سانگھڑ (پریس رلیز) این ڈی ایف پاکستان کی جانب سے پاتھ فائنڈر کے تعاون سے ڈسٹرکٹ ہیلتھ آفس سانگھڑ میں مہینے کی کثیر الجہتی شعبہ جاتی کمیٹی کا اجلاس منعقد کیا گیا جس کی صدارت ڈسٹرکٹ ہیلتھ آفیسر سانگھڑ ڈاکٹر دولت جمالی نے کی۔ اس موقع پر اجلاس میں “پاتھ فائنڈر” کے سکندر ببر اور “این ڈی ایف” کے پروگرام مینیجر طارق حسین چنڑ سمیت این ڈی ایف کی نمائندگی کرنے والی خواتین نے آگاہی دی۔خواتین اور خاص طور پر نوجوان لڑکیوں میں قائدانہ اور فیصلہ سازی کی صلاحیتوں کو بڑھانے، صنفی بنیادوں پر ہونے والی تشدد کی روک تھام اور موسمی تبدیلی کے منفی اثرات کو کم کرنے کے حوالے سے خیالات کا تبادلہ کیا گیا۔ اس موقع پر اس بات پر زور دیا گیا کہ ضلع کے دور دراز اور پسماندہ علاقوں میں خواتین کو صحت کے بارے میں بہتر تربیت دی جائے تاکہ وہ اپنے خاندانوں کو موسمی نقصان دہ اثرات سے محفوظ رکھ سکیں۔ ڈسٹرکٹ ہیلتھ آفیسر ڈاکٹر دولت علی جمالی نے اجلاس میں موجود آفسران اور سماجی تنظیموں کے نمائندوں کو مخاطب کرتے ہوئے کہا کہ بڑھتی ہوئی آبادی اور صحت کے بارے میں آگاہی کی کمی کی وجہ سے بیماریوں میں اضافہ ہو رہا ہے، اس لئے ہم سب کو مل کر ان مسائل کو قابو پانے کی کوشش کرنی چاہیے اور آپس میں بہتر روابط کو فروغ دینے کی ضرورت ہے۔ اس موقع پر (UN-OCHA کے وحید ملاح سمیت دیگر متعلقہ افسران بھی اجلاس میں موجود تھے۔
