اسلام آباد: چیئرمین سینیٹ یوسف رضا گیلانی نے مرحوم سینیٹر عرفان صدیقی کے گھر جا کر انتقال پر گہرے رنج و افسوس کا اظہار کیا۔ انہوں نے مرحوم کے بیٹوں سے تعزیت کی اور اہل خانہ کے لیے صبر جمیل کی دعا کی۔
چیئرمین سینیٹ نے کہا کہ سینیٹر عرفان صدیقی کی قومی اور پارلیمانی خدمات ہمیشہ یاد رکھی جائیں گی۔ انہوں نے مرحوم کی صحافت اور کالم نگاری میں بے مثال خدمات کو بھی سراہا اور کہا کہ ان کے فکری اور پیشہ ورانہ کردار کو ہمیشہ خراجِ عقیدت پیش کیا جائے گا۔
