کراچی
مور خہ 1 جنوری 2025
کراچی 1جنوری ۔ صوبائی وزیر برائے صنعت و تجارت جام اکرام اللہ دھاریجو نے کہا ہے کہ صوبے سے بیروزگاری کے خاتمے کے لئے نئے صنعتی زونز قائم کئے جارہے ہیں تاکہ روزگار کے بہتر مواقع میسر آ سکیں ۔ یہ بات آج انہوں نے اپنے دفتر میں مختلف وفود سے ملاقات کرتے ہوئے کہی۔ ملاقات کرنے والوں میں صوبائی وزیر کے حلقہ انتخاب کے افراد بھی شامل تھے۔ملاقات کرنے والوں نے صوبائی وزیر جام اکرام اللہ دھاریجو کو اپنے مسائل سے آگاہ کیا۔صوبائی وزیر نے ان کے مسائل کے فوری حل کے لئے موقع پر ہی احکامات صادر کئے۔ اس موقع پر گفتگو کرتے ہوئے صوبائی وزیر برائے صنعت و تجارت جام اکرام اللہ دھاریجو نے مذید کہا کہ حکومت سندھ عوامی مسائل کے حل کے لئے سنجیدہ کوششوں میں مصروف ہے ۔ کوشش ہے کہ عوام کے مسائل ان کی دہلیز پر حل کئے جائیں۔ انہوں نے کہا کہ حکومت سندھ پاکستان پیپلز پارٹی کے چیئرمین بلاول بھٹو زرداری کی ہدایت پر صوبے کی ترقی کے لئے کوشاں ہے۔ نئے صنعتی زونز قائم کرکے روزگار کے بہتر مواقع مہیا کررہے ہیں۔
ہینڈآؤٹ نمبر 990۔۔۔ایم یو
