بھارت میں فلائی اوور کے ’پِلر‘ پر سونے والے شخص کی ویڈیو سوشل میڈیا پر وائرل ہوگئی۔
بھارتی میڈیا رپورٹ کے مطابق بنگلورو میں جالاہلی کراس پر فلائی اوور کے ستون کے اندر سونے والے شخص کی ویڈیو سوشل میڈیا کی زینت بنی جسے دیکھ کر لوگ دنگ رہ گئے اور شہری کے بے گھر ہونے اور حفاظت کے بارے میں بحث چھڑ گئی۔
لوگ سوال کررہے ہیں کہ وہ اتنی چھوٹی اور محدود جگہ تک کیسے پہنچے میں کامایب ہوا۔
عینی شاہدین نے کہا کہ وہ کچھ دیر سے وہاں آرام کررہا تھا بظاہر بڑھتے ہوئے ہجوم اور باہر ہنگامہ آرائی سے بے خبر تھا۔
کچھ صارفین نے شہر میں بے گھر ہونے اور مناسب پناہ گاہ کی کمی کے مسئلے کو اجاگر کیا، جب کہ دوسروں نے بحث کی کہ آیا یہ عمل جان بوجھ کر کیا گیا تھا۔
ایک صارف کا کہنا تھا کہ ستون پر تعمیراتی کام جاری ہے اور مزدور کام کے بعد آرام کر رہے تھے۔
ایک صارف نے لکھا کہ ’سنجیدگی سے اس کی جانچ پڑتال کی ضرورت ہے اگر اس آدمی کو مدد کی ضرورت ہے تو ہمیں اس کی مدد کرنے کے طریقے تلاش کرنے چاہئیں اگر یہ محض ایک اسٹنٹ ہے تو اسے سبق سکھانے کی ضرورت ہے‘۔
بعدازاں پولیس حکام کو صورتحال سے آگاہ کیا گی، جس کے بعد بنگلورو ٹریفک پولیس نے پینیا اسٹیشن کو اس معاملے کو دیکھنے کی ہدایت کی۔
