور دھمکی دی کہ اگرتم اسناد وغیرہ لے سکتی ہوتولے لومیں تمہیں اسنادوغیرہ نہیں دونگا اورمجھ سے زبردستی کرنے لگا اورحراساں کرنے لگا- طالبہ نے اپنے موقف میں مزید بتایا کہ قبل ازیں بھی ملزم نے مجھے متعدد مرتبہ فون پر اپنے ساتھ ناجائز تعلقات قائم کرنے کے لئے حراساں کیا ہے- درخواست پر پولیس تھانہ کینٹ بہاولپور نے ملزم محمد ناصرکلرک کے خلاف مقدمہ درج کرکے تفتیش شروع کردی – طالبہ نے وزیراعظم پاکستان شہبازشریف، وزیراعلی پنجاب مریم نوازشریف سے فوری نوٹس لینے اورملزم کوگرفتارکرنے کی اپیل کی ہے- واضح رہے کہ ملزم محمد ناصر ایگزیکٹو ڈائریکٹر آئی بی سی سی بہاولپور غلام علی ملاح کا چھوٹا بھائی ہے اور اس کو اپنے بھائی کی مکمل آشیر باد حاصل ہے- اس سے قبل بھی ملزم کلرک محمد ناصر کے خلاف شکایات کی کافی درخواستیں موصول ہوئی ہیں اور اس کے خلاف متعدد محکمانہ انکوائریاں بھی چل رہی ہیں – سماجی حلقوں نے سرکاری محکموں سے ایسی کالی بھیڑوں کے صفایا کا مطالبہ کیا ہے جن کی وجہ سے معصوم طالبات کی عزتیں بھی محفوظ نہیں ہیں –
====================
وزیر اعلیٰ پنجاب مریم نواز شریف کے احکامات پر عملدرآمد کرتے ہوئے لاہور جنرل ہسپتال کے سٹیٹ آف دی آرٹ ڈائلسز سینٹر میں 30مشینوں پر 24/7مریضوں کو ڈائلسز کی سہولت بلا معاوضہ فراہم کی جا رہی ہیں۔سال2024کے دوران 18ہزار سے زائد مریضوں نے ڈائلسزکیے گئے اور اب مریضوں کی سہولت کو مد نظر رکھتے ہوئے ڈائلسز سینٹرمیں لیب کاؤنٹربھی قائم کرنے کا اعلان کر دیا گیا ہے۔
اس امر کا اظہار پرنسپل امیر الدین میڈیکل کالج پروفیسر ڈاکٹر محمد الفرید ظفرنے ڈائلسز سینٹر کے دورے کے موقع پر گفتگو کرتے ہوئے کیا۔پروفیسر الفرید ظفر نے کہا کہ ہیپاٹائٹس بی اور سی سے متاثرہ افراد کے لئے علیحدہ علیحدہ مشینیں مختص ہیں اور ہال سمیت آنے جانے کے لئے علیحدہ راستے بھی ہیں تاکہ اس موذی مرض سے دیگر مریض متاثر نہ ہوں۔اس موقع پر ایم ایس ڈاکٹر فریادحسین، پروفیسر آف یورالوجی پروفیسر خضر حیات گوندل،پروفیسر آف نیفرالوجی ڈاکٹر عباد الرحمان،ڈاکٹر یحیی سلطان،ڈاکٹر اطہر حمید، ڈاکٹر یاسر حسین، ڈپٹی چیف نرسنگ سپرنٹندنٹ فضیلت لال، ڈاکٹر لیلیٰ شفیق،ڈاکٹر عبدالعزیزو دیگر ہیلھ پروفیشنلز بھی موجود تھے۔
پروفیسر الفرید ظفرنے ڈائلسز سینٹر میں تعینات ملازمین سے گفتگو کرتے ہوئے ہدایت کی کہ وہ پنجاب ہیلتھ کئیر کمیشن کے ایس او پیز پر مکمل عملدرآمد یقینی بنائیں، سکریننگ کے سلسلے میں کوئی کوتاہی نہ برتیں اور ڈائلسز کرانے والے مریضوں کا مکمل ریکارڈ اپ ڈیٹ رکھیں۔ پرنسپل پی جی ایم آئی نے اے ایم ایس ویجیلنس ڈاکٹر عدنان مسعود، ڈپٹی چیف نرسنگ سپرنٹنڈنٹ فضیلت لال اور ایم ایس ڈی ایس کے ارکان کو بھی ہدایت کی کہ وہ ہسپتال کے تمام شعبوں بالخصوص ڈائلسز سینٹر کا روزانہ کی بنیاد پر تفصیلی جائزہ لے کر ایم ایس کو رپورٹ جمع کرانے کی بھی ہدایت کی۔
انہوں نے ایم ایس سے کہا کہ وہ ڈائلسز سینٹر میں تعینات ہیلتھ پروفیشنلز کی صحت کے تحفظ کے لئے ہر چھ ماہ بعد اُن کی مکمل سکریننگ کا شیڈول بنائیں تاکہ فرائض منصبی کی ادائیگی میں اُن کی صحت پر منفی اثرات مرتب نہ ہوں۔ انہوں نے کہا کہ ہمیں موجودہ تقاضوں کے مطابق اپنی خدمات کو جدید سے جدید تر بنانا ہے اور ہمیں احتیاطی تدابیر کو یقینی بنانا ہوگا۔
==================
