کراچی 10 نومبر۔ محکمہ کھیل و امورِ نوجوانان ،حکومت سندھ نے اعلان کیا ہے کہ صوبہ سندھ 18 سال بعد 35ویں نیشنل گیمز 2025 کی میزبانی کرے گا۔ یہ باوقار کثیر النوع کھیلوں کا ایونٹ 6 دسمبر سے 13 دسمبر 2025 تک کراچی میں منعقد ہوگا، جس کی مکمل منظوری وزیرِ اعلیٰ سندھ نے دی ہے۔عوامی آگاہی کے لیے پہلے مرحلے میں شاہراہِ فیصل پر 12 نومبر سے 20 نومبر 2025 تک بینرز آویزاں کیے جائیں گے۔ اس دوران ٹارچ ریلے کی تقریب 14 نومبر 2025 کو مزارِ قائد پر منعقد ہوگی جو قومی اتحاد اور فخر کی علامت ہوگی۔کھیلوں کا باقاعدہ آغاز 6 دسمبر سے ہوگا اور 13 دسمبر تک جاری رہے گا۔ اس دوران دوسرے مرحلے میں شاہراہِ فیصل پر 1 دسمبر سے 13 دسمبر تک مزید بینرز آویزاں کیے جائیں گے۔نیشنل گیمز کا مقصد کھیلوں کے فروغ، نوجوانوں کی حوصلہ افزائی اور قومی یکجہتی کو فروغ دینا ہے۔ حکومت سندھ اس ایونٹ کو کامیاب بنانے کے لیے تمام متعلقہ اداروں کے ساتھ مل کر بھرپور اقدامات کر رہی ہے تاکہ اس کا انعقاد مؤثر اور بھرپور شرکت کے ساتھ ممکن بنایا جا سکے۔
ہینڈآؤٹ نمبر 1258۔۔۔
