ویمن ڈویلپمنٹ ڈیپارٹمنٹ اور ایٹ پاکستان کلینری گلڈ کا خواتین کے روزگار کے فروغ کے لیے مشترکہ تعاون
کراچی: صوبائی وزیر برائے ویمن ڈویلپمنٹ ڈیپارٹمنٹ شاہینہ شیر علی کو ایٹ پاکستان کلینری گلڈ کی جانب سے بریفنگ دی گئی، جس میں اس پلیٹ فارم کی بانی شیف فائزہ بیلاون نے فوڈ پرینیورشپ پروگرام اور خواتین کے لیے روزگار کے مواقع سے متعلق تفصیلات پیش کیں۔
ملاقات میں خواتین کی معاشی خودمختاری کے لیے مشترکہ اقدامات پر تبادلہ خیال ہوا۔
ایٹ پاکستان کلینری گلڈ، جس کی بنیاد شیف فائزہ بیلاون نے رکھی، پاکستان بھر کے شیفس، کُلنری ماہرین اور فوڈ انڈسٹری کے پروفیشنلز کو یکجا کرنے والا ایک اہم پلیٹ فارم ہے۔
وزیر شاہینہ شیر علی نے کہا کہ خواتین کو فوڈ انڈسٹری میں آگے لانے، ہنر کے مواقع بڑھانے اور چھوٹے کاروبار کی حوصلہ افزائی کے لیے ویمن ڈویلپمنٹ ڈیپارٹمنٹ بھرپور تعاون کرے گا۔
