علیگڑھ انسٹیٹیوٹ آف ٹیکنالوجی میں ادارے کے پرچیزنگ آفیسر عباس دارا مصطفیٰ کے اعزاز میں ایک پروقار الوداعی تقریب کا انعقاد کیا گیا۔ اس شاندار تقریب میں ادارے کی اعلیٰ قیادت، سینئر علیگیرین، گورننگ باڈی کے رکن محترم شجر علی ہاشمی، کنوینر محمد ارشد خان، پرنسپل شاہد جمیل، وائس پرنسپل سید ریحان علی اور تمام شعبہ جات کے سربراہان نے شرکت کی۔
تقریب کے دوران عباس دارا مصطفیٰ کی ادارے کے لیے خدمات کو بھرپور خراج تحسین پیش کیا گیا۔ کنوینر محمد ارشد خان نے ان کے پیشہ ورانہ مہارت اور ادارے کی ترقی میں ان کے کردار کو یادگار قرار دیا۔ جناب شجر علی ہاشمی نے کہا کہ عباس دارا مصطفیٰ کا کام ایک مثال ہے اور ان کی محنت ہمیشہ یاد رکھی جائے گی۔ پرنسپل شاہد جمیل نے کہا کہ ان کی یادیں اور خدمات ادارے کی تاریخ میں ہمیشہ زندہ رہیں گی۔
تقریب میں جذبات اور خوشیوں کا حسین امتزاج دیکھنے کو ملا۔ عباس دارا مصطفیٰ نے ادارے کے ساتھ اپنے سفر کو یادگار قرار دیتے ہوئے سب کا شکریہ ادا کیا۔ تقریب کے اختتام پر ظہرانے کا اہتمام کیا گیا اور عباس دارا مصطفیٰ کو گفٹ اور شیلڈ بھی پیش کی گئی۔
علیگڑھ انسٹیٹیوٹ کی قیادت نے اس نئی روایت کو آئندہ بھی برقرار رکھنے کا عزم کیا۔
میڈیا کوآرڈینیٹر AIT
