1-1-2025 (پریس ریلیز)
آئی پی پیز سے نئے معاہدے بہت ضروری ہیں‘ جتنی بجلی لیں اتنی ادائیگی کریں ٭ رحمت خان وردگ
26روپے یونٹ بجلی سے ملک بھر میں صنعتی انقلاب برپا ہوگا اور بے روزگاری میں نمایاں کمی ہوگی٭ وردگ
ملکی برآمدات میں نمایاں اضافہ ہوگا اور ملک کو دیرپا معاشی خوشحالی نصیب ہوگی٭ رحمت خان وردگ
اڑان پاکستان پروگرام خوش آئند ہے‘ ملکی معیشت مسلسل بہتری کی جانب گامزن ہے٭رحمت خان وردگ
1-1-2025 کراچی( ) تحریک استقلال کے مرکزی صدر رحمت خان وردگ نے سابق نگراں وفاقی وزیر گوہر اعجاز کی اس تجویز کو بالکل درست قرار دیا ہے کہ پاکستان میں گھریلو اور صنعتی صارفین کے لئے بجلی 26روپے فی یونٹ مقرر کی جائے۔ گوہر اعجاز نے بھارت‘ بنگلہ دیش‘ سری لنکا اور مصر کی مثالیں دے کر ملک میں بجلی ٹیرف میں نمایاں کمی کی جو تجویز دی ہے وہ موجودہ معاشی صورتحال میں قابل عمل ہے۔ رحمت خان وردگ نے کہا کہ آئی پی پیز سے نئے معاہدے بہت ضروری ہیں اور حکومت ان سے جتنی بجلی لے‘ اتنی ادائیگی کرنی چاہئے۔ 26روپے یونٹ بجلی کے ریٹ سے ملک بھر میں صنعتی انقلاب برپا ہوگا اور بے روزگاری میں نمایاں کمی ممکن ہوسکے گی۔ انہوں نے کہا کہ ملکی برآمدات میں بھی نمایاں اضافہ ہوگا اور ملک کو دیرپا معاشی خوشحالی نصیب ہوگی۔ انہوں نے کہا کہ حکومت کو اس بارے میں فوری طور پر فیصلہ کرنا چاہئے تاکہ بہتر ہوتی ملکی معیشت میں انقلابی بہتری آجائے۔
انہوں نے کہا کہ موجودہ حکومت کے اقدامات اور آرمی چیف کی محنت سے ملکی معیشت میں زبردست بہتری آئی ہے اور ملکی زرمبادلہ کے ذخائر میں مسلسل اضافہ ہورہا ہے اور اسٹاک مارکیٹ تاریخ کی بلند ترین سطح پر ہے۔ اڑان پاکستان پروگرام خوش آئند ہے اور غیر ملکی سرمایہ کاری میں اضافے سے ملک میں بے روزگاری میں کمی ہوگی۔ انہوں نے کہا کہ حکومت فوری طور پر نقصان میں چلنے والے بڑے قومی ادارے اسٹیل ملز‘ پی آئی اے‘ ریلوے اور اسٹیل ملز کی نجکاری کرے تاکہ ملکی خزانے پر بوجھ میں کمی ہوسکے۔
انہوں نے مزید کہا کہ ملک بھر میں تمام طرح کے صارفین کے لئے بجلی 26روپے فی یونٹ مقرر ہونے سے عوام کو ریلیف ملے گا اور کمرشل صارفین بھی اپنے کاروبار میں نمایاں اضافہ کرسکیں گے۔ ملک بھر میں صنعتی یونٹوں میں اضافہ ہوگا اور صنعتی ترقی سے ہی بے روزگاری میں کمی ممکن ہے۔ اسی لئے حکومت پہلی ترجیح میں آئی پی پیز سے نئے معاہدے کرکے 26روپے فی یونٹ مقرر کرنے کا اعلان کرے۔ انہوں نے کہا کہ بجلی بلوں میں سلیب کے گورکھ دھندے سے عوام کو نجات ملنی چاہئے۔
جاری کردہ۔میڈیا سیل‘ تحریک استقلال
