کراچی( )میئر کراچی بیرسٹر مرتضیٰ وہاب نے واٹر کارپوریشن کی شیریں جناح سیوریج پمپنگ اسٹیشن اور حبیب بینک ہوسٹنگ پمپنگ اسٹیشن پاک کالونی دورہ کرکے بحالی کے کام کا معائنہ کیا دورے کے دوران سی او او واٹر کارپوریشن انجینئر اسداللہ خان ترجمان میئر کراچی برائے سیاسی امور کرم اللہ وقاصی چیف انجینئر سیوریج آفتاب عالم چانڈیو سمیت دیگر اعلیٰ حکام اور یو سیز چیئرمین انکے ہمراہ تھے اس موقع پر یو سیز چیئرمین نے میئر کراچی سے حبیب بینک ہوسٹنگ پمپنگ اسٹیشن پاک کالونی کو اپگریڈ کرنے کی درخواست کی میئر کراچی نے موقع پر واٹر کارپوریشن حکام کو پمپنگ اسٹیشن اپگریڈ کرنے کے احکامات جاری کیے اس موقع پر میئر کراچی بیرسٹر مرتضیٰ وہاب کا کہنا تھا کہ شیریں جناح پمپنگ اسٹیشن میں سیوریج کے مسائل تھے سیوریج اسٹیشن کی بحالی و مرمت یہاں کے مکینوں کا دیرینہ مطالبہ تھا جبکہ شیریں جناح سیوریج پمپنگ اسٹیشن کی بحالی سے پانی کی نکاسی کا عمل بہتر ہوگا انہوں نے کہا شہر میں فراہمی و نکاسی آب کے مسائل حل کر رہے ہیں اس ضمن میں اولڈ سٹی ایریا میں سیوریج کے مسائل کے حل کے لیے جمیلہ پمپنگ اسٹیشن کو فعال کیا ہے اور ٹی پی تھری ماڑی پور میں سیوریج ٹریٹمنٹ پلانٹ لگایا گیا ہے میئر کراچی کا کہنا تھا کہ ہمارا وژن پانی کی قلت کو دور کرنا ہے جبکہ کراچی میں پانی کی ضروریات کو پورا کرنے کے لیے کئی منصوبے شروع کئے گئے ہیں حب سے نئی کینال مکمل ہونے کے بعد کراچی میں پانی کا مسئلہ کافی حد تک حل ہو جائے گا انہوں نے مزید کہا کہ شہر کی انتظامیہ مسائل حل کرنے میں دن رات مصروف ہے کیونکہ ہمارا مقصد صرف شہر کی بہتری ہے اور سڑکوں کی بحالی انفراسٹرکچر کی بہتری سمیت فراہمی و نکاسی آب کے مسائل حل کرنا ہماری اولین ترجیحات میں شامل ہے۔
