ڈیرہ غازی خان (۔ )ڈی جی خان جمخانہ کلب سال 2025ء کی نئی گورننگ باڈی نے حلف اٹھالیاکمشنر و صدر جمخانہ ڈاکٹر ناصر محمود بشیر نے حلف لیا۔ڈپٹی کمشنر و نائب صدر محمد عثمان غنی اور دیگر موجود تھے۔خالد عبداللہ جڑھ نے بطور جنرل سیکرٹری جمخانہ کلب، محمد اظہر جاوید نتکانی،سلیمان کریم مہتر،عمیر جان لغاری،علی ایزد چغتائی،خواجہ یاسر جاوید نے بطور رکن بورڈ آف گورنرز حلف اٹھایا ۔الیکشن کمیشنر و ایڈیشنل کمشنر کوآرڈینیشن سید نوید عالم،بورڈ آف گورنرز کے سرکاری اراکین اور جمخانہ کلب کے ممبران تقریب حلف برداری میں موجود تھے۔
جمخانہ کلب کی نئی باڈی نے جمخانہ کے نئے دور کے آغاز،اراکین کےلئے معیاری تفریح اور سہولیات کے ساتھ انسانیت کی خدمت کے عزم کا اعادہ کیا ۔کمشنر و صدر کلب ڈاکٹر ناصر محمود بشیر نے کہا کہ سیلاب اور دیگر قدرتی آفات میں متاثرین کی امداد کےلئے جمخانہ کلب آگے رہے گا۔ شہر اور فنون لطیفہ کی بہتری کےلئے بھی کام کیا جائے گا۔بورڈ آف گورنرز کی مشاورت سے شہر اور کلب کی بہتری کےلئے کام کیا جائے گا۔کمشنر و صدر ڈاکٹر ناصر محمود بشیر نے کہا کہ سابقہ باڈی نے جمخانہ کلب کی ترقی کےلئے فعال کردار ادا کیا۔کمشنر و صدر کلب نے تقریبات اور جمخانہ کے معاملات دیکھنے کےلئے نئی کمیٹیاں تشکیل دینے کی ہدایت کرتے ہوئے کہا کہ جمخانہ فیملی کلب ہے،ایس او پیز پر سختی سے عملدرآمد کرایا جائے گا۔
فوٹو
