مشاعرے کی تہذیب کو دوبارہ سے بحال کررہے ہیں: سید محمد مظفر
مورخہ: 29 دسمبر 2024
کراچی ( ) چیئرمین ناظم آباد ٹاون سید محمد مظفر اور چیئرمین نارتھ ناظم آباد ٹاون عاطف علی خان کی جانب سے عیدگاہ گراونڈ ناظم آبادمیں شب سخن(محفل مشاعرہ)کا انعقاد، چیئرمین ناظم آباد ٹاون سید محمد مظفر کی جانب سے گل داودی کی نمائش کا اہتمام، چیئرمین ناظم آباد ٹاون سیدمحمد مظفر، چیئرمین نارتھ ناظم آباد ٹاون عاطف علی خان وائس چیئرمین ناظم آباد ٹاؤن نعمان صدیقی نے مشاعرے میں آنے والے مہمانوں کا استقبال کیا۔ مشاعرے کے پنڈال کو برقی قمقموں سے سجایا گیاتھا سامعین کیلئے فرشی نشستوں کے ساتھ کرسیاں بھی رکھی گئیں، جناب سحر انصاری کی زیر صدات ہونے والے مشاعرے میں نظامت کے فرائض ڈاکٹر عنبرین حسن عنبر ین،شکیل خان نے سر انجام دئے،منتظم مشاعرہ عرفان معطر تھے، ملک کے معروف شعرا تاجدارعادل،رخسانہ صبا، جاویدصبا، خالد عرفان،سلمان صدیقی، محمود غزنوی، اختر علیم صدیقی، عمران عامی، ڈاکٹرفیاض وید، عبدالحکیم ناصف، خلیل اللہ فاروقی،سید شائق شہاب، رحمٰن فارس، عمیر نجمی، علاودین خانزادہ، عبدالرحمٰن مومن، یحییٰ سرور چوہان،صوفیہ ذاہد، نوید شیخ نمبردار، اویس قرنی، عقیل دانش نے اپنے کلام پیش کرکے شرکائے محفل سے داد وصول کی،مشاعرے میں ڈاکٹر سیف الرحمنٰ،اسسٹنٹ کمشنرناظم آباد ہاشم مسعود،اسسٹنٹ کمشنر نارتھ ناظم آبادعمیر احمد، میونسپل کمشنر ناظم آباد ٹاون اطہر سعید، ناظم آباد ٹاون اور نارتھ ناظم آباد ٹاون کے یوسی چیئرمینز، وائس چیئرمینز، ٹاونز کے افسران کے ساتھ کراچی کے اہل ذوق نے اہل خانہ کے ہمراہ شرکت کرکے محفل کو رونق بخشی۔ چیئرمین ناظم آباد ٹاون سید محمدمظفرنے میڈیا سے گفتگو کرتے ہوئے کہا کہ ناظم آباد ہمیشہ سے خاص اہمیت کا حامل رہا ہے
تقسیم ہند کے بعدپاکستان ہجرت کرکے آنے والوں نے ناظم آباد کو بسایا، اپنی تہذیب ساتھ لائے اس وجہ سے ناظم آباد تہذیبوں والا ناظم آباد کہلاتا ہے،انہوں نے مزید کہا کہ کہ ناظم آباد کی تاریخ رہی ہے کہ یہاں عالمی مشاعرے ہوتے تھے، اب ہم اس کی تجدید کررہے ہیں ہم مشاعرے کی تہذیب کو دوبارہ بحال کررہے ہیں، ان کا کہنا تھا کہ اس طرح کی ادبی محافل سے کراچی کے شہریوں کو کچھ خوشی کے لمحات میسر ہوتے ہیں۔ اس طرح کی محافل شہریوں اور ادب سے محبت کرنے والوں کیلئے بہت اہمیت رکھتی ہیں، ہم عوام کو صحت مند تفریح فراہم کرنے کے لئے کوشاں ہیں۔ چیئرمین ناظم آباد ٹاون سید محمد مظفر نے فلاور شو کے انعقاد اور بہترین انتظامات کے حوالے سے ڈائریکٹر پارکس آصف حسین، ڈائریکٹر سینی ٹیشن ظہیر احمداوران کے عملے کی خدمات کو سراہا، فہیم مصطفی
ڈائریکٹر انفارمیشن
