29 دسمبر 2024
بروز اتوار
معروف مصنفہ ،ہدایت کارہ،سماجی رہنما محترمہ عاصمہ بٹ کی سالگرہ کے موقع پر ان کی 28 سالہ خدمات پر جڑواں شہروں کے فنکاروں،صحافیوں اور تمام مکتبہ فکر سے وابستہ افراد نے خراج تحسین پیش کیا،ان کی طویل عمر کے لئے دعا کی گئی،اور کیک کاٹا گیا۔گزشتہ روز راولپنڈی پریس کلب میں فنکاروں ،صحافیوں اور مختلف مکتبہ فکر سے وابستہ افراد نے عاصمہ بٹ کی خدمات کو بھرپور انداز میں خراج تحسین پیش کیا ۔جن میں پاکستان یونین آف جرنلسٹ کے صدر افضل بٹ،خالد چوہدری،سلطان شاہ،نئیر علی،ساجد شیخ،امجد،انجم حبیبی،طاہر صدیقی،عاصمہ ملک،سلمان سنی،شہزادی،شبیر شاہ،انجم عباسی،صابر سنی،ارشد خان،سپنا شاہ،آفندی شاہ،راحیل،پی این سی اے سے انجم سجاد گوہر،حسنین بخاری،و سماجی حلقوں سے کثیر تعداد میں افراد شامل تھے۔شرکاء کا کہنا تھا کہ عاصمہ بٹ ملنساری ،انکساری،خدمت خلق کا مجموعہ ہیں۔ان کی تعریف کے لئے یہ تقریب ناکافی ہے، کیوں کہ ان کی فنی اور عوامی خدمات کی 28 سالہ طویل فہرست چند جملوں میں بیان نہیں کی جاسکتی۔مشکل کی ہر گھڑی میں عاصمہ بٹ نے فن کو زندہ رکھا۔ جو فنکاروں کی طرح صحافی برادری اور سماجی حلقوں میں بھی بے حد مقبول ہیں۔اس موقع پر شرکاء نے عاصمہ بٹ کی طویل عمر کے لئے دعا کی اور کہا کہ عاصمہ بٹ ہمارے خاندان کے ایک فرد کی مانند ہیں۔ان کا کام ان کی خدمات کا منہ بولتا ثبوت ہے ۔جڑواں شہروں کے ساتھ ساتھ دوست ملک چائینہ میں بھی عاصمہ بٹ نے اپنے فن کے ذریعے اپنی ثقافت اور روایات کو مثبت انداز میں روشناس کروایا ۔شرکاء کا کہنا تھا کہ ہم چاہتے ہیں کہ اپنی خدمات کو اسی طرح سے جاری وساری رکھیں۔ہم ہر قدم پر ان کے ساتھ ہیں۔اس موقع پر عاصمہ بٹ نے سب کا تہہ دل سے شکریہ ادا کیا اور کہا کہ میں آپ سب کی بے حد ممنون ہوں ،جنھوں نے مجھے اپنے خاندان کے فرد کی مانند عزت سے نوازا،اپ سب کا ساتھ رہا تو فن ،فنکار اور مخلوق خدا کی خدمت میں اپنی تمام عمر صرف کرنا چاہوں گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
