کراچی (ڈسٹرکٹ رپورٹر) سابق گورنر سندھ ڈاکٹر عشرت العباد خان نے نئے سال کی مبارکباد دیتے ہوئے کہا ہے کہ نئے سال کا آغاز اس طرح کیا جائے کہ ہم پاکستان کے استحکام اور اسکی ترقی کو بحیثیت پاکستانی اور ایک قوم بن کر ملک کو تمام بحرانوں سے نکالیں گے۔ مثبت اعشاریئے ہر جانب لائیں گے جو پاکستان کو معاشی، تعلیمی، ترقی، کے ساتھ قائد اعظم محمد علی جناح کے فرمان اتحاد، یقین، تنظیم پر عمل کریں گے۔ میری پہچان پاکستان ہی آپکی کامیابی کی کنجی ہے۔ انہوں نے کہاکہ 2025میں مایوسی کا خاتمہ ہماری ترجیح ہے۔ ملک سے محبت کے لئے ریاست اور اسکے ادارے ہماری ریڈ لائن رہیں گے۔ سب مل کر 2025کو پاکستان کے لئے ترقی اور امید کا سال بنائیں گے۔ تمام اہل وطن اور عالمی برادری کو بھی نئے سال کی دلی مبارکباد دیتے ہوئے کہا کہ عالمی برادری بھی پاکستان کے ساتھ بہتر تعلقات اور سرمایہ کاری میں حصہ لیں۔ پاکستان کی سیاسی جماعتوں کو رویئے میں تبدیلی لانی چاہئے۔ سیاست سے ریاست کا نقصان ہرگز نہیں ہونا چاہئے۔ گڈ گورننس نظر نہیں آتی۔ کراچی جو معاشی حب ہے وہاں بھی کشیدگی کے حالات مناسب طرز حکومت نہیں۔ معیشت کا پہیہ جو بھی جام کرے گا وہ پاکستان کے ساتھ دشمنی کے مترادف ہوگا۔ ہمیں نئے عزم کے ساتھ آگے بڑھنا ہے۔ 2024میں ہماری افواج نے شہادتیں پیش کیں خوارجیوں اور ملک دشمنوں کا مقابلہ کیا ہمیں فوج کو قدم بہ قدم ساتھ دے کر 24کروڑ عوام کو اپنی افواج کا ساتھ دینا ہے کیونکہ 2024بدقسمتی سے عوام اور فوج کو آمنے سامنے لانے سوشل میڈیا کے غلط استعمال سے ملک کا وقار گرانے کی مذموم کوشش رہاہے۔ ہمیں مایوسی کی جگہ امید کو دینی ہے۔ میں اور میرے ساتھی گزشتہ برس وطن پرستی عوام میں امید اور نوجوانوں میں شعور کی بیداری کا کام کیا اور پورے پاکستان میں ہم بہت بہتر پوزیشن پر آگئے۔ 2025 MPPکے لئے بھی اچھا سال ہوگا۔ ہم پاکستان میں مثبت تبدیلیوں کی روایت ڈالیں گے۔
۔۔۔۔۔۔۔۔۔۔۔۔۔۔۔۔۔۔
میری پہچان پاکستان کے ورکرز کا اجلاس۔ مرکزی رہنماؤں محمد عامر، محمد ارشد اور سیف یار خان کا خطاب۔ پورے پاکستان کی طرح کراچی میں بھی تمام علاقوں میں متحرک ہیں
ڈاکٹر عشرت العباد خان ہی ملک کے لئے مثبت سوچ پہلے ریاست اور اسکے ادارے بعد میں سیاست کی سوچ لے کر چلے ہیں۔ لیاقت آباد کراچی کا دل ہے۔لیاقت آباد کے لئے آرگنائزر وکمیٹی کا بھی اعلان
