جدہ کی ڈائیری۔ امیر محمد خان
جنرل اسمبلی میں وزیر اعظم شہباز شریف کابہادرآنہ خطاب
وزیر اعظم میاں محمد شہباز شریف نے گزشتہ دنوں ہونے والے جنرل اسمبلی کے خطاب میں ایک بہادر اور عالمی معاملات پر نظر رکھنے والے ملک کی شاندار نمائیندگی کی، تقریر سوشل میڈیا پر ایک ٹرینڈ بن چکا تھا ، عالمی مسائل پر احاطہ والی شاندار تقریر کی وجہ سے انہیں 137,000سے زیادہ آراء ملیں انکا خطاب تمام عالمی رہنماؤں کی تقریر کے مقابلے میں سب زیادہ دیکھا گیا، تقریر نے الجزیرہ کے TikTok اکاؤنٹ پر 1.6 ملین سے زیادہ آراء حاصل کیں، جس سے اس کے پیغام کو مزید تقویت ملی۔اپنے خطاب کے دوران وزیراعظم نواز شریف نے غزہ میں اسرائیل کی کارروائیوں کی مذمت کرتے ہوئے فوجی حملے کو نسل کشی کی جنگ قرار دیا۔ انہوں نے پرزور آواز میں کہا کہ ‘معصوم فلسطینی بچوں اور خواتین کا قتل عام ہونے پر دنیا نہ جانے کیوں خاموش ہیں غزہ میں جو کچھ ہو رہا ہے وہ ایک انسانی تباہی ہے۔ یہ کوئی تنازعہ نہیں ہے، یہ نسل کشی کی جنگ ہے۔”وزیراعظم نے دیرینہ تنازعہ کشمیر پر بھی خطاب کیا، عالمی برادری کی بے عملی کو تنقید کا نشانہ بنایا۔ انہوں نے فوری حل کی ضرورت پر زور دیتے ہوئے کہا: ”کشمیر دنیا کے ضمیر پر ایک خون آلود زخم بنا ہوا ہے۔ عالمی طاقتوں کی خاموشی نے لاکھوں کشمیریوں کے مصائب کو جاری رکھنے کا موقع دیا ہے۔”شہبازشریف نے عالمی موسمیاتی بحران پر روشنی ڈالی، خاص طور پر قدرتی آفات کے حوالے سے پاکستان کے خطرے کے تناظر میں، عالمی رہنماؤں پر ایکشن لینے پر زور دیا: ”پاکستان، جو موسمیاتی تبدیلیوں کا شکار ہے، نے بے مثال سیلاب اور تباہی دیکھی ہے۔ عالمی برادری کے لیے یہ وقت آ گیا ہے کہ وہ اسے پورا کرے۔ اس کی ذمہ داریاں اور موسمیاتی بحران سے متاثر ہونے والوں کی مدد کرنا۔’عالمی رہنماؤں کی تقاریر کو اقوام متحدہ کے سرکاری یو ٹیوب چینل نے براہ راست نشرکیا جس میں سے زیادہ وزیراعظم پاکستان کی تقریر کی دیکھا گیا ‘ کشمیر کے حوالے سے انہوں نے کہا کہ جموں و کشمیر کی بین الاقوامی سطح پر تسلیم شدہ ”متنازعہ” حیثیت کو تبدیل کرنے کے لیے 5 اگست 2019 کے بھارت کے غیر قانونی اور یکطرفہ اقدامات نے امن کے امکانات کو نقصان پہنچایا اور علاقائی کشیدگی کو ہوا دی۔انہوں نے کہا کہ کشمیریوں کے خلاف بھارت کی جبر کی مسلسل مہم بڑے پیمانے پر اور شدت میں بڑھ رہی ہے، انہوں نے مزید کہا کہ نئی دہلی نے مقبوضہ جموں و کشمیر میں اپنی فوجی تعیناتیوں کو بڑھا کر 900,000 فوجیوں تک پہنچا دیا ہے، اس طرح یہ دنیا کا سب سے زیادہ عسکری علاقہ بن گیا ہے۔’کشمیریوں کی سلسلہ وار بربریت کئی شکلیں اختیار کرتی ہے: ماورائے عدالت قتل، قید، حراست میں تشدد اور موت، طاقت کا اندھا دھند استعمال، کشمیری نوجوانوں کو پیلٹ گنوں سے جان بوجھ کر نشانہ بنانا، اور ‘اجتماعی سزائیں ‘ پوری برادریوں پر عائد کی جاتی ہیں۔”