کراچی،دسمبر 25:-
شہر کی سڑکوں شاہراہوں پر فول پروف سیکیورٹی کی جانب ایک اور اقدام۔
وزیر داخلہ سندھ ضیاء الحسن لنجار کی رہنما ہدایات کی روشنی میں ایمرجینسی ریسپانس وہیکلز کی سیکیورٹی کے حوالے سے ڈپلائمنٹ کردی گئی۔
کرسمس اور سال نو کی آمد کے موقع پر سیکیورٹی نقطہ نگاہ سے ایڈوانس تیکنیکس سے آراستہ 04 ایمر جینسی ریسپانس وہیکلز سیف سٹی اتھارٹی کے تحت سیکیورٹی فرائض کی انجام دہی میں مصروف عمل ہیں۔
25 دسمبر 2024 کی مناسبت سے مذکورہ اسمارٹ/جدید وہیکلز شہر کے اہم علاقوں، ریڈ زونز اور ائیر پورٹ کے اطراف اور ملحقہ علاقوں میں جامع سیکیورٹی مانیٹرنگ/کوریج جیسے اقدامات کو یقینی بنارہی ہیں۔
جدید تیکنالوجی اور ماڈرن آلات سے لیس ایمرجینسی ریسپانس وہیکلز بالخصوص شہریوں کے تحفظ، کسی بھی ہنگامی صورتحال سے نمٹنے اور غیرقانونی سرگرمیوں کی روک تھام سمیت امن وامان پر مکمل کنٹرول جیسے اقدامات میں مستعد اور الرٹ رہتے ہوئے تفویض کردہ فرائض کو انتہائی مؤثر اور مربوط بنارہی ہیں۔
ترجمان محکمہ داخلہ سندھ