کراچی (31دسمبر 2024) میری پہچان پاکستانMPPکے مرکزی رہنماؤں ں محمد عامر، محمد ارشد اور سیف یار خان نے کہا ہے کہ۔ پورے پاکستان کی طرح کراچی میں بھی تمام علاقوں میں متحرک ہیں۔ڈاکٹر عشرت العباد خان ہی ملک کے لئے مثبت سوچ پہلے ریاست اور اسکے ادارے بعد میں سیاست کی سوچ لے کر چلے ہیں۔ لیاقت آباد کراچی کا دل ہے۔ ڈاکٹر عشرت العباد کے فروری میں آنے کے اعلان کے بعد سیاسی ہلچل مچ چکی ہے۔ ہم ملک کے سچے وفادار اور ملک سے مایوسی اور افراتفری کی فضا کو ختم کر رہے ہیں۔ عوام کا منتخب نمائندوں کی جانب سے کام نہ کرنے پر سیاست دانوں اور حکومت سمیت سیاسی لیڈرز پر سے بھروسہ ختم ہورہا ہے۔ کراچی کے ایم ڈی کیٹ کے امتحانات، سکھر آئی بی اے کے نتائج نوجوانوں کے میڑت کا قتل عام سب سے نا صرف واقف ہیں بلکہ ہمیں فخر ہے کہ سابق گورنر سندھ اور نشان امتیاز ہونے کے ناطے عشرت العباد ان تمام مسائل سے واقف ہیں جسکا سندھ کے دیہی اور شہری دونوں علاقوں کے مسائل کا اداراک ہے۔ MPPکا پیغام ملک بھر میں پہنچنا اس بات کی غمازی ہے کہ ہم پاکستان کی تمام اکائیوں کو جوڑنے اور حقداروں کو حق دلانے کے لئے آئے ہیں۔لیاقت آباد میں ہمیں توقع سے زیادہ نتیجہ ملا جو خوش آئند ہے۔ محمد عامر نے کہاکہ نئی سوچ اخلاقیات اور ملک کی ترقی یہ ویژن ملک کے استحکام کا راستہ ہے۔ ارشد احمد نے کہاکہ تبدیلی تب آئے گی جب ہم متحد قوم ہوں گے۔ کراچی منی پاکستان ہے اسکا حق اسے کسی کو ناراض اور تصادم یا نفرت کی بات کئے بغیر اداروں کی مضبوطی اور میرٹ پر روزگار کی فراہمی ہے پاکستان کو سرمایہ کاری کے لئے بیسٹ ملک بنانا ہے۔ سیف یار خان نے کہاکہ تعلیم، معاشی معاملات کی درستگی اور ذاتی مفاد کے بجائے عوام کی خدمت کرنے والے سیاست دانوں کی ضرورت ہے جو ملک کی افواج اور عوام کو ایک سیسہ پلائی ہوئی دیوار بنا کر ملک دشمنی کے تمام فتنوں کو ناکام بنادیں۔اب MPPکی کمیٹیاں اسکا ورکر نئی اور مثبت سوچ اور وطن پرستی کے جزبے کے ساتھ ملک کو مضبوط اور ڈاکٹر عشرت العباد کی سوچ اور آگے کے معاملات سیاسی جدوجہد کے لئے بھی محبت اور مثبت کام کو آگے بڑھائیں۔ انہوں نے لیاقت آباد کے لئے بابر عباسی کو ٹاؤن آرگنائزر، توفیق انجم جوائنٹ آرگنائزر، راشد جوائنٹ آرگنائزر، محمد اقبال یاسرآفس سیکریٹری، ٹاؤن ممبران میں فیضان، معروف، عزیر، دانش شامل ہیں۔ اجلاس کے آخر میں پاکستان زندہ باد۔۔۔۔ہماری آن، جان شان۔ افواج پاکستان۔۔میری پہچان پاکستان کسی کو اپنے اداروں کی طرف میلی نگاہ اور پروپیگنڈوں سے کامیاب نہیں ہونے دیں گے۔ لیاقت آباد میں ایم پی پی پی کا یہ پانچواں اجلاس تھا۔ جبکہ بڑے اجلاسوں کے حوالے سے بھی حکمت عملی کمیٹی طے کرے گی۔
۔۔۔۔۔۔۔۔۔۔۔۔۔۔۔