وزیر اعظم نے کہا کہ بھارت غیر قانونی آبادیاتی تبدیلیوں کے ذریعے مسلم اکثریتی جموں و کشمیر کو ہندو اکثریتی علاقے میں تبدیل کرنے کی کوشش کر رہا ہے۔غیر کشمیریوں کو لاکھوں جعلی ڈومیسائل سرٹیفکیٹ جاری کیے گئے ہیں؛ کشمیریوں کی زمینیں اور جائیدادیں ضبط کی جا رہی ہیں؛ انتخابی اضلاع کو گھیرے میں لے لیا گیا ہے؛ اور 25 لاکھ سے
زیادہ غیر کشمیری غیر قانونی ووٹرز کو دھوکہ دہی سے رجسٹر کیا گیا ہے۔ یہ سب سیکیورٹی کی کھلی خلاف ورزی ہے۔
سرگرم پاکستانی سردار محمد اقبال کی صحت یابی پر کمیونٹی کی خوشی کا اظہار
جدہ میں کشمیر کمیٹی کے سرگرم رکن سردار محمد اقبال گزشتہ دنوں عارضہ قلب کی تکلیف کی وجہ سے مقامی اسپتال میں داخل ہوئے خبر ملتے ہی پاکستانی کمیونٹی کی بڑی تعداد نے انکی صحت یابی کی دعائیں کیں، صحت یابی کے بعد گھر واپس آنے پر کمیونٹی کے سرگرم اراکین کی بڑی تعداد انکی صحت یابی پرانہیں مبارکباد دی۔ سردار اقبال ہر مکتبہ فکر میں بہت معروف شخصیت کے حامل ہیں انکے گھر آنے پر پاکستان کمیونٹی کے سرکردہ افراد کے علاوہ صحافیوں کی بڑی تعداد بھی انکی مزاج پرسی کیلئے انکی رہائش گاہ پہنچی سردار محمد اقبال قومی یکجہتی فورم کے سربراہ بھی ہیں جو ایک طویل عرصے سے سرگرم نہیں انکی مصروفیات کی بناء پر ان سے صحافیوں نے سوال کیا کہ ایک جہتی فورم اور بھی موجود ہے جسے پاکستان قونصلیٹ کی آشیر باد حاصل ہے ، سردار اقبال نے کہا کہ وہ پاکستان یکجہتی فورم ہے جبکہ ہمارا فورم قومی یک جہتی فورم ہے اور یک جہتی فورم کا بانی بھی میں تھا انہوں نے کہا جب قونصلیٹ کی آشیر باد والاوہاں میں نے استعفی نہیں دیاتھا، قومی یک جہتی فورم کے دوست چاہتے ہیں کہ ہم اپنی سرگرمیاں پاکستان اور کمیونٹی کیلئے شروع کریں، ان سے پوچھا گیا کہ آپ کہتے ہیں ایک پاکستان یکجہتی فورم قونصلیٹ کا آشیربادیا ہے انہوں نے کہا کہ پاکستان قونصلیٹ ہر پاکستانی کا قونصلیٹ کا ہے اور ہم پاکستانی ہیں قونصلیٹ ہمارے ساتھ بھی پورا پورا تعاون کرے گا ہم نے بھی پاکستان اور کمیونٹی کیلئے کام کرنا ہے انہوں نے خواہش اور امید ظاہر کی کہ جدہ کی سرگرم میڈیا جس نے ہمیشہ پاک سعودی تعلقات کی مضبوطی،اورپاکستان کی نیک نامی کیلئے کام کیا ہے وہ ہمارے فورم کا ساتھ دینگے۔ صحافیوں نے سردار محمد اقبال کوپھولوں کے دستے پیش کئے۔ سردار محمد اقبال نے صحافی برادری کے اس اقدام پر ان کا شکریہ ادا کیا اور کہا کہ اس طرح کی محبت اور حمایت ان کے لیے حوصلہ افزا ہے۔ انہوں نے کہا کہ صحافیوں نے ہمیشہ عوامی مسائل کو اجاگر کیا اور کمیونٹی کو متحد رکھنے میں اہم کردار ادا کیا ہے، جسے وہ قدر کی نگاہ سے دیکھتے ہیں۔
