وزیراعلی سندھ کی مہنگی جیکٹ کتنے ڈالرز کی ہے ؟
سندھ کے وزیر اعلی سید مراد علی شاہ کو ویسے تو ایک سادہ مزاج مگر خوش لباس شخصیت مانا جاتا ہے وہ خوش مزاج بھی ہیں اور خوش گفتار بھی لیکن اپنی شخصیت پر زیادہ خرچہ کرنے کے قائل نظر نہیں آتے نہ انہیں مہنگے موبائل فون رکھنے کا شوق ہے نہ مہنگی گھڑیاں پہننے کا ، انہیں نہ تو مہنگی مہنگی گاڑیوں میں سفر کرنے کا شوق ہے نہ اسپورٹس کاریں رکھنے کا ۔ وہ کرکٹ ضرور کھیلتے ہیں اور جہاں موقع ملتا ہے سپورٹس مین اسپرٹ کا مظاہرہ بھی کرتے ہیں ۔ سردی سے بچنے کے لیے انہوں نے سال کے اخری دن آؤٹ ڈور سرگرمیوں کے دوران ٹھٹھہ اور ہب کے دورے میں جو جیکٹ زیب تن کی اس پر بعض دوستوں نے پوچھا کہ یہ کولمبیا کی مشہور اور مہنگی جیکٹ وزیراعلی نے کتنے ڈالرز میں خریدی ہوگی ویب سائٹ پر تو اس جیکٹ کی قیمت بہت زیادہ ہے ۔ کچھ دوستوں کا کہنا تھا کہ انسان صوبے کا وزیر اعلی ہو تو اسے خود خریداری کرنے کی کیا ضرورت ؟ جیکٹ خرید کر دینے والے بہت ؟ لیکن جو لوگ وزیراعلی کوئی شخصیت سے واقف ہیں وہ گواہی دے سکتے ہیں کہ وزیراعلی نہ تو دوسروں سے مہنگے تحائف وصول کرنے کے عادی ہیں نہ دوسروں کو اپنے لیے شاپنگ کے لیے کہتے ہیں جب کبھی باہر کسی دورے میں وقت مل جاتا ہے تو اپنے لیے کچھ خریداری کر لیتے ہیں یا ان کی فیملی ہی ان کے لیے شاپنگ کرتی ہے ۔
ویسے تو وزیراعلی لباس کے معاملے میں کافی اچھی چوائس کے حامل ہیں لیکن ان کو ایک سادہ انسان مانا جاتا ہے بلکہ مہنگے کپڑے پہننے کا شوق نہ رکھنے والا ملنگ وزیراعلی کہا جاتا ہے وہ چاہیں تو بہت مہنگے مہنگے سوٹ زیب تن کر سکتے ہیں لیکن وہ عام طور پر سادہ شلوار قمیض اور کوٹ یا پینٹ شرٹ میں ہی خود کو کمفرٹیبل محسوس کرتے نظر آتے ہیں
