26 دسمبر 2024
بروز جمعرات
نعیم پاشا ڈویژنل صدر مسلم لیگ ن یوتھ ونگ راولپنڈی نے کہا کہ سات ہزار کلومیٹر مار کرنے والے بیلسٹک میزائل کا تجربہ دراصل ایک صاف اور سیدھا اعلان ہے کہ پاکستان اب اپنے دفاع اور خودمختاری پر کوئی سمجھوتہ نہیں کرے گا۔ یہ میزائل امریکہ تک مار کر سکتا ہے۔ اس اقدام سے پاکستان نے دنیا پر واضح کر دیا ہے کہ وہ اب کسی دباؤ یا غلامی کے نظام کو قبول نہیں کرے گا۔
اپنے اہم بیان میں نعیم پاشا ڈویژنل صدر مسلم لیگ ن یوتھ ونگ راولپنڈی نے کہا کہ یقیناً اس فیصلے کے بعد پاکستان کو بے پناہ مشکلات کا سامنا ہوگا۔ امریکہ اور اس کے اتحادی ہر ممکن کوشش کریں گے کہ پاکستان کو غیر مستحکم کیا جائے۔ دہشت گردی کی کارروائیاں بڑھ سکتی ہیں، شدت پسند تحریکیں مزید زور پکڑ سکتی ہیں، اور عالمی سطح پر اقتصادی پابندیاں بھی عائد کی جا سکتی ہیں۔ لیکن اگر پاکستان ان چیلنجز کا بہادری اور دانشمندی سے سامنا کر سکا، تو ایک خوشحال اور خودمختار ریاست بن کر ابھرے گا۔ ان کا مزید کہنا تھا کہ مجھے خوشی اس بات کی ہے کہ پاکستان نے عزت، وقار، اور اصولوں پر مبنی راستے کا انتخاب کیا ۔ ایک طویل عرصے کے بعد، ہم فخر کے ساتھ دنیا کے سامنے کھڑے ہیں، 28 مئی یوم تکبیر کے بعد ایک مرتبہ پھر میزائل کا کامیاب تجربہ اس بات کا واضع ثبوت ہے کہ موجودہ مسلم لیگ ن کی حکومت اور ہماری پاک آرمی نے پہلے بھی کسی قسم کا دباؤ قبول نہیں کیا تھا اور اب بھی ہم ایک آزاد اور خودمختار ریاست ہیں اور اپنے فیصلے خود کرتے ہیں دعا ہے کہ پاکستانیوں کا مستقبل خوشحال اور باعزت ہو۔آمین
