حکومت نے آئینی ترامیم کر لیں، اب معاشی ترقی کی ذمہ داری بھی قبول کرے:پاسبان
حکومت ممتاز تاجروں اور صنعتکاروں کو اپنی ٹیم میں شامل کرے:اقبال ہاشمی
معیشت کا پہیہ صنعتی ترقی سے گھومتا ہے، حکومت صنعتی ترقی کی ترجیحات واضح کرے
کراچی کو صنعتی پیکج دئیے بغیر ملک ترقی نہیں کر سکتا،صنعتی سیکٹ کو ڈی ریگولیٹ کیا جائے
صنعتوں سے اجارہ داری ختم اور سی پیک کو صنعتی ترقی سے منسلک کیا جائے
کراچی ( )پاسبان ڈیموکریٹک پارٹی کے جنرل سیکریٹری اقبال نے کہا ہے کہ حکومت نے اپنی مرضی کی آئینی ترامیم کر لیں ہیں اب معاشی ترقی کی ذمہ داری بھی قبول کرے۔ ساری سیاسی جماعتیں ایک پیج پر ہیں تو کامیاب معاشی پالیسی بنانے میں بھی کوئی قباحت نہیں ہونی چاہیے۔ قوم سیاسی قائدین سے ریلیف کے بڑے اعلانات کی توقع کر رہی ہے۔ سیلاب متاثرین کو اب سرد موسم کا سامنا ہے۔ ان کی برق رفتاری سے بحالی اولین ترجیح ہونی چاہیے۔ معیشت کا پہیہ صنعتی ترقی سے گھومتا ہے۔ حکومت صنعتی ترقی کی ترجیحات واضح کرے۔ ملک میں جنگی ترانے بجانے سے سرمایہ کار پیچھے ہٹتے ہیں۔ امن و امان کو یقینی بنایا جائے اور میڈیا پر صنعتی انقلاب پر زیادہ گفتگو ہونی چاہیے۔ حکومت ممتاز تاجروں اور صنعتکاروں کو اپنی ٹیم میں شامل کرے۔ میرٹ پر فیصلے کئے جائیں۔ انہوں نے مزید کہا کہ کراچی کو صنعتی پیکج دئیے بغیر ملک ترقی نہیں کر سکتا ہے۔ ٹیکسٹائل ملک معیشت کا ساٹھ فیصد ہے اور ایک کروڑ لوگوں کا روزگار اس صنعت سے وابستہ ہے۔ ٹیکسٹائل کی ترقی کے لئے علیحدہ وزارت قائم کی جائے۔ بلیو اکنامی باتیں کرنے سے نہیں بلکہ صحیح حکمت عملی سے پروان چڑھے گی۔ اپنی اپنی فیلڈ کے ماہرین کو معاشی فیصلے کرنے کے مواقع دئیے جائیں۔ سی پیک کو صنعتی ترقی سے منسلک کیا جائے۔ عوام تک ون روڈ ون بیلٹ حکمت عملی کا فائدہ پہنچنا چاہئے۔ امپورٹ کم کرنے کے لئے مقامی مینوفیکچرنگ کو فروغ دیا جائے۔ پاکستان صنعتی انقلاب میں بہت پیچھے کھڑا ہے۔ صنعتوں کو قومیانے سے صنعتیں تباہ ہوئیں۔ حکومت صنعتی سیکٹرز کو ڈی ریگولیٹ کرے۔ حکومت کی بے جا مداخلت سے قومی خزانے کو نقصان پہنچتا ہے اور صنعتی ترقی کی رفتار بھی سست ہوتی ہے۔ حکومتی ٹیم میں صنعتکاروں کی نمائندگی نظر نہیں آ رہی ہے۔ صنعتوں سے اجارہ داری ختم کی جائے#
پاسبان پریس انفارمیشن سیل
اعظم منہاس: چیئرمین پریس اینڈ نفارمیشن سیل0300-9204794
عزیز فاطمہ: میڈیاڈائریکٹر: 0345-3399224 محمود خان تاجک:پریس سیکریٹری 0323-2002142
(یہ خبر آپ کو بذریعہ ای میل بھی ارسال کردی گئی ہے)
