مورخہ:31 دسمبر 2024
کراچی ( ) چیئرمین لیاقت آباد ٹاون فراز حسیب کی وائس چیئرمین اسحاق تیموری کے ہمراہ ٹاون میونسپل کارپوریشن کے اجلاس کی صدارت۔ اجلاس کا آغاز تلاوت کلام پاک سے ہوا۔ اس موقع پر چیئرمین فراز حسیب، لیاقت آباد ٹاون نے کہا کہ موجودہ بلدیاتی انتظامیہ لیاقت آباد ٹاون کی تعمیر و ترقی کے لئے کوشاں ہے، ہم اپنے محدود وسائل کو استعمال کرتے ہوئے عوام کو ممکنہ سہولتیں فراہم کررہے ہیں اسی لیے آج کا اجلاس منعقد کیا گیا ہے تاکہ عوا م کو بہتر سے بہتر خدمات مہیا کی جاسکیں۔ انہوں نے کہا کہ لیاقت آباد ٹاون میں تعمیر و ترقی کے سفر کا آغاز ہوچکا ہے اور آج کا اجلاس بھی اسی سلسلے کی ایک کڑی ہے۔ اجلاس میں چیئرمین لیاقت آباد ٹاون فراز حسیب نے سندھ لوکل کونسل سرونٹ (میڈیکل اٹینڈینٹ) رولز 2017 کے تحت لیاقت آباد ٹاؤن کے ملازمین کو علاج معالجے کی رقم کی ادائیگی کے سلسلہ میں میڈیکل بورڈ کی منظوری کر تے ہوئے کہا کہ ملازمین کو میڈیکل کی سہولت پہنچانا اس لئے بھی ضروری ہے کہ عام آدمی کے لیے اس مہنگائی کے دور میں پرائیویٹ طور پر علاج معالجہ کر واناناممکن ہو تا جارہا ہے۔اسی طرح سے کالعدم بلدیہ وسطی کو باب کیٹ 2018-2019 میں تحفتاً ملا تھا جو وراثت میں لیاقت آباد ٹاؤن کے حصے میں آیا ہے لہذا باب کیٹ کی مرمت و درستگی مرحلہ وار کرنے اور اسکی وہیکل لسٹ میں اندراج کی منظوری دی۔ اس کے علاوہ ٹا ؤن میونسپل کاپوریشن لیاقت آباد کی حدودمیں واقع رینٹس، فیس، ریٹس، چارجز، ٹال فیسوں، لیزز و دیگر محاصل میں اضعافہ کی بھی منظوری دی۔ مزید براں اجلاس میں پیش کی گئیں تمام قراردادیں اتفاقِ رائے سے منظور کی گئیں۔اجلاس میں اراکین ٹاؤن کونسل، کوآرڈینٹر صغیراحمد انصاری، ڈائریکٹر کونسل وسیم، ڈائریکٹرانتظامیہ فیض، ڈائریکٹر الیکٹریکل اصغرحسین،، اکاونٹ آفیسر پرویز، بجٹ آفیسر شاہد، ڈپٹی ڈائریکٹر میڈیکل فرحت، ڈپٹی ڈائریکٹر پارک محمد نقی نے و دیگر بلدیاتی افسر ان نے شرکت کی۔
جاری کردہ:۔
فہیم مصطفی
ڈائریکٹر انفارمیشن
