سابق گورنر سندھ ڈاکٹر عشرت العباد خان، MPP سربراہ کی ڈیمو کریٹس پینل کی مسلسل کامیابی پر نو منتخب صدر فاضل جمیلی دیگر عہدیداران محمد سہیل افضل، محمد منصف، عمران ایوب سمیت گورننگ باڈی کے اراکین کو مبارکباد، کراچی آرٹس کونسل کے الیکشن میں احمد شاہ پینل کی ریکارڈ مسلسل کامیابی پر احمد شاہ اور انکی ٹیم کو مبارکباد اور ثقافتی سرگرمیوں کے فروغ کے لئے کراچی کی رونقین بحال کرنے پر انہیں اور انکی ٹیم کو خراج تحسین، سندھ بار، کراچی بار، ملیر بار کے منتخب نمائندوں کو بھی دلی مبارکباد
کراچی (اسٹاف رپورٹر) سابق گورنر سندھ ڈاکٹر عشرت العباد خان، MPPسربراہ نے کراچی پریس کلب کے انتخابات میں ڈیمو کریٹس پینل کی مسلسل کامیابی پر نو منتخب صدر فاضل جمیلی دیگر عہدیداران محمد سہیل افضل، محمد منصف، عمران ایوب سمیت گورننگ باڈی کے اراکین کو مبارکباد پیش کی ہے۔ انہوں نے کہا کہ یہ ان پر صحافی برادری کا اعتماد ہے کہ وہ بار بار کامیاب ہورہے ہیں ، انہوں نے کہاکہ میں میں توقع کرتا ہوں کہ آزادی صحافت اور کراچی پریس کلب کے وقار میں اضافہ کے لئے انکا کردار مثالی ہوگا۔ ہم تمام صحافیوں کے ساتھ ہیں اور ان صحافیوں کے لئے ڈیمو کریٹس پینل سے توقع رکھتے ہیں کہ جدوجہد کریں گے جنہیں ڈاؤن سائزنگ کے نام پر اخبارات، الیکٹرانک میڈیا سے فارغ کردیا گیا۔ وفاقی اور صوبائی وزارتیں بھی
اس سلسلے میں ٹھوس اقدامات کریں۔ دریں اثناء سابق گورنر سندھ ڈاکٹر عشرت العباد خان، MPPنے کراچی آرٹس کونسل کے الیکشن میں احمد شاہ پینل کی ریکارڈ مسلسل کامیابی پر احمد شاہ اور انکی ٹیم کو مبارکباد اور ثقافتی سرگرمیوں کے فروغ کے لئے کراچی کی رونقین بحال کرنے پر انہیں اور انکی ٹیم کو خراج تحسین پیش کیا ہے۔ ایک اور بیان میں انہوں نے سندھ بار، کراچی بار، ملیر بار کے منتخب نمائندوں کو بھی دلی مبارکباد پیش کی ہے۔ توقع ظاہر کی کہ وہ وکلاء برادری اور ججوں کے درمیان پل اور انصاف کی فراہمی میں اہم کردار ادا کریں گے۔ عدلیہ اور وکلاء کی تنظیموں کے وقار میں اضافہ ہوگا۔
سابق گورنر سندھ عشرت العباد اورسینیٹر مشاہد حسین کا رابطہ۔سیاسی صورتحال، پاکستان کی ترقی، شفاف گورننس کے معاملات پر گفتگو۔کہ ملک کی ترقی کے لئے ضروری ہے کہ قیادت ذاتی اور سیاسی مفادات سے بالاتر ہوکرفیصلے کرے۔ڈاکٹر عشرت العباد خان سابق گورنر سندھ
پاکستان کی ترقی شفاف گورننس اور موثر پالیسی سازی پر منحصر ہے، مشاہد حسین سینیٹر، سیاسی رہنماؤں اور سول سوسائٹی سے اپیل ہے کہ وہ مسائل کے حل کے لئے ملکر کام کریں۔اچھی گورننس ہی ایک خوشحال اور مستحکم پاکستان کی بنیاد ہے۔ ڈاکٹر عشرت العباد، مشاہد حسین
کراچی (خصوصی رپورٹ) سابق گورنر سندھ ڈاکٹر عشرت العباد و چیف MPPسے سینیٹر مشاہد حسین کے درمیان اہم رابطہ ہوا ہے۔ جس میں سیاسی صورتحال، پاکستان کی ترقی، شفاف گورننس کے معاملات پر گفتگواور پاکستان کی موجودہ صورتحال پر گفتگو کی گئی۔ تفصیلات کے مطابق ڈاکٹر عشرت العباد سے سینیٹر مشاہد حسین کے درمیان رابطے میں دونوں رہنماؤں نے حکومتی نظام کی بڑھتی ہوئی ناکامیوں اور سیاسی عدم استحکام پر سخت تشویش کا اظہار کیا۔ جو عوام کے ریاستی اداروں پر اعتماد کو نقصان پہنچا رہے ہیں۔ڈاکٹر عشرت العباد خان نے کہاکہ سیاسی استحکام اور اقتصادی ترقی کے لئے اچھی گورننس نا گزیر ہے انہوں نے زور دیا کہ ملک کی ترقی کے لئے ضروری ہے کہ قیادت ذاتی اور سیاسی مفادات سے بالاتر ہوکرفیصلے کرے۔ سینیٹر مشاہد حسین نے تائید کرتے ہوئے کہاکہ پاکستان کی ترقی شفاف گورننس اور موثر پالیسی سازی پر منحصر ہے۔دونوں رہنماؤں نے اتفاق کیا کہ موجودہ گورننس بحران نے اقتصادی ترقی کو روکااداروں کی ساکھ کو نقصان پہنچایا۔ نوجوانوں کو مایوس کیا ہے جو ملک کے مستقبل کے حوالے سے عدم اطمعنان کا شکار ہیں۔دونوں رہنماؤں نے احتساب اور میرٹ پر مبنی ثقافت کو فروغ دینے کی ضرورت پر زور دیا۔جمہوری عمل کو مضبوط کرنے۔، عوامی خدمات کی فراہمی کو بہتر بنانے اور سیاسی استحکام کو یقینی بنانے کے لئے ایک واضع لائحہ عمل کی ضرورت پر اتفاق کیا۔ ڈاکٹر عشرت العباد اور مشاہد حسین نے سیاسی رہنماؤں اور سول سوسائٹی سے اپیل کی کہ وہ ان مسائل کے حل کے لئے ملکر کام کریں۔اچھی گورننس ہی ایک خوشحال اور مستحکم پاکستان کی بنیاد ہے۔
…………….
