کیا وجہ ہے کہ شیخ رشید بھی مایوس ہو گئے ، خان کو پانچ سال جیل میں رکھنے کی باتیں کیوں ؟
رہائی کی امیدیں اب امریکہ سے ؟ کیا ہم غلام ہیں کا نعرہ وڑ گیا ؟ امریکی سائفر سے امریکی قرارداد تک ، عمران اور پی ٹی ائی کا امریکہ مخالف بیانیہ دفن ہو گیا ؟
بانی پی ٹی آئی کی رہائی سے کوئی خطرہ نہیں، خواجہ آصف
اگر سیاسی طاقتیں مل کر ملک کیلئے بہتری کا راستہ نکالنا چاہتی ہیں تو اسٹیبلشمنٹ کو کیا اعتراض ہوگا، وزیردفاع
ہفتہ 29 جون 2024 22:44
بانی پی ٹی آئی کی رہائی سے کوئی خطرہ نہیں، خواجہ آصف
اسلام آباد (-) وزیردفاع خواجہ آصف نے کہا ہے کہ عمران خان کی رہائی سے کوئی خطرہ نہیں، سیاست میں اپ ڈائون آتے رہتے ہیں انہیں خطرہ نہیں سمجھنا چاہیے۔ برطانوی نشریاتی ادارے کو انٹرویو میں خواجہ آصف نے کہا وہ نہیں سمجھتے کہ بانی پی ٹی آئی وزیراعظم کی بات چیت کی پیشکش کو سنجیدہ لیں گے، لیکن حکومت بات چیت کیلئے تیار ہے۔
ایک سوال پر وزیر دفاع نے کہا کہ اگر سیاسی طاقتیں مل کر ملک کیلئے بہتری کا راستہ نکالنا چاہتی ہیں تو اسٹیبلشمنٹ کو کیا اعتراض ہوگا۔وزیر دفاع نے کہا کہ دہشت گردی کے بڑھتے واقعات کے پیش نظر ضروری تھاکہ ہم از سر نو صف آرائی کرتے، نیشنل ایکشن پلان کی اپیکس کمیٹی کے اجلاس میں وزیراعلی خیبر پختونخوا نے آپریشن عزم استحکام پر کوئی اعتراض نہیں کیا، خیبر پختونخوا کے عوام کی اکثریت آپریشن کی حمایت کرے گی۔
خواجہ آصف نے کہا کہ پچھلی حکومت میں 4 سے 5 ہزار افراد کو افغانستان سے لا کر بسایا گیا، جس سے افغانستان میں موجود عناصر کو محفوظ ٹھکانے ملے وہ آکر ان کے گھروں میں رہتے اور کارروائیاں کرتے رہے، انہیں لڑنے، لوگوں کو مارنے اور دہشت گردی کے سوا کچھ نہیں آتا، ماضی میں فاٹا کیلئے جو ایجنڈہ طے ہوا لیکن اس کا فالو اپ نہیں ہوا۔
========================