ٹاؤنشپ لاھور میں یوم حق خودارادیت کشمیر کے سلسلہ میں چیر پرسن نوازشریف لوور گروپ اور ممبر انوائرمنٹ کمیٹی پنجاب عظمی عامربٹ کی صدارت کشمیری عوام کے ساتھ اظہار یکجہتی کے لیے تقریب ۔ تقریب سے خطاب کرتے ھوے عظمیٰ عامربٹ نے کہا کہ آج کے دن 1949 میں اقوام متحدہ کے کمیشن برائے پاکستان اور بھارت نے کشمیری عوام کے لیے حق خودارادیت کی قرارداد منظور کی تھی لیکن اس کے برعکس بھارت نے کشمیری مسلمانوں پر عرصہ حیات تنگ کر کے انھے بنیادی حقوق سے محروم کر رکھا ھے اور کہا کہ ھم ہر سال 5 جنوری کو تجدید عہد کے طور پر مناتے ھیں جس کا مقصد عالمی برادری کو یاد دلانا ھے کہ وہ کشمیر کے بارے میں اپنی زمہ داری کو نظر انداز نہی کرسکتے ۔ تقریب میں کشمیر بنے گا پاکستان ۔ پاکستان ژندہ باد ۔ کشمیری عوام ژندہ باد۔ تقریب سے عظمیٰ عامربٹ بٹ۔ چیر پرسن نوازشریف لوور گروپ و ممبر انوائرمنٹ کمیٹی پنجاب ۔ منور حسین نقوی ۔ صدر نوازشریف لوور گروپ ۔ مرزا خالد بیگ۔ نے خطاب کیا اور حافظ عاطف عارف نے تلاوتِ قرآن پاک کی۔ تقریب میں عظمیٰ عامربٹ ۔ منور حسین نقوی ۔ حنیف کشمیری ۔ مرژا خالد بیگ ۔ مظہر امین۔ محمد عارف ۔ زاہد لطیف۔ حافظ عاطف عارف۔ محمد طاہر ۔ محمد اختر۔ محمد طلال بھٹی۔ اور کارکنان مسلم لیگ ن نے کثیر تعداد میں شرکت کی۔
=================
لاہور(جنرل رپورٹر)ملک کے معروف امراض جلدپروفیسر ڈاکٹر اعجاز حسین اپنی مدت ملازمت مکمل ہونے پر کنگ ایڈورڈ میڈیکل یونیورسٹی سے ریٹائرڈ ہوگئے ۔میو ہسپتال میں عوامی خدمت کا جاری 35سالہ سفر اختتام پزیر۔ پروفیسر اعجاز حسین 1987میں کنگ ایڈورڈ میڈیکل کالج سے گریجویٹ ہوئے انھوںنے 1989میں میو ہسپتال کو جوائن کیا اور یہی اسسٹنٹ اور ایسوسی ایٹ پروفیسر تعینات ہوتے رہے ۔اپریل 2015میں پروفیسر بننے تک کا سفر انھوں نے شیخ زید میڈیکل کالج رحیم یار خان،سروسز انسٹیٹیوٹ آف میڈیکل سائنسز لاہوراور لاہور جنرل ہسپتال میں گزارا جس کے بعد آپ اپنی ریٹائرمنٹ 31دسمبر تک کنگ ایڈورڈ میڈیکل یونیورسٹی سے ہی وابستہ رہے اور اسی دوران پرو وائس چانسلر اور قائم مقام وائس چانسلر کی خدمات بھی سرانجام دیں۔گزشتہ روز کنگ ایڈورڈ میڈیکل یونیورسٹی کا 151واں اکیڈمک کونسل کا اجلاس وائس چانسلر پروفیسر محمود ایاز کی صدارت میں ہوا جس میں پروفیسر اعجاز حسین مدت ملازمت کی تکمیل پر الوداع کیا گیا ۔اس موقع پر ممبران اکیڈمک کونسل کی جانب سے ان کی ادارے کے لئے بہترین خدمات پر بھر پور خراج تحسین پیش کیا گیا۔تقریب سے اپنے خطاب کے دوران وائس چانسلر پروفیسر محمود ایاز کا کہنا تھا کہ پروفیسر اعجاز حسین انتہائی مخلص انسان اور ادارے کے لئے ایک اثاثہ ہیں، آپ اپنے مریضوں، ساتھیوں اور سٹوڈنٹس کے ساتھ بے حد شفیق تھے۔پرو وائس چانسلر پروفیسر محمد معین کا کہنا تھا کہ پروفیسر اعجاز حسین نے پرو وائس چانسلر کی حیثیت سے فرائض بخوبی نبھائے سب لوگوں کے تاثرات سے یہ ہی ثابت ہوتا ہے کہ آپ لوگوں کے دلوں میں بستے ہیں۔اکیڈمک کونسل سے رجسٹرار پروفیسر محمد عمران،پروفیسر ابرار اشرف،پروفیسر محمد ہارون حامد،پروفیسر احسن نعمان نے بھی خراج تحسین پیش کیا۔اس موقع پر پروفیسر اعجاز حسین نے اپنی گفتگو میں ادارے کے لیے نیک تمنائوں کا اظہار کیا ان کا کہنا تھا کہ 35سالہ سفر کے دوران تقریبا 25سال اس ادارے میں گزارے اور اللہ تعالی نے جس ڈیوٹی کے لیے تفویض کیا اس پر پورا اترنے کی کوشش کی ۔آج میں تمام فیکلٹی ممبران کی جانب سے حوصلہ افزائی پر بے حد مشکور ہوں۔
